~~~~~~~~⊰❂ unicode ❂⊱~~~~~~~~

ကျိုင်းတုံမြို့ရှိ အသေးစား စားသောက်လုပ်ငန်း(၃၂)ခုအတွက် ရှမ်းပြည်နယ် အသေးစား စက်မှုလက်မှု လုပ်ငန်းဦးစီးဌာနမှ ခွင့်ပြုပေးလိုက်သည့် လုပ်ငန်းမှတ်ပုံတင် လက်မှတ်များအား ကျိုင်းတုံခရိုင် စားသုံးသူ အငြင်းပွားမှုဖြေရှင်းရေး အဖွဲ့က အခမ်းအနားဖြင့် လက်ဝယ်အရောက် ပေးအပ်လိုက်ကြောင်း သိရသည်။

အဆိုပါ လုပ်ငန်းမှတ်ပုံတင် လက်မှတ်များအား ၂၀၁၈ခုနှစ် မတ်လ(၂၁)ရက်နေ့ နေ့လည်(၂)နာရီက ပေးအပ်လိုက်ခြင်း ဖြစ်သည်။

"ဒီအသေးစား စားသောက်ကုန်လုပ်ငန်းတွေက ကျိုင်းတုံမှာ လုပ်လာတာက နှစ်ပေါင်းများစွာ ကြာနပြေီ ဒါပေမဲ့ သူတို့မှာက တရားဝင် ထောက်ခံချက်တွေက မရှိကြဘူး။ ဒါကြောင့် ထောက်ခံချက်တွေ ရနိုင်ဖို့အတွက် ကျွန်တော်တို့အဖွဲ့ကနပြေီးတော့ တောင်ကြီးမှာရှိတဲ့ အသေးစား စက်မှုလက်မှု လုပ်ငန်း ဦးစီးဌာနနဲ့ ချိတ်ဆက်ပြီးတော့ ထောက်ခံချက်တွေ ရရှိအောင် ဆောင်ရွက်ပေးခဲ့ပါတယ်။ ဒေသတွင်းက စားသောက်ကုန်လုပ်ငန်း (၃၂)ခုကို ဒီနေ့ ထောက်ခံချက် လက်မှတ်ထုတ်ပေးခဲ့ပါတယ်။"ဟု ကျိုင်းတုံခရိုင် စားသုံးသူအငြင်းပွားမှုဖြေရှင်းရေးအဖွဲ့မှ အတွင်းရေးမှူး ဦးသန်းစိုးက တာချီလိတ်သတင်း အေဂျင်စီသို့ပြောသည်။

ထောက်ခံချက်ရရှိခဲ့သည့် အသေးစား စားသောက်ကုန် လုပ်ငန်းများတွင် ဒေသတွင်းတွင် ထုတ်လုပ်လျှက် ရှိသော ဝက်ခေါက်ကြော်လုပ်ငန်းများ၊ မုန့်တီခြောက်လုပ်ငန်းများ၊ ဝက်အူချောင်းလုပ်ငန်းများ၊ မုန့်မျိုးစုံနှင့် ကိတ်မုန့်လုပ်ငန်းတို့ ပါဝင်ပြီး ထောက်ခံချက် ရရှိရန်အတွက် ရှမ်းပြည်နယ် အသေးစားစက်မှုလက်မှု လုပ်ငန်း ဦးစီးဌာနနှင့် ဒေသတွင်းရှိ သက်ဆိုင်ရာဌာနများ ပူးပေါင်း ကွင်းဆင်းစစ်ဆေးခဲ့ကာ တောင်ကြီးတွင် ဓာတ်ခွဲ စမ်းသပ်မှုများ ဆောင်ရွက်ခဲ့ရပြီး ထောက်ခံချက်ရရှိရန် အချိန်ကာလအားဖြင့် (၃)လ ကြာမြင့်ခဲ့ကြောင်း သိရသည်။

"စီးပွားရေး လုပ်ငန်းရှင်တွေ အနေနဲ့ ကိုယ်တိုင်ထုတ်လုပ်တာတို့၊ ကုန်သွယ်တာတို့၊ သူများနိုင်ငံက တင်သွင်းပြီး တစ်ဆင့်ရောင်းချတာတို့ကို ထောက်ခံချက်တွေယူပြီးတော့ ဥပဒေနဲ့အညီ လုပ်ထုံး လုပ်နည်းတွေ အတိုင်း လုပ်စေချင်ပါတယ်။ ဒါမှလည်း ပြည်သူတွေ စားသုံးတဲ့ အခါမှာ စိတ်ချ လုံခြုံမယ်၊ သူတို့ပစ္စည်းတွေကိုလည်း ပြည်တွင်းမှာကော ပြည်ပမှာပါ လွတ်လွတ်လပ်လပ် ရောင်းချနိုင်မှာ ဖြစ်ပါတယ်။"ဟု၎င်းက ဆက်ပြောသည်။

ရှမ်းပြည်နယ်(အရှေ့ပိုင်း)တွင် စားသုံးသူရေးရာဦးစီးဌာနအား ကျိုင်းတုံမြို့တစ်ခုတည်းတွင်သာ ဖွင့်လှစ် နိုင်သေးသဖြင့် ကျိုင်းတုံမြို့တွင်းရှိ လုပ်ငန်းရှင်များသာမက ရှမ်းပြည်နယ်(အရှေ့ပိုင်း)ရှိ အခြားမြို့များမှ လုပ်ငန်းရှင်များ အနဖြေင့် မိမိတို့၏ လုပ်ငန်းများ အတွက် သက်ဆိုင်ရာ ဌာနများနမှ ထောက်ခံချက် လက်မှတ်များကို ရရှိနိုင်ရန် ဆက်သွယ်၍ အကူအညီတောင်းခံလာပါကလည်း သက်ဆိုင်ရာဌာနများနှင့် ချိတ်ဆက်ကာ ဆောင်ရွက်ပေးသွားမည်ဖြစ်ကြောင်း သိရသည်။

သတင်း - ဇွဲမြတ်
ဓာတ်ပုံ - စားသုံးသူရေးရာဦးစီးဌာန(ကျိုင်းတုံ)