~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံတွင် ဘုန်းတော်ကြီးတစ်ပါးကို ငွေကြေးခဝါချမှု၊ ငွေကြေးအလွဲသုံးစားမှုဖြင့် ထောင်ဒဏ် (၂၆)နှစ် ချမှတ်
************
ငွေကြေးခဝါချမှုအပါအဝင် ငွေကြေးအလွဲသုံးစားမှုများဖြင့် တရားရင်ဆိုင်နေရသည့် ထိုင်းနိုင်ငံ၊ ဖတ်ချဘန်မှ ဘုန်းတော်ကြီး Phra Khru Kitti Phacharakhun ကို ၂၀၁၉ ခုနှစ်၊ ဧပြီလ (၁၇)ရက်နေ့တွင် တရားရုံးက ထောင်ဒဏ် (၂၆)နှစ် ချမှတ်လိုက်ကြောင်း သိရသည်။

တရားရုံးက ပြစ်ဒဏ်ချမှတ်လိုက်ပြီးဖြစ်သဖြင့် သင်္ကန်းဝတ်ဖြင့် တရားရင်ဆိုင်နေသည့် ဘုန်းတော်ကြီးမှာ လူဝတ်လဲပြီး ပြစ်ဒဏ်ကျခံရမည်ဖြစ်ပြီး လက်ရှိတွင် ဘုန်းတော်ကြီး၏ ရှေ့နေ့က အယူခံတင်ထားကြောင်း သိရသည်။

ချွိုင်ဒန်ခရိုင်ရှိ ဘုန်းတော်ကြီးများ၏ အကြီးအကဲဖြစ်သည့် အဆိုပါဘုန်းတော်ကြီးနှင့် နိုင်ငံသံဃာအဖွဲ့အစည်း ညွှန်ကြားရေးမှူးတို့နှစ်ဦးကို၂၀၁၈ ခုနှစ်၊ ဖေဖေါ်ဝါရီလက တရားစွဲဆိုထားခြင်းဖြစ်ကြောင်း သိရသည်။

ဒေသတွင်း ဘုန်းတော်ကြီးကျောင်း(၁၂)ကျောင်းသို့ ပေးအပ်ရမည့် ဘတ်ငွေ (၂၈)သန်းကို အလွဲသုံးစားပြုမှု၊ ငွေကြေးခဝါချမှုတို့လုပ်ဆောင်ကြောင်း စစ်ဆေးသိရှိရသဖြင့် ဘုန်းတော်ကြီးအား ပြစ်ဒဏ်ချမှတ်လိုက်ခြင်းဖြစ်ပြီး ဆက်စပ်သူများကို ဆက်လက်စစ်ဆေးဆဲဖြစ်ကြောင်း သိရသည်။

Tachileik News Agency
Ref: Bangkok Post