တာချီလိတ်မြို့ပေါ်ရပ်ကွက်များ (အထူးသဖြင့်) ရပ်ကွက်သစ်များတွင် မိုးသည်းထန်စွာရွာသွန်းသည့် အခါတိုင်း လမ်းနှင့် နေအိမ်အချို့ ရေနစ်မြုပ်မှုများဖြစ်လေ့ရှိသည်။
ထိုသို့ဖြစ်ပွားရခြင်းမှာ ရေနုတ်မြောင်းများ စနစ်တကျ ဆောင်ရွက်ထားမှု မရှိခြင်းနှင့် အချို့သော ကိုယ်ကျိူးသမားအချို့က မိမိတို့ နေအိမ်ရှေ့ရှိ ရေနုတ်မြောင်းများအား မြေဖို့ထားခြင်းတို့ကြောင့် ရေမြောင်းများ ပိတ်ဆို့ကာ မိုးရွာသွန်းလျှင် ရေထွက်ပေါက်မရှိတော့ပဲ လမ်းမကြီးများမှာ ချောင်းအသွင်ပြောင်းပြီး နိမ့်သောနေအိမ်များသို့ စီးဝင်သွားခဲ့ရသည်။
ဇူလိုင်လ(၉)ရက် အရုဏ်တက်မှ စတင်ကာ ရွာသွန်းခဲ့သောမိုးကြောင့် တာချီလိတ်မြို့တွင်းရှိ နမ့်ယွန်းချောင်း၊ ရွှေဝါနဒီချောင်းနှင့် မယ်ဆိုင်ချောင်းများ ရေမျက်နှာပြင် မြင့်တက်လာကာ မြို့အနိမ့်ပိုင်းရှိ နေအိမ်အချို့ရေနစ်မြုပ်ခဲ့ရသည်။
"မယ်ခေါင်ရပ်ကွက် မြို့ပတ်လမ်းဟာ မြို့ကွက်သစ်ဖြစ်ပါတယ်။ နေအိမ်တွေ ဆောက်လုပ်ရာမှာ မယ်ဆိုင်ချောင်းရေကို ကြောက်ပြီး သူ့ထက်ငါ အပြိုင်အဆိုင်မြေဖို့ကြလာရာမှာ ရေနုတ်မြောင်းတွေကိုပါ ဖို့ပစ်လိုက်ကြတော့ ရေနုတ်မြောင်းမရှိတော့ပဲ လမ်းပေါ်မှာ ရေလွှမ်းပြီး နိမ့်တဲ့အိမ်တွေထဲ စီးဝင်သွားတာ အခုတွေ့ရတဲ့ နေအိမ်ဆိုရင်(ပုံပါအတိုင်း) မိသားစုဝင်တွေဟာ အိမ်ကိုပစ်ပြီးတော့ကို ထွက်ရတဲ့အထိ အခြေအနေဆိုးရွားပါတယ်။ နေအိမ်အသစ်ဆောက်လုပ်ဖို့အတွက် သက်ဆိုင်ရာ တာဝန်ရှိသူတွေက စစ်ဆေးဆောင်ရွက်သင့်သလို ပြည်သူတွေအနေနဲ့လဲ ကိုယ့် ကိုယ်ကျိူးကိုသာကြည့်ပြီး အများပြည်သူထိခိုက်စေမဲ့ အပြုအမူတွေကို မဆောင်ရွက်သင့်ပါဘူး" ဟု မယ်ခေါင်ရပ်ကွက်မှ ပြည်သူတစ်ဦးကပြောပြပါသည်။
သို့ဖြစ်ပါ၍ တာချီလိတ်မြို့ သန့်ရှင်းသာယာလှပရေး၊ ရေကြီးနစ်မြုပ်မှုမှ ကာကွယ်တားဆီး နိုင်ရေးအတွက် သက်ဆိုင်ရာ တာဝန်ရှိသူများမှ စနစ်တကျ ကြီးကြပ်ဆောင်ရွက်ပေးသင့်သလို ပြည်သူများကလဲ ၀ိုင်းဝန်းကူညီဆောင်ရွက်ပေးကြပါရန် တိုက်တွန်းရေးသားလိုက်ရပါသည်။
