~~~~~~~~⊰❂ Unicode Version ❂⊱~~~~~~~~

တာချီလိတ်မြို့ရှိ တည်းခိုရိပ်သာတစ်ခုတွင် မူးယစ်ဆေးသုံးစွဲနေသည့် အမျိုးသား(၃)ဦးနှင့် အမျိုးသမီး (၁)ဦးတို့ကို ဖမ်းမိ
*****************
ထိုင်းနိုင်ငံနှင့်နယ်စပ်၊ ရှမ်းပြည်နယ်(အရှေ့ပိုင်း) တာချီလိတ်မြို့ရှိ တည်းခိုခန်းတစ်ခုကို သတင်းအရ ဝင်ရောက်ရှာဖွေရာ အမျိုးသား (၃)ဦးနှင့် အမျိုးသမီး (၁)ဦးတို့ကို စိတ်ကြွဆေးပြား (၁၀၈)ပြားနှင့်အတူ စိတ်ကြွဆေးပြားသုံးစွဲသည့် ဆက်စပ်ပစ္စည်းများကိုပါ ဖမ်းဆီးရမိထားကြောင်း သိရသည်။

"ရွှေဆိုင်ကိစ္စတွေ လိုက်စုံစမ်းရင်းနဲ့ သတင်းရလို့ အဲဒီမှာဝင်ရှာတာ။ အဲဒီမှာ တည်းခိုတဲ့သူတွေမှာ မူးယစ်ဆေးသုံးစွဲနေတဲ့သူတွေရှိတယ်ဆိုတဲ့ သတင်းရလို့"ဟု တာချီလိတ်မြို့မရဲစခန်းမှ ရဲအရာရှိတစ်ဦးက တာချီလိတ်သတင်းအေဂျင်စီသို့ ပြောသည်။

တာချီလိတ်မြို့မရဲစခန်းမှ နယ်ထိန်းခေါင်းဆောင် ဒုရဲအုပ်ကျော်ဇေယျနှင့် ပူးပေါင်းအဖွဲ့က သတင်းအရ ဆန်ဆိုင်း (ခ) ရပ်ကွက်ရှိ တည်းခိုရိပ်သာကို ၂၀၁၉ ခုနှစ်၊ ဇူလိုင်လ (၃၀)ရက်နေ့ နေ့လယ် (၂)နာရီ (၁၅)မိနစ်အချိန်က ဝင်ရောက်ရှာဖွေရာ အခန်းတစ်ခန်းထဲတွင် မူးယစ်ဆေးဝါးများနှင့်အတူ ရဲထွေး (ခ) ပုည၊  ကျော်နိုင်ထွန်း (ခ) ကိုကျော်၊ ငြိမ်းချမ်းထူး (ခ) ဖိုးတုတ်နှင့် မဘူးဘေ့တို့အား တွေ့ရခြင်းဖြစ်ကြောင်း သိရသည်။

မူးယစ်ဆေးဝါးများနှင့်အတူ လက်ဝယ်တွေ့ရှိရသည့် ရဲထွေး (ခ) ပုည၊  ကျော်နိုင်ထွန်း (ခ) ကိုကျော်၊ ငြိမ်းချမ်းထူး (ခ) ဖိုးတုတ်နှင့် ဘူးဘေ့တို့အား တာချီလိတ်မြို့မရဲစခန်းတွင် မယ(ပ)၁၀၁/၂၀၁၉၊ မူး/စိ်တ်ပုဒ်မ ၁၉(က)/၂၁ ဖြင့် အမှုဖွင့်စစ်ဆေးနေကြော်ငး သိရသည်။

Tachileik News Agency
ဓါတ်ပုံ - ရဲတပ်ဖွဲ့