~~~~~~~~⊰❂ unicode ❂⊱~~~~~~~~

ဝါတွင်း(၃)လ ဂူအတွင်း တရားအားထုတ်နေသည့် သဒ္ဓမ္မဇောတိကဓဇ အဂ္ဂမဟာ ကမ္မဋ္ဌာနာစရိယ မိုင်းဖုန်း ဆရာတော် ဘဒ္ဒန္တဉာဏသံဝရသည် ၂၀၁၈ ခုနှစ် အောက်တိုဘာလ (၂၅)ရက်နေ့တွင် ထမ်ဖာလျမ် လှိုဏ်ဂူမှနေ၍ မိုင်းကျက်ချောင်းအနီးရှိ လှိုဏ်ဂူသို့ကြွရောက်ပြီး တရားဟောကြားမည် ဖြစ်ကြောင်း သိရသည်။

မိုင်းဆတ်မြို့နယ်၊ မိုင်းကျက်ရွာအနီးရှိ ထမ်ဖာလျမ်လှိုဏ်ဂူတွင် ဝါတွင်းကာလ သီတင်းကာ တရား အားထုတ်နေသည့် မိုင်းဖုန်းဆရာတော်သည် ၂၀၁၈ ခုနှစ်၊ အောက်တိုဘာလ (၂၄)ရက်နေ့ နံနက် (၉)နာရီက ဂူတွင်းမှ ထွက်လာပြီး ဆံချခြင်းနှင့်အတူ လှူဒါန်းမှုများအား ရေစက်သွန်းချခြင်းများ ပြုလုပ်ကြောင်း သိရသည်။

မိုင်းဖုန်းဆရာတော်သည် နံနက်(၉)နာရီအချိန်၌ ဂူတွင်းမှထွက်ရာ အရှင်သုခမိန္ဒ(စဝ်သုခမ်း)က ပရိတ်ကြိုး ချည်နှောင်ပေးပြီးနောက် ဆရာတော်သည် လာရောက်ပင့်ဖိတ်သော ဒါယိကာများနှင့် တွေ့ဆုံခြင်း၊ နံနက်(၁၁)နာရီအချိန်တွင် ဆံချမင်္ဂလာပြုလုပ်ခြင်း၊ ဒါယိကာများ၏ လှူဒါန်းမှုအစုစုတို့အား ရေစက်သွန်းချ အမျှပေးဝခြေင်းတို့ ဆောင်ရွက်ကြောင်း သိရသည်။

Tachileik News Agency
ဓာတ်ပုံ - Sai Kyaw Aung၊ Sai Thant Zin Latt