မွန်ပြည်နယ်မှ သဘာဝဘေးသင့်ပြည်သူများအားကူညီနိုင်ရန် ရှမ်းပြည်နယ် (အရှေ့ပိုင်း) တာချီလိတ်မြို့ရှိ အထက(တာချီလိတ်)ကျောင်းသူကျောင်းသားဟောင်းများအဖွဲ့၊ Tachileik Talent Show၊ A3N Music Band ၊ Mizzima Crew နှင့် Smile Music အဖွဲ့တို့၏ ရန်ပုံငွေရှာဖွေရေး ဒုတိယနေ့ဖြစ်သည့် ၂၀၁၉ ခုနှစ်၊ သြဂုတ်လ (၁၆)ရက်နေ့တွင် ကျပ်နှင့်ဘတ် စုစုပေါင်း ကျပ်(၁၁၂)သိန်းကျော်ရရှိသဖြင့် နှစ်ရက်ပေါင်းတွင် စုစုပေါင်းရန်ပုံငွေ ကျပ်(၁၈၇)သိန်းကျော်ရရှိပြီဖြစ်သည်။

ရန်ပုံငွေရှာဖွေရေး ပထမနေ့ဖြစ်သည့် သြဂုတ်လ (၁၅)ရက်နေ့က ရန်ပုံငွေ ကျပ်(၁,၄၁၉,၃၅၀)၊ ဘတ် (၁၃၅,၅၈၀)၊ ယွမ်(၂၀)နှင့် ထိုင်းထီလက်မှတ်(၂)စောင်ရရှိခဲ့ပြီး သြဂုတ်လ (၁၆)ရက်နေ့တွင် ကျပ်(၄,၁၉၈,၉၀၀)နှင့် ဘတ် (၁၅၈,၂၀၀)ရရှိခဲ့ခြင်း ဖြစ်သည်။

ရန်ပုံငွေရှာဖွေရေးကို ၂၀၁၉ ခုနှစ် သြဂုတ်လ (၁၇)ရက်နေ့တွင်လည်း ညနေ(၅)နာရီမှ ည (၉)နာရီအထိ ဗိုလ်ချုပ်အောင်ဆန်းလမ်းမကြီးဘေးရှိ ပြည်သူ့ဆေးရုံဟောင်းရှေ့တွင် Bboy၊ Zumba အကအဖွဲ့များ၊ ဂီတအဖွဲ့များဖြင့် လုပ်ဆောင်မည့်အပြင် နံနက်(၉)နာရီမှ နေ့လယ်(၁၁)နာရီအထိ ဖျော်ဖြေမှုမပါဘဲ အလှူခံကြမည်ဖြစ်သည်။

ရန်ပုံငွေပွဲ (၃)ရက်တာအတွက် ကုန်ကျစရိတ်များကို အထက(တာချီလိတ်)ကျောင်းသူ ကျောင်းသားဟောင်းများအဖွဲ့မှ လုပ်ငန်းရှင်တစ်ဦးဖြစ်သူ ဦးစိုင်းဂျွန်ရီ( J My King Hotel နှင့် Johnny Fitness Center )က ကျခံပေးထားပြီး အများစုပေါင်းလှူဒါန်းသည့် ရန်ပုံငွေများအားလုံးကို ရေဘေးသင့်ပြည်သူများအတွက် ပေးပို့သွားမည်ဖြစ်ကြောင်း သိရသည်။

မွန်ပြည်နယ်တွင် မြို့နယ်ပေါင်း (၈)မြို့နယ်၌ ၂၀၁၉ ခုနှစ်၊ သြဂုတ်လ (၁၃)ရက်နေ့အထိ ရေဘေး ကယ်ဆယ်ရေးစခန်း (၃၇)ခုတွင် အိမ်ထောင်စုပေါင်း (၂,၁၉၆)စုမှ လူဦးရေ စုစုပေါင်း (၅,၄၄၆) ခိုလှုံနေကြသည်ဟု မွန်ပြည်နယ်အစိုးရအဖွဲ့က သတင်းထုတ်ပြန်သည်။

ပြည်နယ်တွင်း မိုးသည်းထန်ပြီး ရေကြီးနစ်မြုပ်မှု၊ မြေပြိုမှုများကြောင့် လူပေါင်း (၇၀)သေဆုံးခဲ့ရသည့်အပြင် အဆောက်အဦနှင့် လမ်းတံတားများ၊ စပါးစိုက်ဧကများနှင့် ရာဘာခြံများ ပျက်စီးဆုံးရှုံးသွားကြခြင်းဖြစ်သည်။

Tachileik News Agency
ဓါတ်ပုံ - အောင်ကျော်ဝင်းစိန် ၊ ကျော်ဇင်ဟိန်း

~~~~~~~~⊰❂ Unicode Version ❂⊱~~~~~~~~