ကျိုင်းတုံ၊ ဧပြီလ (၃) ရက် ။ ။ ရှမ်းပြည်နယ်အရှေ့ပိုင်း ကျိုင်းတုံမြို့ မူးယစ်တပ်ဖွဲ့စုသည် သတင်းအရ သွားရောက်ရှာဖွေရာမှ ထိုင်းနိုင်ငံသား (၃) ဦးနှင့် မြန်မာနိုင်ငံသား (၂) ဦးတို့အား လက်နက်ခဲယမ်းများနှင့် ဖမ်းဆီးရမိပြီး အိမ်ရှင်မှာ ထွက်ပြေးတိမ်းရှောင်နေကြောင်း သတင်းရရှိသည်။
" ကျွန်တော်တို့ သွားဖမ်းတော့ အိမ်ပိုင်ရှင်တရားခံကို မတွေ့တော့ပါဘူး။ လူငါးယောက်နဲ့ လက်နက်ခဲယမ်းတွေကို ဖမ်းဆီးနိုင်ခဲ့တယ်။ " ဟု ကျိုင်းတုံမြို့မ ရဲစခန်းမှ တာဝန်ရှိသူတစ်ဦးက ပြောသည်။
ဖြစ်စဉ်မှာ မူးယစ်ဆေးဝါးနှင့် လက်နက်ခဲယမ်းများ သိုဝှက်ထားကြောင်း သတင်းအရ မူးယစ်တပ်ဖွဲ့စု (၂၈) ကျိုင်းတုံ၊ စရဖအဖွဲ့တို့ ပူးပေါင်းပြီး ဧပြီလ (၁) ရက် နံနက် (၄) နာရီအချိန်၌ ကျိုင်းတုံမြို့နယ် ၊ မိုင်းဇင်းအုပ်စု၊ ဝမ်ကောင်းရွာမှ ဦးရှော်ချန်၏ နေအိမ်အတွင်းသို့ သွားရောက် ရှာဖွေစစ်ဆေးရာ အိမ်ရှင်ဦးရှော်ချန်ကို မတွေ့ရတော့ဘဲ ၎င်းအိမ်တွင် ထိုင်းနိုင်ငံသား၊ ချင်းဟိုင်းမြို့တွင် နေထိုင်သူများဖြစ်ကြသော ဝမ်ဆိုင်၊ နန်ဝင်း ၊ ဆွမ်ကျင်တို့နှင့် မြန်မာနိုင်ငံသားများဖြစ်ကြသူ ဦးဟာမ၊ ဦးအိုက်ဟောင် တို့ ( ၅) ဦးအား တွေ့ရှိရပြီး နေအိမ်အတွင်း စစ်ဆေးရှာဖွေရာ ရှော်ချန်၏ အိပ်ခန်းအတွင်းရှိ ဗီဒိုအတွင်းမှ ကျည်အမျိုးစားပေါင်း သုံးမျိုး အတောင့် (၅၀) ၊ စာတမ်းမတူသော နယ်စပ်ဖြတ်သန်းခွင့် လက်မှတ် (၃) ခုနှင့် နိုင်ငံသားစိစစ်ရေးကတ်ပြား တစ်ခုတို့အား ရှာဖွေစစ်ဆေးတွေ့ရှိခဲ့ကြောင်း သိရှိရသည်။
အမှုဖြစ်စဉ်နှင့် ဆက်နွယ်ပတ်သက်နေသည့် ထွက်ပြေးတိမ်းရှောင်နေသူ အသက် (၄၅) နှစ်အရွယ် ဦးရှော်ချန်နှင့် ဖမ်းဆီးရမိထားသူ (၅) ဦးတို့အား ဧပြီလ (၁) ရက်တွင် ကျိုင်းတုံမြို့မရဲစခန်းမှ (ပ) ၆၂/၂၀၁၆၊ ရှမ်းလက်နက် ၁၂ (က) ဖြင့် အမှုဖွင့် အရေးယူထားကြောင်း သတင်းရရှိသည်။
သတင်း။ ။ ဇင်အောင်
......................
