~~~~~~~~⊰❂ unicode ❂⊱~~~~~~~~

ထိုင်းနိုင်ငံတွင် ဆေးဝါးကုသမှုခံယူနေရသော အသက်(၇၀)ဝန်းကျင်ရှိ ရှမ်းတိုင်းရင်းသားအဆိုတော်ကြီး စိုင်းဆိုင်မောဝ်အား ကူညီ ထောက်ပံ့ပေးနိုင်ရန်အတွက် မြန်မာနိုင်ငံ ဂီတအစည်းအရုံး(တာချီလိတ်) နှင့် တာချီလိတ် ရှမ်းလူငယ် အနုပညာရှင်များ စုပေါင်း၍ တာချီလိတ်မြို့ ချစ်ကြည်ရေးတံတား(၁)၊ အဝိုင်းပတ် အနီးရှိ မြူးဇစ်တိုင်း(Music Tai)ရှေ့တွင် သီချင်းသီဆိုဖျော်ဖြေ၍ ထောက်ပံ့ငွေများ ကောက်ခံမှုအဖြစ် ဧပြီလ(၈)ရက်နှင့်(၉)ရက်တို့တွင် ပြုလုပ်ကြောင်း သိရသည်။

ရှမ်းတိုင်းရင်းသား အဆိုတော်ကြီး စိုင်းဆိုင်မောဝ်၏ ကျန်းမာရေးအတွက် မြန်မာနိုင်ငံဂီတအစည်းအရုံး(တာချီလိတ်)၏ ဥက္ကဌ ဦးစိုင်းလွယ်ခမ်း(ရွှေဥသြ) က ထိုင်းဘတ်ငွေ(၅၀၀၀) နှင့် တာချီလိတ်ရှိ မြူးဇစ်တိုင်း(Music Tai)ပိုင်ရှင် ဦးစိုင်းတွီက ထိုင်းဘတ်ငွေ(၁၀၀၀၀)တို့အား ထည့်ဝင်ထားသည့်အပြင် ဧပြီလ(၈)ရက်နေ့က သီချင်း သီဆိုဖျော်ဖြေ၍ ကောက်ခံရာတွင် ထိုင်းဘတ်ငွေ(၁၈၀၀၀) နှင့် မြန်မာကျပ်ငွေ (၁၉၀၀၀)ကျပ်တို့ ရရှိထားပြီး ဧပြီလ(၉)ရက်နေ့ ည(၇)နာရီအထိ ကောက်ခံသွားမည်ဖြစ်ကြောင်း သိရသည်။

ယခုလို ထောက်ပံ့ငွေများ ရရှိရေးအတွက် သီချင်းသီဆို ဖျော်ဖြေ၍ ကောက်ခံခြင်းသည် အဆိုတော် စိုင်းဆိုင်မောဝ်၏ ဂုဏ်ကျေးဇူးကို ကန်တော့လိုသည့် စိတ်ဓာတ်များကြောင့် ပြုလုပ်ရခြင်းဖြစ်ကြောင်း သိရသည်။
"အခုလို ဘာဖြစ်လို့လုပ်သလဲဆိုတာက ပီဆိုင်မောဝ်ဆိုတာ လူတိုင်းသိပါတယ်၊ မြန်မာပြည်တစ်ပြည်လုံး ပီဆိုင်မောဝ်က နာမည်ရ အဆိုတော်ကြီး တစ်ယောက်ဆိုတာ လူတိုင်းသိပါတယ်၊ ဒါကြောင့်မို့ ဒီလူငယ်တွေဟာ ပီဆိုင်မောဝ် သီချင်းထွက်တဲ့ အချိန်မှာ သူတို့တောင် မွေးသေးမှာ မဟုတ်ပါဘူး၊ ဒါပေမဲ့ အခုဆိုရင် ပီဆိုင်မောဝ်ရဲ့ ဂုဏ်ကျေးဇူးကြောင့် သူတို့ကလည်း ပီဆိုင်မောဝ်ကို ပြန်လည်ပြီးမှ ကန်တော့လိုတဲ့ စိတ်ဓာတ်တွေ ပြင်းပြလို့ အခုလိုမျိုး ပီဆိုင်မောဝ်ရဲ့ ကျန်းမာရေးဆေးဝါးအတွက် ပံ့ပိုးမယ့် အဖွဲ့အစည်း ဖြစ်လာပါတယ်၊"ဟု မြန်မာနိုင်ငံဂီတအစည်းအရုံး(တာချီလိတ်)၏ ဥက္ကဌ ဦးစိုင်းလွယ်ခမ်းက တာချီလိတ်သတင်းအေဂျင်စီသို့ ပြောသည်။

ရှမ်းတိုင်းရင်းသားအဆိုတော်ကြီး စိုင်းဆိုင်မောဝ်သည် ထိုင်းနိုင်ငံ ဘန်ကောက်မြို့ရှိ Sukumvit Hospital တွင် မှန်ပြောင်းအသုံးပြု၍ လေဆာဖြင့် ကျောက်ကပ်မှ ကျောက်များကို ဖယ်ရှားမည်ဆိုပါက ခွဲစိတ် မှုကြောင့် အာရုံကြောထိခိုက်မှုမရှိနိုင်သော်လည်း ကုသမှုစရိတ် အနဖြေင့် ထိုင်းဘတ်ငွေ (၅)သိန်းကျော် ကုန်ကျမည်ဖြစ်ရာ ကုန်ကျမှုအား မတတ်နိုင်သောကြောင့် အဆိုပါ ဆေးရုံမှ ဆင်းခဲ့ပြီး ဘန်ကောက်မြို့ရှိ Praram 9 Hospital တွင် စမ်းသပ်မှုများ ပြုလုပ်ခဲ့ရာတွင် ကျောက်ကပ်ခွဲစိတ်မှုအတွက် ထိုင်းဘတ်ငွေ (၁)သိန်းခွဲကျော် ကုန်ကျမည် ဖြစ်ပြီး ခွဲစိတ်မှုကြောင့် အာရုံကြောအား ထိခိုက်နိုင်သည့်အတွက် လေဖျန်း၍ (၆)လအကြာမှ ခွဲစိတ်၍ ရနိုင်မည်ဖြစ်ကြောင်း နှင့် ခွဲစိတ်ရန် နောက်(၃)လ ဆေးသောက်၍ ထပ်စောင့်ရမည် ဖြစ်သည့်အတွက် ထိုင်းနိုင်ငံမှ မြန်မာနိုင်ငံသို့ ပြန်၍ ခွဲစိတ်မှုကို စောင့်ဆိုင်း မည်ဖြစ်ကြောင်း သိရှိရသည်။

ရှမ်းတိုင်းရင်းသားအဆိုတော်ကြီး စိုင်းဆိုင်မောဝ်၏ ကျန်းမာရေးအတွက် ထောက်ပံ့လိုသူ စေတနာရှင်များ မှ မြန်မာဘဏ်အနဖြေင့် KBZ Bank၊ Account နံပါတ် 057 101 057 007 35001 သို့ လည်းကောင်း၊ ထိုင်းဘဏ်အနဖြေင့် Mr Sai Saing Mao၊ Bangkok Bank၊ Account နံပါတ် 005-7-13282-1 သို့ လည်းကောင်း ပေးပို့ထောက်ပံ့နိုင်ကြောင်း သိရသည်။

သတင်း - ကိုဇောင်း