မကွေးတိုင်း၊ မြိုင်မြို့နယ်ရှိ ကိုင်းတောမစက်တွင်းမှ ထွက်လာသော အင်အား(၁၂)ယောက်ပါ စစ်ကောင်စီတပ်သားများကို  ကိုင်းတောမ ဆေးခန်းရှေ့တွင် ပြည်သူ့ကာကွယ်ရေးအဖွဲ့များက ယနေ့ ၂၀၂၄ ခုနှစ် မတ်လ (၃၀)ရက်နေ့ နံနက်ပိုင်းက တိုက်ခိုက်ခဲ့ရာ စစ်ကောင်စီတပ်ထံမှ လက်နက်ခဲယမ်းများ သိမ်းဆည်းရရှိခဲ့သည်ဟု သိရသည်။ 

အနီးကပ်ပစ်ခတ်မှုမှာ (၁၅)ခန့်ကြာခဲ့ပြီး စစ်ကောင်စီတပ်သား (၃)ဦး သေဆုံးခဲ့သည်ဟု မြိုင်မြို့နယ် ပြည်သူ့ကာကွယ်‌ရေးတပ်ဖွဲ့ က သတင်းထုတ်ပြန်ထားသည်။

အဆိုပါတိုက်ပွဲမှ MA1 သေနတ်တစ်လက်၊ MA3 သေနတ်တစ်လက်၊ ကျည်ဘောက် (၆)ခု၊ ကျည်ဆံ (၁၂၀)တောင့်၊ ဘေးလွယ်အိတ်တစ်လုံး၊ ဖုန်း(၂)လုံးနှင့် အဆိုပါဖုန်းထဲမှ သေဆုံးသွားသော စစ်ကောင်စီတပ်သားများ၏ ဓာတ်ပုံများနှင့် အချက်အလက်အချို့ သိမ်းဆည်းရရှိခဲ့သည်ဟု သိရသည်။

တိုက်ခိုက်မှုများကို မြိုင်ပကဖ ၊ မြိုင်ပကဖ အဖွဲ့ဝင်ဖြစ်သော တပ်ရင်း (၁)၊ တပ်ခွဲ ၄ (စက်ြာ)၊ ဝံပုလွေပြောက်ကျားတပ်ဖွဲ့၊ မဟာမိတ်တပ်ပေါင်းစု (MUGDF ၊ James Bond၊ ဇာမဏီပြောက်ကျားတပ်ဖွဲ့)၊ ကင်ဒိုတပ်ဖွဲ့၊ ပခုက္ကူခရိုင်တပ်ရင်း (၂၊ ၆၊ ၇)၊ မြိုင် ပ.က.ဖ IO အဖွဲ့၊ Pakokku People's Defense Force၊ Young Force UGနှင့် Earthquake People's Defence Force တို့က ပူးပေါင်းတိုက်ခိုက်ခဲ့ခြင်းဖြစ်သည်ဟု သိရသည်။

#TachileikNewsAgency