~~~~~~~~⊰❂ Unicode Version ❂⊱~~~~~~~~

မီးခိုးမြူများ ပိုမိုများပြားလာသည့် တာချီလိတ်မြို့ နံနက်ခင်း ( 31/3/2019၊ 8:00AM )
***********

မြန်မာ - ထိုင်းနယ်စပ်ဒေသ၊ တာချီလိတ်မြို့တွင် ၂၀၁၉ခုနှစ် မတ်လ(၃၀)ရက်နေ့ နံနက်က စ၍ မီးခိုးမြူများ သိသိသာသာ များပြားလာခဲ့ရာ ရှမ်းပြည်နယ် ပတ်ဝန်းကျင်ထိန်းသိမ်းရေးဦးစီးဌာန၏ တိုင်းတာချက်အရ လေထုအတွင်း အမှုန်ပါဝင်မှုပမာဏ လေထုအရည်အသွေး အညွန်းကိန်းမှာ (၄၄၈)ရှိခဲ့ပြီး ယနေ့ မတ်လ(၃၁)ရက်နေ့ နံနက်ပိုင်းတွင် မီးခိုးမြူများ ပိုမိုများပြားလာသည်ကို တွေ့ရသည်။

လက်ရှိ အခြေအနေအရ တာချီလိတ်ခရိုင်စီမံခန့်ခွဲမှုကော်မတီနှင့် တာဝန်ရှိသူများက နှာခေါင်းဖုံးများေဝငှပေးခြင်း တာချီလိတ်မြို့နယ် မီးသတ်တပ်ဖွဲ့မှ ရေပက်ဖြန်းပေးခြင် ဆက်လက်လုပ်ဆောင်သွားမည်ဖြစ်ကြောင်း နှင့် တာချီလိတ်နေ ပြည်သူများ အပြင်သွားမည်ဆိုပါ နှာခေါင်းဖုံးများ တပ်သွားကြရန်နှင့် မလိုရင် အပြင်မထွက်ကြရန် တာချီလိတ်ခရိုင်စီမံခန့်ခွဲမှုကော်မတီက အသိပေးနှိုးဆော်ထားရှိသည်။

Tachileik News Agency
ဓာတ်ပုံ - #ကိုဇောင်း