တရုတ်၊ လာအိုနှင့် ထိုင်းနိုင်ငံတို့ဖြင့် နယ်စပ်ဖြစ်သည့် ရှမ်းပြည်နယ်အရှေ့ပိုင်းရှိ တာချီလိတ်မြို့တွင် တရုတ်နိုင်ငံသားအများစုလုပ်ကိုင်သည့် တရားမဝင် လောင်းကစားလုပ်ငန်းပေါင်းစုံကို နည်းလမ်းမျိုးစုံဖြင့် နှစ်ပေါင်းများစွာလုပ်ကိုင်နေကြပြီး ၂၀၂၀ ခုနှစ်အတွင်းက ဟိုတယ်ကြီးများ၌ တရားမဝင်ဖွင့်လှစ်ထားသည့် ကာစီနိုများအပါအဝင် လောင်းကစားလုပ်ငန်းများအား တင်းကြပ်ရန်ကြိုးစားခဲ့သော်လည်း အာဏာသိမ်းပြီးနောက်ပိုင်းတွင် အရေအတွက် ပို၍များပြားလာသည်ဟု ဒေသခံများထံမှ သိရသည်။