နိုင်ငံအတွင်း စက်တင်ဘာလ(၆)ရက်နေ့ ညပိုင်းတွင် အတည်ပြုလူနာ (၁၀၀)ဦး ထပ်တိုး
ဓာတ်ခွဲနမူနာပေါင်း (၂၀၂၀)ခုကို စစ်ဆေးရာ COVID 19 ပိုးကူးစက်ခံထားရသူ (၁၀၀)ဦးကို တွေ့ရသဖြင့် ၂၀၂၀ ခုနှစ်၊ စက်တင်ဘာလ (၆)ရက်နေ့ ညနေအထိ အတည်ပြုလူနာ စုစုပေါင်း (၁၄၁၉)ဦးအထိ တိုးလာသည်။
သြဂုတ်လ (၁၆)ရက်နေ့မှစ၍ တွေ့ရသည့် ပြည်တွင်းကူးစက်မှု COVID 19 ဒုတိယလှိုင်းအတွင်း သေဆုံးသူ (၂)ဦးထပ်တိုးလာသဖြင့် COVID 19 ကူးစက်ခံရပြီး သေဆုံးသူ (၈)ဦး ရှိလာပြီဖြစ်သည်။
လက်ရှိအချိန်ထိ ကုသမှုခံယူပြီး ပြန်လည်သက်သာ၍ ဆေးရုံဆင်းခွင့်ရသူမှာ စုစုပေါင်း (၃၆၆)ဦးရှိပြီဖြစ်သည်။
COVID 19 စောင့်ကြည့်လူနာသစ် ထပ်တိုးနေပြီး စက်တင်ဘာလ (၅)ရက်နေ့ နေ့လယ် (၁၂)နာရီအထိ (၂၄)နာရီအတွင်း လူနာသစ် (၁၁၉)ဦး ထပ်တိုးခဲ့ပြီး စက်တင်ဘာလ (၆)ရက်နေ့ နေ့လယ် (၁၂)နာရီအထိ (၂၄)နာရီအတွင်း လူနာသစ် (၁၄၂)ဦး ထပ်တိုးခဲ့သည်။
