Update News

တာေလ - မိုင္းလင္း (၇)မိုင္အတြင္း ေဘးဘယ္ညာ လမ္းအား ေက်ာက္သဲခင္း၍ စတင္ျပဳျပင္

ရွမ္းျပည္နယ္(အေရွ႕ပိုင္း)၊ တာခ်ီလိတ္ခရိုင္၊ တာေလၿမိဳ႕မွ မိုင္းလင္းေက်းရြာအုပ္စုသို႔ ဆက္သြယ္ ထားသည့္ လမ္းပိုင္းမွာ လမ္းပခံုးသားမ်ား ၿပိဳက်ၿပီး ျမင့္တက္ေနသျဖင့့္ လမ္းက်ဥ္းကာ မၾကာခဏ ယာဥ္တိုက္မႈမ်ား ျဖစ္ေပၚေနသည့္ အတြက္ ျပဳျပင္ေပးရန္ ေက်းရြာ(၂၉)ရြာရွိ တာဝန္ရိွသူမ်ားမွ ေတာင္းဆို လိုက္ၿပီးေနာက္ ခရိုင္/ၿမိဳ႕နယ္ လမ္းဦးစီးဌာနမွ ႏို၀င္ဘာလ (၂)ရက္ေန႔က စ၍ ေဆာင္ရြက္ေနၿပီ ျဖစ္ေၾကာင္း သိရသည္။

"နမ့္ေမြတံတားအထိ (၇)မိုင္အတြင္း လုပ္သြားမွာပါ၊ လမ္းေဘး လိုအပ္တဲ့ေနရာေတြကို အဓိက လုပ္သြားမယ္၊ တစ္ခ်ဳိ႕ေနရာေတြက လုပ္ရတာ အဆင္မေျပတာေတြရွိတယ္၊ ျခံစည္းရိုးေတြေၾကာင့္လည္း ဆိုင္တာေပါ့။ အဓိက လမ္းတစ္ဖက္နဲ႔ တစ္ဖက္ အနိမ့္အျမင့္ မညီတဲ့ ေနရာေတြကို လုပ္သြားမွာပါ၊"ဟု ၿမိဳ႕နယ္လမ္းဦးစီးဌာနမွ တာ၀န္ရွိသူ တစ္ဦးက ေျပာသည္။

အဆိုပါ လမ္းသည္ က်ဳိင္းလပ္ၿမိဳ႕ ႏွင့္ တာေလၿမိဳ႕ေန တိုင္းရင္းသားျပည္သူမ်ား ေန႔စဥ္အားထားကာ သြားလာရန္ အတြက္ အသံုးျပဳေနရသည့္ လမ္းျဖစ္ေၾကာင္း ႏွင့္ ယာဥ္မၾကာခဏ တိုက္မႈမ်ား ျဖစ္ေလ့ရွိသည့္ အတြက္ ျပဳျပင္ေပးရန္ ေတာင္းဆိုခဲ့ၾကျခင္း ျဖစ္ေၾကာင္း သိရသည္။

"မေန႔က ေက်ာက္သဲေတြ လာပံုတာ ေတြ႕တယ္၊ အခုလို ေဒသခံ တိုင္းရင္းသား ျပည္သူေတြကို အေလးထား ေဆာင္ရြက္ေပးတဲ့အတြက္ ေက်းဇူးတင္ပါတယ္၊ ေရရွည္ အဆင္ေျပဖို႔အတြက္ပဲ ကြ်န္ေတာ္တို႔ ေမွ်ာ္လင့္ပါတယ္"ဟု တာေလၿမိဳ႕ရပ္ကြက္(၃)အုပ္ခ်ဳပ္ေရးမွဴး ဦးစိုင္းသန္႔ဇင္လတ္က ေျပာသည္။

တာေလ - မိုင္းလင္း လမ္းေပၚတြင္ ယာဥ္ႀကီးမ်ား အရွိန္ျဖင့္ ေမာင္းႏွင္မႈမ်ားေၾကာင့္ ယာဥ္မၾကာခဏ တိုက္မႈမ်ား ျဖစ္ပြားၿပီး ထိခိုက္ဒဏ္ရာ ရရွိမႈမ်ား အျပင္ အသက္ေသဆံုးသည္အထိ ျဖစ္စဥ္မ်ား ျဖစ္ခဲ့ေၾကာင္း သိရသည္။

