~~~~~~~~⊰❂ Unicode Version ❂⊱~~~~~~~~

ရန်ကုန်လေဆိပ်တွင် ပြေးလမ်းချော်သည့် ဘီမန်လေယာဉ်၌ လိုက်ပါလာသူအားလုံး ဒဏ်ရာရပြီး (၁၅)ဦး ဆေးရုံတင်ပို့ထား
***********
ရန်ကုန်အပြည်ပြည်ဆိုင်ရာလေဆိပ်တွင် ပြေးလမ်းချော်သွားသည့် ဘီမန်ဘင်္ဂလားဒေ့ရှ်လေကြောင်းလိုင်းပိုင် ခရီးစဉ်အမှတ် BG-060 လေယာဉ်တွင် လိုက်ပါသွားသည့် ခရီးသည်များနှင့် လေယာဉ်ဝန်ထမ်းအားလုံး ထိခိုက်ဒဏ်ရာသွားပြီး (၁၅)ဦးကို ဆေးရုံတင်ပို့ထားကြောင်း သိရသည်။

လေယာဉ်တွင်လိုက်ပါလာသည့် ခရီးသည် (၃၃)ဦးနှင့် လေယာဉ်ဝန်ထမ်းအားလုံး ထိခိုက်ဒဏ်ရာရသွားကာ (၁၅)ဦးကို ဆေးရုံသို့ပို့ဆောင်ထားရပြီး စိုးရိမ်ရသည့်အခြေအနေမရှိကြောင်း ဘင်္ဂလားဒေ့ရှ်မှ တာဝန်ရှိသူတစ်ဦးက ဒေးလီးစတားသတင်းသို့ ပြောကြားထားခြင်းဖြစ်သည်။

ဘင်္ဂလားဒေ့ရှ်နိုင်ငံ ဒါကာမြို့ Hazrat Shah Jalal International Airport မှ ပျံသန်းလာသည့် ဘီမန်ဘင်္ဂလားဒေ့ရှ်လေကြောင်းလိုင်းပိုင် ခရီးစဉ်အမှတ် BG-060 လေယာဉ်သည် ၂၀၁၉ ခုနှစ်၊ မေလ (၈)ရက်နေ့ ညနေ (၆) နာရီ မိနစ် (၅၀)ခန့်က ရန်ကုန်အပြည်ပြည်ဆိုင်ရာလေဆိပ်တွင် ရာသီဥတုကြောင့် လမ်းချော်သွားပြီး လေယာဉ်မှာ ဆိုးဝါးစွာပျက်စီးသွားကြောင်း သိရသည်။

Tachileik News Agenc
Ref: Daily Star