~~~~~~~~⊰❂ unicode ❂⊱~~~~~~~~

ထိုင်းနိုင်ငံ ချင်းမိုင်ဒေသအတွင်းမှ နေရပ်ပြန်လိုသော ရွှေ့ပြောင်းမြန်မာလုပ်သား(၂၆)ဦးသည် ချင်းမိုင် RCSS/SSA၏ အစီအစဉ်ဖြင့် မယ်ဆိုင်မြို့သို့ ရောက်ရှိလာရာ ဇူလိုင်လ(၉)ရက်နေ့ နံနက်ပိုင်းက CNCMC နှင့် ရှမ်းတိုင်းရင်းသား ပါတီ(၂)ခုမှ မယ်ဆိုင်သို့ သွားရောက် ကူညီပေးခဲ့ကြပြီး မြန်မာ - ထိုင်း ချစ်ကြည်ရေး အမှတ်(၂)တံတား မြန်မာဘက်တွင် နေရပ်ပြန်ရွှေ့ပြောင်းလုပ်သားများ ပြန်လည်ကြိုဆို လက်ခံရေး ကော်မတီ နှင့် တာဝန်ရှိသူများက ညနေ(၃)နာရီဝန်းကျင်က ကြိုဆိုခဲ့ကြသည်။

"နေရပ်ပြန်မယ်ဆိုရင် ပွဲစားတွေက တစ်ယောက်ကို ဘတ်(၃၀၀၀) ကနေ ဘတ်(၄၀၀၀)တောင်းတာတွေရှိတယ်လို့ ကြားလို့ ကျွန်တော်တို့လည်း တတ်နိုင်တဲ့ဖက်က ကူညီပေးနိုင်ရန်အတွက် ဖေ့ဘုတ်ပေါ်မှာ နေရပ်ပြန်လိုသူများ ဆက်သွယ်ကြပါ၊ ကူညီပေးမယ်ဆိုပြီးတော့ပေါ့ မယ်ဆိုင်ကို အရောက် ပို့ဆောင်ပေးမယ်ဆိုပြီး ရေးပြီးတင်လိုက်တော့ ဖေ့ဘုတ်ကနေ တစ်ဆင့် ဆက်သွယ် လာကြတဲ့ လူတွေရှိလာလို့ အခု ကျွန်တော်တို့အနေနဲ့ အဆင့်ဆင့် ချိတ်ဆက်ပြီး အခုလို အရောက် လာပို့ပေးတာပါ၊ နောက်ပိုင်း ဆက်သွယ်လာသူတွေရှိလာရင်လည်း အခုလို လာရောက် ပို့ဆောင်ပေးမှာ ဖြစ်ပါတယ်"ဟု ချင်းမိုင်မှ RCSS/SSA၏ ဆက်ဆံရေးတာဝန်ခံ ကိုစိုင်းလန်းက တာချီလိတ်သတင်းအေဂျင်စီသို့ ပြောသည်။

ဇူလိုင်လ(၉)ရက်နေ့တွင် တာချီလိတ်သို့ ပြန်လာသည့်အထဲ၌ RCSS/SSA၏ အစီအစဉ်ဖြင့် ရောက်ရှိ လာသူမှာ အမျိုးသား/အမျိုးသမီး စုစုပေါင်း (၂၆)ဦး ဖြစ်ပြီး မယ်ဆိုင်လဝကတွင် ရောက်ရှိနေသည့် အမျိုးသား (၂)ဦး အပါအဝင် စုစုပေါင်း (၂၈)ဦး ရှိကြောင်း သိရသည်။

"အခုလိုမျိုး RCSS/SSA အနေနဲ့ ကိုယ့်မြန်မာနိုင်ငံသားတွေ နေရပ်ပြန်ဖို့အတွက် ချင်းမိုင်ကနေ မယ်ဆိုင်ကို အရောက်လာပို့ပေးတာဟာ ဝမ်းသာစရာကောင်းပါတယ်။ အခုလိုမျိုး တတ်နိုင်တဲ့ဖက်က ပါဝင် ကူညီပေးကြရင် ထိုင်းနိုင်ငံအတွင်းကနေ နေရပ်ပြန်မယ့် မြန်မာနိုင်ငံသားတွေအနေနဲ့လည်း အခက်အခဲ မရှိစေတော့ပဲ တစ်ဖက်နဲ့တစ်ဖက် ချိတ်ဆက်ပြီး ဆောင်ရွက်ကြတာဖြစ်တဲ့အတွက် အဆင်ပြေ စေပါတယ်။"ဟု ထိုင်းနိုင်ငံမယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေးကော်မတီ(CNCMC)၏ လုပ်ငန်းအကောင်အထည်ဖော်ရေးကော်မတီ ဥက္ကဌ ဦးအောင်ဖြိုးရှိန်က ပြောသည်။

နေရပ်ပြန်လိုသူများအနဖြေင့် မယ်ဆိုင်သို့ ရောက်သည့်အခါတွင် မယ်ဆိုင် လဝက ရုံးတွင် စာရင်း ပေးသွင်းရပြီးနောက် CNCMC ကော်မတီက မယ်ဆိုင်သို့ လာရောက်၍ မော်တော်ယာဉ်များဖြင့် ကြိုဆိုခေါ်ဆောင်ကာ တာချီလိတ်သို့ ပို့ဆောင်ပေးခြင်းဖြစ်ပြီး နေရပ်ပြန်လိုသူများ နှင့် အကူအညီ လိုအပ်သူများအား ပေါင်းစပ်ကူညီပေးနေကြောင်း၎င်းထံက သိရသည်။

