~~~~~~~~⊰❂ unicode ❂⊱~~~~~~~~

"အလုပ်သမားတွေနဲ့ ပတ်သက်တဲ့ အခွင့်အရေး ဒါတွေကို သက်ဆိုင်ရာဌာနတွေကို အနီးကပ် ကြီးကြပ် ကွပ်ကဲပြီး လုပ်ငန်းတွေ သွက်လက် လျင်မြန်အောင် ဆောင်ရွက်သွားမှာပါ။ ကျယ်ပြန့်တာကတော့ လဝကပေါ့။ အဲဒီမှာ နိုင်ငံသားတိုင်း ရသင့် ရထိုက်တဲ့ အခွင့်အရေးတွေကို အချိန်မဆိုင်းဘဲနဲ့ ရရှိအောင် ခရိုင်၊တိုင်း သက်ဆိုင်ရာ ဦးစီးဌာနတွေကို ဝန်ကြီးတစ်ယောက်အနေနဲ့ တွန်းအားလည်း ပေးသွားမယ်။ ပူးပေါင်းလည်း ဆောင်ရွက်သွားပါမယ်" ဟု လူဝင်မှုကြီးကြပ်ရေး နှင့် ပြည်သူ့အင်အားဝန်ကြီး ဦးမြင့်ဆွေက တာချီလိတ်သတင်းအေဂျင်စီသို့ ပြောသည်။

မကွေးတိုင်းဒေသကြီး အစိုးရအဖွဲ့ဝင် စိုက်ပျိုးမွေးမြူရေးနှင့် ဆည်မြောင်း ဝန်ကြီး ဦးဝင်းမော်ဌေးနှင့် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဦးမြင့်ဆွေတို့ ဧပြီလ (၂၄)ရက်နေ့ လွှတ်တော်အရေးပေါ် အစည်းအဝေးတွင် ကတိသစ္စာပြုကြပြီးနောက် ယင်းကဲ့သို့ ဖြကြေားခဲ့ခြင်းဖြစ်သည်။

"နိုင်ငံတော်က ချမှတ်ထားတဲ့ မူဝါဒနဲ့အညီ လယ်ယာမြေဥပဒေတွေ၊မြေယာသိမ်းဆည်းမှုဥပဒေတွေ ဒါတွေကို လေ့လာ နေပါတယ်။ လယ်ယာမြေအရေး ကျွမ်းကျင်တဲ့ ပညာရှင်တွေနဲ့ ပူးပေါင်းမယ်။ လိုအပ်ရင် အကြံပေးအဖွဲ့ ဖွဲ့ စည်းပြီး လုပ်ဆောင်သွားမှာပါ။ အောက်ခြေအထိ ဆင်းပြီး တဖြေးဖြေးနဲ့ ကိုင်တွယ် ဖြေရှင်းပေးသွားမယ်လို့ စဉ်းစားထားပါတယ်"ဟု စိုက်ပျိုးမွေး မြူရေးနှင့် ဆည်မြောင်းဝန်ကြီး ဦးဝင်းမော်ဌေးက တာချီလိတ်သတင်းအေဂျင်စီသို့ပြောသည်။

မကွေးတိုင်းဒေသကြီးအစိုးရအဖွဲ့၌ လစ်လပ်လျှက်ရှိနေသော ဝန်ကြီး(၂)ဦး၏ နေရာများအတွက် ဝန်ကြီးချုပ်က တိုင်းဒေသကြီးလွှတ်တော်သို့ အမည်စာရင်းကို တတိယအကြိမ်ထိ တင်သွင်းခဲ့ရပြီးနောက် ယခုခန့်အပ်လိုက်သည့် ဝန်ကြီးနှစ်ဦးအား ၂၀၁၈ ခုနှစ် ဧပြီလ (၁၉)ရက်နေ့တွင် နိုင်ငံတော်သမ္မတက အတည်ပြု ခန့်အပ်လိုက်ခြင်းဖြစ်သည်။

သတင်း - ဖီးနစ်