"ဒီ တာေလ - မိုင္းလင္း လမ္းကို အသံုးျပဳၿပီး သြားလာေနတ့ဲ သတၱဳလုပ္ငန္းသံုး ဆယ္ဘီးကားႀကီးမ်ားနဲ႔ Vigo ကားေတြကိုလည္း ဒီလမ္းေပၚမွာ အရွိန္ေလွ်ာ့ေမာင္းေပးဖို႔ ရွမ္းျပည္နယ္(အေရွ႕ပိုင္း)သတၱဴလုပ္ငန္းရွင္မ်ား အသင္းရံုးကို စာပို႔ၿပီး ေမတၱာရပ္ခံထားပါတယ္၊ အသင္းကေနတဆင့္ အသင္း၀င္ သတၱဴလုပ္ငန္းရွင္ေတြကို ျပန္လည္ၿပီး အသိေပးႏိုင္ေအာင္လို႔ပါ"ဟု တာေလၿမိဳ႕၊ ေက်းရြာအုပ္ခ်ဳပ္ေရးမွဴးက ေျပာသည္။






~~~~~~~~⊰❂ unicode ~~~~~~~~

ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ တာလမြေို့မှ မိုင်းလင်းကျေးရွာအုပ်စုသို့ ဆက်သွယ် ထားသည့် လမ်းပိုင်းမှာ လမ်းပခုံးသားများ ပြိုကျပြီး မြင့်တက်နေသဖြင့် လမ်းကျဉ်းကာ မကြာခဏ ယာဉ်တိုက်မှုများ ဖြစ်ပေါ်နေသည့် အတွက် ပြုပြင်ပေးရန် ကျေးရွာ(၂၉)ရွာရှိ တာဝန်ရှိသူများမှ တောင်းဆို လိုက်ပြီးနောက် ခရိုင်/မြို့နယ် လမ်းဦးစီးဌာနမှ နိုဝင်ဘာလ (၂)ရက်နေ့က စ၍ ဆောင်ရွက်နပြေီ ဖြစ်ကြောင်း သိရသည်။

"နမ့်မွေတံတားအထိ (၇)မိုင်အတွင်း လုပ်သွားမှာပါ၊ လမ်းဘေး လိုအပ်တဲ့နေရာတွေကို အဓိက လုပ်သွားမယ်၊ တစ်ချို့နေရာတွေက လုပ်ရတာ အဆင်မပြေတာတွေရှိတယ်၊ ခြံစည်းရိုးတွေကြောင့်လည်း ဆိုင်တာပေါ့။ အဓိက လမ်းတစ်ဖက်နဲ့ တစ်ဖက် အနိမ့်အမြင့် မညီတဲ့ နေရာတွေကို လုပ်သွားမှာပါ၊"ဟု မြို့နယ်လမ်းဦးစီးဌာနမှ တာဝန်ရှိသူ တစ်ဦးက ပြောသည်။

အဆိုပါ လမ်းသည် ကျိုင်းလပ်မြို့ နှင့် တာလမြေို့နေ တိုင်းရင်းသားပြည်သူများ နေ့စဉ်အားထားကာ သွားလာရန် အတွက် အသုံးပြုနေရသည့် လမ်းဖြစ်ကြောင်း နှင့် ယာဉ်မကြာခဏ တိုက်မှုများ ဖြစ်လေ့ရှိသည့် အတွက် ပြုပြင်ပေးရန် တောင်းဆိုခဲ့ကြခြင်း ဖြစ်ကြောင်း သိရသည်။

"မနေ့က ကျောက်သဲတွေ လာပုံတာ တွေ့တယ်၊ အခုလို ဒေသခံ တိုင်းရင်းသား ပြည်သူတွေကို အလေးထား ဆောင်ရွက်ပေးတဲ့အတွက် ကျေးဇူးတင်ပါတယ်၊ ရေရှည် အဆင်ပြေဖို့အတွက်ပဲ ကျွန်တော်တို့ မျှော်လင့်ပါတယ်"ဟု တာလမြေို့ရပ်ကွက်(၃)အုပ်ချုပ်ရေးမှူး ဦးစိုင်းသန့်ဇင်လတ်က ပြောသည်။

တာလေ - မိုင်းလင်း လမ်းပေါ်တွင် ယာဉ်ကြီးများ အရှိန်ဖြင့် မောင်းနှင်မှုများကြောင့် ယာဉ်မကြာခဏ တိုက်မှုများ ဖြစ်ပွားပြီး ထိခိုက်ဒဏ်ရာ ရရှိမှုများ အပြင် အသက်သေဆုံးသည်အထိ ဖြစ်စဉ်များ ဖြစ်ခဲ့ကြောင်း သိရသည်။

"ဒီ တာလေ - မိုင်းလင်း လမ်းကို အသုံးပြုပြီး သွားလာနေတဲ့ သတ္တုလုပ်ငန်းသုံး ဆယ်ဘီးကားကြီးများနဲ့ Vigo ကားတွေကိုလည်း ဒီလမ်းပေါ်မှာ အရှိန်လျှော့မောင်းပေးဖို့ ရှမ်းပြည်နယ်(အရှေ့ပိုင်း)သတ္တူလုပ်ငန်းရှင်များ အသင်းရုံးကို စာပို့ပြီး မေတ္တာရပ်ခံထားပါတယ်၊ အသင်းကနေတဆင့် အသင်းဝင် သတ္တူလုပ်ငန်းရှင်တွေကို ပြန်လည်ပြီး အသိပေးနိုင်အောင်လို့ပါ"ဟု တာလမြေို့၊ ကျေးရွာအုပ်ချုပ်ရေးမှူးက ပြောသည်။
 #TachileikNewsAgency #TachileikOnlineNews www.tachileik.net  
~~~~~~ ေၾကာ္ျငာ ~~~~~~


« PREV
NEXT »

No comments

Post a Comment

:::::::::: လႈိက္လွဲစြာ ေက်းဇုူးတင္ရွိပါသည္ ::::::::::