သတင္း။ ။ ဇြဲျမတ္
.................
တာချီလိတ်၊ ဧပြီလ (၂၇)ရက်
ထိုင်းနိုင်ငံ၊ လိပ်ကျွန်းလူသတ်မှုနှင့်ပတ်သက်၍ အယူခံဝင်နိုင်ရန် မြန်မာ - ထိုင်း ရှေ့နေကောင်စီမှ ဥပဒေပညာရှင်များ ပူးပေါင်းပြင်ဆင်လျှက်ရှိကြောင်း မြန်မာသံရုံးအလုပ်သမား ကူညီစောင့်ရှောက်ရေး ကော်မတီအဖွဲ့ဝင်( Myanmar Association in Thailand)မှ သိရသည်။
"ကျွန်တော်တို့ဘက်ကတော့ အယူခံတင်ဖို့အတွက် အဆင်သင့်ဖြစ်သလောက်ရှိနေပါပြီ။ သူတို့ နိုင်ငံမှာနေတဲ့ ကိုယ့်နိုင်ငံက အလုပ်သမားတွေရဲ့ အမှုကိစ္စဖြစ်တဲ့အတွက် သူတို့နိုင်ငံရဲ့ အချုပ်အခြာနဲ့ ဥပဒေအရ ဆောင်ရွက်မှာပါ။ အယူခံတင်ဖို့အတွက်ကိုလည်း တတ်နိုင်သမျှ အားလုံးပြည့်စုံအောင် လုပ်ထားပြီးပါပြီ။ မြန်မာဘက်က ဥပဒေပညာရှင်တွေနဲ့ ထိုင်း ရှေ့နေချုပ်ရုံးက ဥပဒေပညာရှင်တွေရဲ့ အကြံဉာဏ်တွေပူးပေါင်းပြီး အယူခံဝင်ဖို့ပြင်ဆင်နေပါတယ်"ဟု မြန်မာသံရုံးအလုပ်သမားများ ကူညီစောင့်ရှောက်ရေး ကော်မတီ(MAT)မှ ဦးအောင်မျိုးသန့်က ပြောသည်။
ထိုင်းနိုင်ငံတောင်ပိုင်း ဆူရတ်ဌာနီခရိုင်အတွင်းရှိ လိပ်ကျွန်းတွင် ၂၀၁၄ ခုနှစ်ကဖြစ်ပွားခဲ့သော ဗြိတိန်နိုင်ငံသား (၂) ဦး အသတ်ခံရမှုနဲ့ ပတ်သတ်၍ သေဒဏ်အပြစ်ပေးခံထားသော မြန်မာနိုင်ငံသား နှစ်ဦးဖြစ်သည့် မောင်ဇော်လင်းနဲ့ မောင်ဝင်းဇော်ထွန်းတို့နှစ်ဦးအတွက် အယူခံဝင်နိုင်ရန် မြန်မာအစိုးရဘက်မှ ဖွဲ့စည်းပေးထားသော ဥပဒေပညာရှင်များမှလည်း မည်သည့်အကြောင်းပြချက်များကို ပြုပြင်သင့်ကြောင်းကို (၂)ကြိမ်တိုင်တိုင် ထိုင်းရှေ့နေကောင်စီသို့ ပေးပို့ထားပြီးဖြစ်ကြောင်း သိရသည်။
"သူတို့ရဲ့ ကျန်းမာရေး အခြေအနေက ကောင်းပါတယ်။ ပြီးရင်သူတို့ အားကစားတွေဘာတွေလည်း လုပ်နကြေပါတယ်။ သူတို့လည်း ပြောပါတယ်။ သူတို့ အမှုနဲ့ပတ်သက်ပြီးတော့ အမှန်တရားကို ရရှိဖို့ အတွက် သူတို့ ကျန်းမာအောင်နပြေီးတော့ စောင့်မျှော်နေတယ်ပေါ့လေ။ ပြီးရင် မြန်မာနိုင်ငံက သူတို့အတွက် အကူအညီပေးခဲ့ကြတဲ့ နိုင်ငံသားအပေါင်းနဲ့ သတင်းမီဒီယာများကိုလည်း သူတို့အနေနဲ့ ကျေးဇူးတင်စကား ပြောလိုက်ပါတယ်။"ဟု ဦးအောင်မျိုးသန့်က ဆိုသည်။
ထိုင်းနိုင်ငံတောင်ပိုင်း ဆူရတ်ဌာနီခရိုင်အတွင်းရှိ ခိုတောင်ကျွန်း (လိပ်ကျွန်း)တွင် ၂၀၁၄ ခုနှစ်ကုန်ပိုင်းက ဗြိတိန်နိုင်ငံသား (၂) ဦး အသတ်ခံရမှုနှင့် ပတ်သက်ပြီး မြန်မာလူငယ် (၂) ဦးဖြစ်သည့် ကိုဇော်လင်းနှင့် ကိုဝင်းဇော်ထွန်းတို့အား ကော်စမွီခရိုင်တရားရုံးက ၂၀၁၅ ဒီဇင်ဘာလ ၂၄ ရက်နေ့က သေဒဏ် စီရင်ချက်ချလိုက်ပြီးနောက် ထိုင်းနိုင်ငံ နွန်ထဘူရီခရိုင် အတွင်းရှိ ဘန်ခွမ်အကျဉ်းထောင်တွင် အကျဉ်းချထားခြင်းဖြစ်သည်။
သတင်း။ ဇွဲမြတ်
