6000 mAh Mega battery အသုံးပြုထား၍ အားကုန်မှုသက်သာမည့်အပြင် 18W Quick Charge ဖြင့် (၂၆) မိနစ်အတွင်း battery အားတစ်ဝက်အပြည့် အားဝင်စေမည့် ပြောင်းလဲမှုအသစ်များနှင့် realme C Series စမတ်ဖုန်းသစ်ဖြစ်သည့် realme C15 ကို ဈေးကွက်တွင် စတင်ရောင်းချပေးနေပြီဖြစ်သည်။

သုံးစွဲသူအများစု သဘောကျနှစ်သက်သည့် RAM 4GB + ROM 64GB version ဖြင့် realme C15 စမတ်ဖုန်းသစ်ကို Seagull Silver နှင့် Marine Blue နှစ်ရောင်ဖြင့် ထုတ်လုပ်ထားပြီး ဈေးနှုန်း  (၂၁၉,၉ဝဝ) ကျပ်ဖြင့်ရောင်းချပေးနေခြင်း ဖြစ်သည်။

realme C15 စမတ်ဖုန်းသစ်ဝယ်ယူသူတိုင်းအတွက် Mytel Data Package နှင့် realme က ပေးအပ်မည့် မေတ္တာလက်ဆောင်တို့ကိုပါ ထပ်ဆောင်းရရှိမည်ဖြစ်သည်။ 

လက်ဆောင်ရမည့် Mytel Data Package တွင် 6GB Data နှင့် On-Net Call ( 60 Minutes) တို့ကို ရက်ပေါင်း (၆ဝ) အတွင်းအသုံးပြုနိုင်ပြီး Myteal SIM card အသစ်ကို SIM Slot -1 နေရာတွင် ထည့်သွင်းအသုံးပြုရန်လိုအပ်မည်ဖြစ်ပြီး အကယ်၍ လက်ရှိအသုံးပြုနေသည့် Mytel SIM card အဟောင်းဖြင့် ထည့်သွင်းအသုံးပြုလိုပါက စုစုပေါင်းအကျိုးခံစားခွင့်၏ (၅ဝ) ရာခိုင်နှုန်းကို ရရှိစေမည်ဖြစ်သည်။

realme C15 စမတ်ဖုန်းသစ်၏ နောက်ဘက်ကင်မရာပိုင်းတွင် Quad Camera Set-up အဖြစ် ကင်မရာ (၄) လုံးအထိ တပ်ဆင်ပေးထားပြီး ပင်မကင်မရာမှာ 13 MP အရည်အသွေးရုပ်ပုံများကို ရိုက်ယူနိုင်စေ မည်ဖြစ်သည်။ 

အခြားကင်မရာ ၃သုံးအတွက် 8MP Ultra Wide-angle lens၊ 2MP Depth Sensor နှင့် 2MP Marco Lens တို့ကိုတပ်ဆင်ပေးထားသည်။ 

ရှေ့ဘက် Selfie ကင်မရာအတွက် 8MP ကိုအသုံးပြုပေးထားပြီး FullHD Video များကိုလည်း 30fps ဖြင့်ရိုက်ယူနိုင်မည်ဖြစ်သည်။

realme C15 တွင် ကြီးမားကျယ်ပြန့်သည့် 6.5-inch Mini-Drop HD Display ကိုအသုံးပြုပေးထားခြင်းကြောင့် Multimedia ပိုင်းအတွက် ကောင်းမွန်သည့်အတွေ့အကြုံကိုခံစားရစေမည်ဖြစ်ပြီး စွမ်းဆောင်ရည်ပိုင်းအတွက် Octa-core 2.3 GHz အထိအလုပ်လုပ်ပေးမည့် Snapdragon 460 Chipset ကိုအသုံးပြုပေးထားသည်။ 

Android 10 ကိုအခြေခံထားသည့် realme UI ကို ထိတွေ့ရစေမည်ဖြစ်ပြီး Software ပိုင်းတွင် ကောင်းမွန်သည့် Optimization အဆင့်မြှင့်တင်မှုများကိုပြုလုပ်ပေးထားသည်။ 

realme C15 ၏ 6000 mAh Mega battery ကို အခြား device များကို အားပြန်သွင်းပေးနိုင်စေမည့် Reverse Charging စနစ်ကိုထည့်သွင်းပေးထားခြင်းကြောင့် Power Bank အဖြစ်ပါ အသုံးပြုနိုင်စေမည်ဖြစ်သည်။