ကယားပြည်နယ်၊ လွိုင်ကော်မြို့ ကယားဒေးကွင်းအနီးရှိ ကိန္နရီကိန္နရာ မောင်နှံရုပ်တုတွင် ၂၀၂၀ ခုနှစ်၊ မေလ (၂၄) ရက်နေ့ နေ့လယ်ပိုင်းက mask များ လာရောက်တပ်ဆင်ပေးထားပြီး ညနေပိုင်းတွင် ပြန်လည်ဖယ်ရှားပေးသွားသည်ကို တွေ့ရသည်။
ရုပ်ထုများတွင် mask လာတပ်ခြင်းကို စည်ပင်သာယာရေးဌာနအနေဖြင့် သိရှိခြင်းမရှိကြောင်း သိရသည်။
" အဲဒါကတော့ ဘယ်သူတွေသွားတပ်ထားလည်းမသိဘူးပေ့ါနော်။ ခဏနေ သွားကြည့်လိုက်ပါမယ်။ မသင့်တော်ဘူးဆိုရင်လည်း ပြန်ဖြုတ်ရမှာပေါ့။ ကျွန်တော့်အမြင်အရဆို တပ်တဲ့သူတွေကလည်း လူတွေတောင်မဟုတ်ဘူး။ အရုပ်တောင် mask တပ်ရတယ်ဆိုတဲ့ပုံစံ ပညာပေးတဲ့သဘောမျိုး ဖြစ်ပါလိမ့်မယ်။ သို့သော်လည်းပဲ သက်မဲ့အရုပ်ဖြစ်တဲ့အတွက်ကြောင့် ခနနေသွားကြည့်ပြီးရင် အမြင်မတော်ရင်လည်း ပြန်ဖြုတ်မှာပါ " ဟု လွိုင်ကော်မြို့နယ်စည်ပင်သာယာရေးဌာနမှ အမှုဆောင်အရာရှိ ဦးသန်းထွန်းက ပြောသည်။
သို့သော် ကယားဒေးကွင်းအနီး အဝိုင်းပတ်ရှိ ကိန္နရီ ကိန္နရာမောင်နှံ ရုပ်တုတွင် တပ်ဆင်ထားသည့် mask များကို ည (၆) နာရီကျော်ခန့်အချိန်တွင် ပြန်လည်ဖယ်ရှားထားသည်ကို တွေ့ရခြင်းဖြစ်သည်။
Tachileik News Agency
သတင်း၊ဓါတ်ပုံ - ဆန်းဖြိုးထွန်း
