~~~~~~~~⊰❂ unicode ❂⊱~~~~~~~~

မကွေးမြို့ ဂရုဏာရှင်များနာရေးကူညီမှုအသင်း(၁၆)နှစ်ပြည့် ဓမ္မပူဇာသဘင် တရားပွဲ(၃၈)ပွဲ ဟောကြားမည်
************
မကွေးမြို့ ဂရုဏာရှင်များ နာရေးကူညီမှုအသင်း (၁၆)နှစ်ပြည့် ဓမ္မပူဇာသဘင်ကို ၂၀၁၈ ခုနှစ် ဒီဇင်ဘာလ (၁)ရက်နေ့မှ (၇)ရက်နေ့အထိ နေ့ကလေးအထူးတရားပွဲအပါအဝင် တရားပွဲ(၃၈)ပွဲ ကျင်းပသွားမည်ဖြစ်ကြောင်း သိရသည်။

 “အသင်းကြီးရဲ့ ထာဝရအလှူရှင်တွေရော (၁၆)နှစ်တိုင်အောင် ပါဝင်လှူဒါန်းမှုပြုနေကြတဲ့ အလှူ ရှင်တွေအပေါ် ပြန်လည်ကျေးဇူးဆပ်တဲ့အနေနဲ့ ဗုဒ္ဓရဲ့တရားတော်တွေကို နာယူနိုင်အောင်ဆိုပြီး ဓမ္မပူ ဇာသဘင် ဆင်ယင်ကျင်းပခြင်းဖြစ်ပါတယ်။ နှစ်စဉ်ပြုမြဲဖြစ်တဲ့ ကျေးရွာ(၃၀)ကို ဖိတ်ကြားပြီး တရားပွဲလာ ရောက်ကြတဲ့အခါ မော်တော်ယာဉ်အမျိုးအစားအလိုက် ဆီဖိုးပြန်လည်ပံ့ပိုးသွားမှာဖြစ်ပြီး မြို့ပေါ်တရားနာ တွေအတွက်ကတော့ ယာဉ်လိုင်း(၇)လိုင်းလောက်နဲ့ ညစဉ် အကြို အပို့လုပ်ဆောင်ပေးသွားမှာပါ”ဟု ဂရုဏာရှင်များ နာရေးကူညီမှုအသင်း ဥက္ကဌ ဦးအုန်းရွှေက တာချီလိတ်သတင်းအေဂျင်စီသို့ ပြောသည်။

အဆိုပါအသင်းသည် ဒေသတွင်းနာရေးကူညီမှုများ၊ အောက်ဆီဂျင်ဗူးများ အခမဲ့ပံ့ပိုးပေးခြင်း၊  အခမဲ့ဆေးခန်းဖွင့်လှစ်ခြင်း၊ သဘာဝဘေးအန္တရာယ်သင့်ပြည်သူများအား ထောက်ပံ့လှူဒါန်းခြင်း၊ အရေးပေါ်လူနာများ ကူညီပို့ဆောင်ပေးခြင်းများကို ဆောင်ရွက်ပေးနေခြင်းဖြစ်ပြီး လက်ရှိတွင် ရန်ပုံငွေ ကျပ်သိန်း(၂၃၀၀)ခန့်ရှိနေကာ အဆိုပါအသင်းမှတစ်ဆင့် အများပြည်သူလှူဒါန်းမှုတန်ဖိုးမှာ ကျပ်သိန်းပေါင်း(၈၀၀၀၀) ခန့် ရှိပြီဖြစ်ကြောင်း သိရသည်။

မကွေးမြို့ ဂရုဏာရှင်များ နာရေးကူညီမှုအသင်းကို ၂၀၀၂ ခုနှစ် အောက်တိုဘာလ (၁)ရက်နေ့တွင် မကွေးဆရာတော်ဘုရားကြီး၏ ဦးဆောင်လမ်းညွှန်မှုဖြင့် တည်ထောင်ခြင်းဖြစ်ကြောင်း သိရသည်။

သတင်း၊ဓာတ်ပုံ #ဖီးနစ်