( unicode )

တောင်ကြီး၊ မတ်လ(၂) ။ ရှမ်းပြည်နယ်တောင်ပိုင်း တောင်ကြီးမြို့ မြို့တွင်းလမ်း(၅)လမ်းအား အဆင့်မြှင့်တင်ခြင်းကို မြို့နယ်စည်ပင်သာယာရေးဌာန သုံးခုက စုပေါင်းဆောင်ရွက်နေကြောင်း သိရသည်။

အဆိုပါလမ်းများကို အဆင့်မြှင့်တင်ခြင်းအား စုစုပေါင်း ကုန်ကျငွေ ကျပ်သိန်းပေါင်း(၂၅ယ၁၀၅) ကျော်ဖြင့် ဆောင်ရွက်ရန် ပြည်နယ်အစိုးရအဖွဲ့၏ ဆုံးဖြတ်မှုဖြင့် စည်ပင်သာယာရေးဌာနများက အပိုင်း(၄)ပိုင်း ခွဲ၍ ၂၀၁၆ခုနှစ် ဇန်နဝါရီလ (၁၇)ရက်နေ့က စတင်ဆောင်ရွက်ခြင်းဖြစ်ကြောင်း သိရသည်။

တောင်ကြီးမြို့ အရှေ့မြို့ပတ်လမ်း (နန်းသီတာလမ်းမှ မြကန်သာလမ်းအထိ) ရေမြောင်းနှင့် ရေမြောင်းဖုံးပလက်ဖောင်း ဆောင်ရွက်ခြင်း အပြင် ကလေးဆေးရုံလမ်းအား တောင်ကြီးမြို့နယ် စည်ပင်သာယာရေးဌာနမှ လည်းကောင်း၊ အရှေ့မြို့ပတ်လမ်း(နန်းသီတာလမ်းမှ မြကန်သာလမ်းအထိ) ရေမြောင်းနှင့် ရေမြောင်းဖုံး ပလက်ဖောင်း ဆောင်ရွက်ခြင်းအား လားရှိုးမြို့နယ်စည်ပင်သာယာရေးဌာနမှ လည်းကောင်း၊ အရှေ့မြို့ပတ်လမ်း(ဗိုလ်ချုပ်လမ်းမှ နန်းသီတာလမ်းအထိ)ရေမြောင်းနှင့် ရေမြောင်းဖုံး ပလက်ဖောင်း ဆောင်ရွက်ခြင်းအား တာချီလိတ်မြို့နယ်စည်ပင်သာယာရေးဌာနမှ လည်းကောင်း၊ နန်းသီတာလမ်း (ဗိုလ်ချုပ်လမ်းမှ ကမ္ဘောဇလမ်းအထိ) ရေမြောင်းနှင့် ရေမြောင်းဖုံး ပလက်ဖောင်း ဆောင်ရွက်ခြင်းအား ရှမ်းပြည်နယ်စည်ပင်သာယာရေးဌာနမှ လည်းကောင်း အပိုင်းလိုက်တာဝန် အသီးသီးယူကာ ဆောင်ရွက်ကြခြင်းဖြစ်ကြောင်း သိရသည်။

မြို့တွင်းလမ်းများအဆင့်မြှင့်တင်ခြင်းအနဖြေင့် လမ်းသားချဲ့ခြင်း၊ ရေစီးရေလာကောင်းမွန်ရန် လုပ်ဆောင်ခြင်း၊ အများပြည်သူ အပန်းဖြေ ကျန်းမာရေးလေ့ကျင့်ခန်းလမ်းလျှောက်ရန်အတွက် ပလက်ဖောင်း၊ လူသွားစင်္ကြန်များ ဆောင်ရွက်ရန် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစဝ်အောင်မြတ်မှ လမ်းညွှန်ထားပြီး အဆိုပါ လုပ်ငန်းများအား စက်ယန္တရား ( ၂၃)စီး၊ လုပ်သားအင်အား (၆၆၄)ဦးဖြင့် ဆောင်ရွက်လျှက်ရှိကြောင်း သိရသည်။

အဆိုပါ လုပ်ငန်းဆောင်ရွက်နေမှု အခြေအနေများအား ရှမ်းပြည်နယ်အစိုးရအဖွဲ့၊ ပြည်နယ်စည်ပင် သာယာရေး ဝန်ကြီး ဦးစိုင်းလှဝင်း နှင့် ပြည်နယ်စည်ပင်သာယာရေးကော်မတီ အတွင်းရေးမှူး ဦးစိုင်းထွန်းထွန်း အပါအဝင် တာဝန်ရှိသူများမှ ဖေဖော်ဝါရီလ(၂၀)ရက်နေ့က ကွင်းဆင်း စစ်ဆေးကြည့်ရှုခဲ့ပြီး ပလက်ဖောင်း အကျယ်(၆)ပေရရှိအောင် ဆောင်ရွက်ရန် လမ်းညွှန် မှာကြားခဲ့ပြီးနောက် စည်ပင်သာယာရေးဌာနမှ ပလက်ဖောင်း အကျယ်(၆)ပေရရှိရေးအတွက် စီစဉ်ဆောင်ရွက်ပြီး ကျန်ရှိသည့် လုပ်ငန်းစဉ်များအား ဆက်လက်ဆောင်ရွက်နေလျှက်ရှိကြောင်း သိရှိရသည်။