တောင်တွင်းကြီး၊ မတ်လ (၂၈) ရက် ။ ။ မကွေးခရိုင် ၊ တောင်တွင်းကြီးမြို့နယ် အိုးပေါက်ကျေးရွာအုပ်စု အိုးပေါက်သစ်တောကြိုးဝိုင်းအနီးရှိ ဘူတာကျေးရွာတွင် တောမီးမှတစ်ဆင့် ကူးစက်မှုကြောင့် အိမ်ခြေ(၂၀)ခန့် မီးလောင်ကျွမ်းသွားကြောင်း တောင်တွင်းကြီးမြို့နယ် အထွေထွေအုပ်ချုပ်ရေးဦးစီးဌာနမှ သိရှိရသည်။
မတ်လ ၂၇ ရက် နံနက် (၁၁)နာရီ (၃၀)မိနစ်အချိန်ခန့်တွင် တောမီးမှတစ်ဆင့် လူနေအိမ်များသို့ မီးကူးစက်လောင်ကျွမ်းခြင်းဖြစ်ပြီး ကျေးရွာလူထု၏ ဝိုင်းဝန်ငြှိမ်းသတ်နိုင်ခဲ့မှုကြောင့် မွန်းလွဲ (၁၂)နာရီ (၃၅) မိနစ်အချိန်ခန့်တွင် မီးငြိမ်းသွားခဲ့ကြောင်းသိရသည်။
“ကျွန်တော်တို့ရွာက မီးရထားလမ်းတစ်ခုထဲကိုပဲ အဓိက အားထားနေရတဲ့ရွာဖြစ်လို့ မီးသတ်ယာဉ်တွေ ရေသယ်ယာဉ်တွေ ဝင်ထွက်ဖို့အတွက်က အခက်အခဲဖြစ်ခဲ့ပါတယ်။ မီးဘေးသင့် မိသားစုတွေကိုတော့ ယာယီကယ်ဆယ်ရေးစခန်းဖွင့်ထားတဲ့ ဘူတာကျေးရွာက အမက ကျောင်းမှာ ထားရှိပါတယ်”ဟု ဘူတာကျေးရွာသားတစ်ဦးကပြောသည်။
မီးလောင်မှုကြောင့် လူနေအိမ်များနှင့် ကျေးရွာကိုယ့်အားကိုယ်ကိုး စာကြည့်တိုက် တစ်လုံးတို့ မီးလောင်ဆုံးရှုံးခဲ့သော်လည်း လူနှင့်တိရစ္ဆာန် ထိခိုက်သေဆုံးမှုမရှိကြောင်း သိရသည်။
သတင်း။ ။ ဖီးနစ်
