~~~~~~~~⊰❂ Unicode Version ❂⊱~~~~~~~~

အမြန်လမ်းမကြီးတွင် ဖြတ်သန်းသွားလာသည့် ခရီးသည်တင် Express ယာဉ်များ၊ မီနီဘတ်စ်များ၊ ဘုရားဖူးယာဉ်များနှင့် Telematic စနစ်တပ်ဆင်ထားသောယာဉ်များ၏ ယာဉ်ကြံ့ခိုင်မှုများနှင့်ပတ်သက်၍ စစ်ဆေးမည့်အချက် (၂၀)နှင့် Light Truck ယာဉ်များကို စစ်ဆေးမည့်အချက် (၁၈)ချက်တို့ကို အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲ့က ထုတ်ပြန်ထားသည်ကို တွေ့ရသည်။

အမြန်လမ်းမကြီးတလျှောက် မော်တော်ယာဉ် မတော်တဆတိမ်းမှောက်မှုများ၊ ကားမီးလောင်မှုများ ဖြစ်ပွားမှုများရှိသဖြင့် ယာဉ်အန္တရာယ်၊ လမ်းအန္တရာယ်ကင်းရှင်းစေရေးအတွက် ယာဉ်ကြံ့ခိုင်ရေးစစ်ဆေးမည့် အဆိုပါပူးပေါင်းအဖွဲ့တွင် အမြန်လမ်းမကြီး ရဲတပ်ဖွဲ့၊ ကုန်းလမ်းပို့ဆောင်ရေး ညွှန်ကြားမှု ဦးစီးဌာန၊ လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာန၊ အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့၊ မီးသတ်တပ်ဖွဲ့၊ ကြက်ခြေနီအဖွဲ့ တို့ ပါဝင်ကြောင်း သိရသည်။

စစ်ဆေးမည့်အဖွဲ့များသည် ရန်ကုန် - မန္တလေးအမြန်လမ်းမရှိ အမှတ်(၃)လမ်းဆုံတိုးလ်ဂိတ်၊ နပြေည်တော် စီလမ်းဆုံ တိုးလ်ဂိတ်၊ စကားအင်း တိုးလ်ဂိတ်တို့တွင် စောင့်ကြည့်စစ်ဆေးမည်ဖြစ်ကြောင်း သိရသည်။

Tachileik News Agency