သတင္း။ ။ ဖီးနစ္(မေကြး)
.....................
မကွေး၊ ဇွန်လ (၁၀) ရက်
ရွန်နူဆိုင်ကလုံးမုန်တိုင်းအရှိန်ဖြင့် မိုးရွာသွန်းပြီးနောက် မေလဆန်းပိုင်းက အပူချိန်လွန်ကဲမှုကြောင့် ပျက်စီးခဲ့သည့် မကွေးမြို့ နယ်အတွင်းရှိ ဆီထွက်သီးနှံစိုက်ခင်းများ ပြန်လည်စိုက်ပျိုးရန် စတင်ပြင်ဆင်လာ ကြကြောင်း သိရသည်။
“မိုးပြတ်ပြီး ပူလွန်းတာကြောင့် ကျဲပက်ထားတဲ့ နှမ်းမျိုးစေ့တွေ ပျက်စီးဆုံးရှုံးကုန်တယ်။ ဒီတစ်ခါ မုန်တိုင်းကြောင့် ရွာသွန်းတဲ့မိုးနောက်မှာ မုတ်သုန်မိုးကပါ လိုက်လာမှာဆိုတော့ မျိုးတွေအတွက် စိတ်ချရပြီ လို့ထင်ပါတယ်”ဟု မကျီးကန်ကျေးရွာမှ တောင်သူတစ်ဦးက ပြောသည်။
မကွေးမြို့နယ်အတွင်း ဆီထွက်သီးနှံစိုက်တောင်သူများသည် နိုင်ငံခြားဝယ်လက်ရှိသည့် နှမ်းနက်မျိုးအား တစ်တင်းလျှင် ကျပ်(၈၀,ဝဝဝ)ဖြင့် ဝယ်ယူစိုက်ပျိုးသူများပြီး နှမ်းနက်စိုက်ရန် မသင့်တော်သည့် မြေအမျိုးအစားများတွင်သာ နှမ်းဖြူကို စိုက်ပျိုးကြကြောင်းသိရသည်။
“စမုန်နက်နှမ်းမျိုးက ဈေးပိုရတာမှန်ပေမဲ့ ကျွန်တော်တို့ရွာကတော့ မြေမကြိုက်လို့ နှမ်းအရနည်းတော့ နှမ်းဖြူကိုပဲအားထားပြီး စိုက်တယ်။ နှမ်းဖြူက တစ်ဧကကို (၁၅)တင်းလောက်ကတော့ သေချာတယ်။ သူလည်း နိုင်ငံခြားဝယ်လက်ရှိတာကြောင့် နှမ်းနက်လောက် ဈေးကောင်းမရပေမဲ့ ဒုတိယတော့လိုက် ပါတယ်” ဟု နှမ်းဖြူစိုက်ပျိုးထားသည့် တောင်သူတစ်ဦးကပြောသည်။
မကွေးမြို့နယ်အတွင်း ယခင်က ဆီကြိတ်ရန်အတွက် နှမ်းနီမျိုးကို စိုက်ပျိုးမှုများခဲ့သော်လည်း ဒေသတွင်း ဆီကြိတ်လုပ်ငန်း ကျဆင်းလာခြင်း၊ နိုင်ငံခြားဝယ်လက်မရှိခြင်းတို့ကြောင့် စိုက်ပျိုးသူ နည်းသွားခြင်းဖြစ်ကြောင်း သိရသည်။
သတင်း။ ဖီးနစ်(မကွေး)
