ရှမ်းပြည်နယ် အရှေ့ပိုင်းဒေသ နယ်စပ်ဒေသမြို့ဖြစ်သည့် တာချီလိတ်မြို့ရှိ တာချီလိတ်ခရိုင် ရဲတပ်ဖွဲ့မှူးရုံးတွင် မတ်လ (၂၃)ရက်နေ့က ဖွင့်လှစ်ခဲ့သည့် ရွေးကောက်ပွဲဆိုင်ရာ လုံခြုံရေး အသိပညာပေး (ဆင့်ပွား)သင်တန်းနှင့် ပတ်သက်၍ သင်တန်းဆင်းပွဲကို ယနေ့ ၂၀၁၅ခုနှစ် မတ်လ(၂၆)ရက် နံနက်ပိုင်းက တာချီလိတ်ခရိုင် ရဲတပ်ဖွဲ့မှူးရုံးတွင် ကျင်းပပြုလုပ်ခဲ့ရာ ရွေးကောက်ပွဲဆိုင်ရာ လုံခြုံရေးနှင့် ပတ်သက်၍ အထူးတလည် ဆွေးနွေးတင်ပြသွားခဲ့ကြသည်။
ဆက်လက်၍ တက်ရောက်လာသည့် ခရိုင်ရွေးကောက်ပွဲ ကော်မရှင် အဖွဲ့ခွဲ ဥက္ကဋ္ဌ ဦးကြည်ဝင်းမောင် အပါအ၀င် နိုင်ငံရေးပါတီမှ ကိုယ်စားလှယ်များ၊ သတင်းမီဒီယာများမှ ဆွေးနွေးမေးမြန်း အကြံပြုခဲ့ကြသည်။
ယင်းသင်တန်းဆင်းပွဲတွင် ခရိုင်/မြို့နယ် ရဲတပ်ဖွဲ့မှူးများက ရွေးကောက်ပွဲ အကြိုကာလတွင် ဖြစ်ပေါ်လာနိုင်မည့် အခြေအနေများနှင့် ပတ်သက်၍ ပါတီတစ်ခုနှင့် တစ်ခု ဥပဒေနှင့် မညီသော မဲဆွယ်စည်းရုံးမှုများ ၊ ပြည်ထောင်စု ရွေးကောက်ပွဲကော်မရှင်နှင့် တိုင်း/ပြည်နယ်၊ ခရိုင်၊ မြို့နယ်၊ ရပ်/ကျေး ကော်မရှင်များအား နိုင်ငံရေးပါတီများမှ အယုံအကြည်မရှိ ကန့်ကွက်ဆန္ဒပြမှုများ၊ သတင်းမီဒီယာများ အနေဖြင့် နိုင်ငံရေး ပါတီများအပေါ် ဘက်လိုက်ရေးသားမှုများ၊ သံဃာတော်များသည် ဆန္ဒမဲပေးခွင့် ရှိသူများ မဟုတ်ကြသည့်အတွက် ၎င်းတို့နှင့် အကျွမ်းဝင် ပတ်သက်သူများအား ၎င်းတို့ ဆန္ဒရှိသည့် ပါတီများကို မဲထည့်စေလိုသော သဘောဖြင့် တရားပွဲများ ကျင်းပ၍ မဲဆွယ်မှုများ၊ မဲလက်မှတ်များ ရိုက်နှိပ်ခြင်း၊ သယ်ဆောင်ခြင်း၊ ထိန်းသိမ်းခြင်း၊ ဖြန့်ဝေခြင်း၊ လုံခြုံရေးများအပေါ် အနှောက်အယှက် ပေးလာနိုင်ခြင်း နှင့် ရွေးကောက်ပွဲ မဲဆွယ် စည်းရုံးရေး ကာလတွင် ပါတီတစ်ဖက်နှင့် တစ်ဖက် ပဋိပက္ခများ ဖြစ်ပွားလာနိုင်ခြင်း စသည့် အကြိုကာလအတွင်း ဖြစ်ပေါ်လာနိုင်မည့် အခြေအနေများကို ဖတ်ကြား ဆွေးနွေးသွားခဲ့သည်။
၂၀၁၅ခုနှစ် အထွေထွေ ရွေးကောက်ပွဲတွင် အကြမ်းဖက်မှုများနှင့် သက်ဆိုင်သည့် ကြိုတင် ကာကွယ်ရေးအပြင် ရွေးကောက်ပွဲအား အောင်မြင်စွာ ဆောင်ရွက်နိုင်ရေးနှင့် ရွေးကောက်ပွဲဆိုင်ရာ လုံခြုံရေး အသိပညာပေး (ဆင့်ပွား)သင်တန်းကို တာချီလိတ်ခရိုင် ရဲတပ်ဖွဲ့မှူး ဒုတိယရဲမှူးကြီးဝင်းထွန်းမှ ဦးဆောင်ပို့ချရာ ခရိုင်ရဲတပ်ဖွဲ့ရုံးမှ အရာရှိ(၁၁)ဦး၊ မြို့နယ်ရဲတပ်ဖွဲ့မှူး (၂)ဦးနှင့် စခန်းမှူး(၇)ဦးတို့ ပါဝင်ရာ စုစုပေါင်း(၂၀)ဦးမှ သင်တန်းတက်ရောက်ခဲ့ကြောင်း ခရိုင်ရဲတပ်ဖွဲ့မှ သိရှိရသည်။