~~~~~~~~⊰❂ Unicode Version ❂⊱~~~~~~~~

ရဲတပ်ဖွဲ့က ၂၀၁၉ ခုနှစ်၊ ဧပြီလ (၁၃)ရက်နေ့တွင် သုံးထပ်အဆောက်အဦ၏ အမိုးပေါ်၌ အသက် (၂၂)နှစ်အရွယ်အမျိုးသားတစ်ဦး ပြန်ဆင်းရန် အခက်အခဲဖြစ်နေသဖြင့် လှေကားအကူအညီဖြင့် ဆင်းလာနိုင်ရန် ဆောင်ရွက်ပေးခဲ့ရခြင်းဖြစ်ကြောင်းသိရသည်။

ရဲတပ်ဖွဲ့က ကူညီပေးခဲ့သည့် အဆိုပါအမျိုးသားသည်၎င်းဆင်းလာသည့်အဆောက်အဦမှ ကျောင်းသူတစ်ဦး၏ အခန်းတွင်း ခိုးဝင်ကာ မုဒိမ်းမှုကျူးလွန်ရန် အားထုတ်သဖြင့် တိုင်ကြားခံထားရသူဖြစ်ကြောင်း သိရသည်။

ကျောင်းသူ၏ အခန်းမှာ သော့ပျက်နပြေီး အဆောက်အဦရှိ အခြားအခန်းများမှလူများမှာလည်း သင်္ကြန်သွားလည်နကြေသဖြင့် တံခါးကို သော့မခတ်ဘဲထားရာ နံနက် (၄)နာရီခွဲခန့် ဖုန်းသုံးနေရင်း အခန်းတံခါးသော့များကို လိုက်လှည့်နေသံနှင့် ခြေသံကြားရခြင်းဖြစ်ကြောင်း သိရသည်။

ယင်းနောက် အမျိုးသားတစ်ဦး အခန်းတွင်းရောက်လာကာ မုဒိမ်းကျင့်ရန် (၂)ကြိမ်ကြိုးစားခဲ့သော်လည်း အဆိုပါ အမျိုးသားမှာ အမူးလွန်နေသဖြင့် ပြန်လည်တိုက်ခိုက် ထွက်ပြေးလာနိုင်ခဲ့ကြောင်း သိရသည်။

သော့ကဒ်ရှိသူသာဝင်နိုင်သည့် အဆောက်အဦအတွင်းသို့ လူစိမ်းတစ်ဦး ဝင်လာနိုင်ခြင်းမှာ ထူးဆန်းနေသည်ဟု အဆိုပါကျောင်းသူက ရဲတပ်ဖွဲ့ထံဆက်သွယ်တိုင်ကြားရာတွင် ပြောကြားခဲ့ကြောင်း သိရသည်။

ရဲတပ်ဖွဲ့က ကူညီကယ်တင်ခဲ့သည့် အမျိုးသားကို မုဒိမ်းကျင့်ရန်ကြံစည်မှု၊ ကိုယ်ထိလက်ရောက်နာကျင်စေမှုနှင့် ပိုင်နက်ကျူးလွန်မှုတို့ဖြင့် အမှုဖွင့်လိုက်ကြောင်း သိရသည်။

Tachileik News Agency
Ref; Bangkok Post