ဇူလိုင်လ(၉)ရက်နေ့တွင် တာချီလိတ်သို့ ပြန်လာသည့် ရွှေ့ပြောင်းမြန်မာလုပ်သား (၂၈)ဦးအတွက် CNCMC ကော်မတီ၏ ဦးဆောင်မှုဖြင့် ကျားခေါင်းပါတီ၊ SNLD ပါတီ၊ SNDP ပါတီတို့မှ မယ်ဆိုင် လဝကရုံးတွင် လိုအပ်သည်များကို ကူညီပေးပြီး နေ့လယ်စာအတွက် စိုင်းလောဝ်ဟိန်း သတ္ထုတူးဖော်ရေး ကုမ္ပဏီမှ လှူဒါန်းပေးကြောင်း နှင့် တာချီလိတ်ဘက်တွင် တာချီလိတ် ဂေါ်ရခါးလူမှုကူညီရေး အသင်းမှလည်း လာရောက်၍ စားစရာများ ပေးေဝလှူဒါန်းကြောင်း သိရသည်။

နေရပ်ပြန်လာသူများထဲမှ မိမိဇာတိမြို့သို့ ပြန်လိုသူများသည် ကား(သို့မဟုတ်)လေယာဉ်များ စောင့်ဆိုင်းရန် တစ်ညအိပ်ရသည့်အခါတွင် နေထိုင်စရာအတွက် SNLD ပါတီ၊ SNDP ပါတီတို့မှ ဆေခမ်းရပ်ကွက်ရှိ ဘုန်းကြီးကျောင်းတွင် နေထိုင်နိုင်ရန် စီစဉ်ပေးသည့် တာဝန်ကို ခွဲယူပြီး ကူညီပေးနေလျက်ရှိကြောင်း သိရသည်။

နေရပ်ပြန်လာသူများထဲတွင် မြန်မာနိုင်ငံသား ဟုတ် /မဟုတ် ကို လဝက နှင့် စိစစ်မှုများ ပြုလုပ်ကြောင်းနှင့် နေရပ်ပြန်လိုသော်လည်း မြန်မာနိုင်ငံသား ဖြစ်ပါက မှတ်ပုံတင်မရှိသူများကို ထောက်ခံစာများ ပြုလုပ်ပေးကြောင်း သိရသည်။

" ကျွန်တော်တို့ မြို့နယ်လဝကရုံးကနပြေီးတော့ အထောက်အထားမရှိတဲ့သူတွေကို နေရပ်ဒေသကို ပြန်နိုင်အောင် အဆင်ပြေနိုင်ဆုံးဖြစ်အောင် ထောက်ခံစာတွပြေုလုပ်ပေးပြီး ဆောင်ရွက်ပေးနေပါတယ်၊ နိုင်ငံခြားသွေးနှောမှု ရှိ/မရှိ၊ ဥပမာ ဘင်္ဂလီတွေ ပါဝင်လာခြင်း ရှိ /မရှိပေါ့၊ မြန်မာနိုင်ငံသား တိုင်းရင်းသား စစ်စစ်တွေဆိုရင် လက်ခံပေးတယ်၊ မြန်မာနိုင်ငံသား မဟုတ်တဲ့ သူတွေပါလာတယ်ဆိုရင် ပြန်လည် စိစစ်ပြီးတော့ ထိုင်းဘက်ကို ပြန်ပို့ပေးပါတယ်"ဟု တာချီလိတ်မြို့နယ်လဝကမှ ဒုလဝကမှူး ဦးစိန်လွင်က ပြောသည်။

ထိုင်းနိုင်ငံအတွင်းမှ တာချီလိတ်သို့ ပြန်လာလိုသော ရွှေ့ပြောင်းမြန်မာလုပ်သားများအား ကူညီ ဆောင်ရွက်ပေးနိုင်ရန်အတွက် တာချီလိတ်ခရိုင်စီမံခန့်ခွဲမှု ကော်မတီမှ ကြီးကြပ်ဆောင်ရွက်ကာ CNCMC နှင့် TBC ကော်မတီတို့မှ ချင်းရိုင်းခရိုင်အတွင်း သွားရောက် ကူညီပေးနပြေီး တာချီလိတ်ဘက်တွင် နေရပ်ပြန်ရွှေ့ပြောင်းလုပ်သားများ ပြန်လည်ကြိုဆိုလက်ခံရေးကော်မတီမှ ကြိုဆိုကာ စိစစ်မှုများ ပြုလုပ်ရာ နိုင်ငံရေးပါတီများ နှင့် လူမှုရေးအသင်းအဖွဲ့များက လိုအပ်သည်များကို ကူညီဆောင်ရွက်ပေးကြောင်း သိရသည်။

ထိုင်းနိုင်ငံမှ နေရပ်ပြန်လာလိုပြီး ထိုင်းနိုင်ငံအတွင်းမှ နယ်စပ်ဂိတ်များသို့ သွားလာရန် အခက်အခဲ ဖြစ်နေသူများ နှင့် ထိုင်းရဲစစ်ဆေးရေးဂိတ်များမှ ငွေညှစ်တောင်းခံမှုများအပြင် နယ်စပ်ဝင်ပေါက်တွင် ကားသမားများမှ ဖြစ်စေ၊ ပွဲစားများမှဖြစ်စေ ငွေကြေးတောင်းခံပါက CNCMC ကော်မတီ၏ 0850388887၊ 0897558729 သို့ ဖုန်းဖြင့်ဆက်သွယ်၍ အကူအညီတောင်းခံနိုင်ကြောင်း သိရသည်။

သတင်း - ကိုဇောင်း