~~~~~~~~⊰❂ Unicode Version ❂⊱~~~~~~~~

မြန်မာနိုင်ငံဘက်တွင် ခိုအောင်းနေသည့် ထိုင်းမူးယစ်ရာဇာ၏သားမက်ကို ချင်းမိုင်ရဲတပ်ဖွဲ့ ဖမ်းဆီးရမိ
***********
မြန်မာနိုင်ငံတွင် ခိုအောင်းနေထိုင်သည့် ထိုင်းနိုင်ငံမြောက်ပိုင်းမှ မူးယစ်ရာဇာ လွိုင်တဆန်လန်း၏ သားမက်ဖြစ်သူကို ထိုင်းနိုင်ငံဘက်သို့ပြန်ဝင်လာစဉ် ချင်းမိုင်ရဲတပ်ဖွဲ့က ဖမ်းဆီးရမိလိုက်ကြောင်း သိရသည်။

မြန်မာနိုင်ငံတွင် လူနည်းစုတိုင်းရင်းသားများကြား သွားရောက်ပုန်းအောင်းနေထိုင်နေသည့် အသက် (၅၀) အရွယ် ဆုန်ချိုင်းဆမ်မီးမှာ မူးယစ်ဆေးဝါးမှုနှင့်ဆက်စပ်၍ ထိုင်းရဲတပ်ဖွဲ့က ၂၀၀၃ ခုနှစ်ကတည်းက အလိုရှိနေခြင်းဖြစ်ကြောင်း သိရသည်။

၎င်းအားဖမ်းဆီးရမိသည့်နေအိမ်၏ အမိုးတွင်ဝှက်ထားသည့် ဘတ် (၃၉၀၀၀၀)ကိုလည်း ရဲတပ်ဖွဲ့က ရှာဖွေတွေ့ရှိရကြောင်း သိရသည်။

အသက် (၇၉)နှစ်အရွယ် လွိုင်တသည် ၂၀၁၆ ခုနှစ်က ချင်းမိုင်ခရိုင်အတွင်း မူးယစ်ဆေးဖမ်းဆီးရေးစစ်ဆင်မှုပြုလုပ်စဉ် မူးယစ်မှောင်ခိုမှု (၁၃)မှုဖြင့် ဆက်စပ်ကာ ဖမ်းဆီးခံခဲ့ရပြီးနောက် ထောင်ဒဏ်တစ်သက်တစ်ကျွန်းကျခံခဲ့ရခြင်းဖြစ်ပြီး ရွှေတြိဂံဒေသမှ ဘိန်းဘုရင်ခွန်ဆာနှင့် လက်တွဲအလုပ်လုပ်သူဖြစ်သည်ဟု ထိုင်းရဲတပ်ဖွဲ့က ယုံကြည်ထားသူဖြစ်သည်။

Tachileik News Agency
Ref:Bangkok Post