Page Nav

HIDE

Page Nav

HIDE

Grid

GRID_STYLE

Grid

GRID_STYLE

Classic Header

{fbt_classic_header}

Header Ad

//

Breaking News

latest

ဆောင်းပါးများ

//

အတည်ပြုလူနာ (Case 182)နှင့် လေယာဉ်အတူစီးလာသည့် မကွေးတိုင်းမှ မလေးရှားပြန် (၂၄)ဦးကို ဓါတ်ခွဲနမူနာရယူ စစ်ဆေးမည်

အတည်ပြုလူနာ (Case 182)နှင့် လေယာဉ်အတူစီးလာသည့် မကွေးတိုင်းမှ မလေးရှားပြန် (၂၄)ဦးကို ဓါတ်ခွဲနမူနာရယူ စစ်ဆေးမည် ချင်းပြည်နယ်မှ အတည်ပြ...


အတည်ပြုလူနာ (Case 182)နှင့် လေယာဉ်အတူစီးလာသည့် မကွေးတိုင်းမှ မလေးရှားပြန် (၂၄)ဦးကို ဓါတ်ခွဲနမူနာရယူ စစ်ဆေးမည်

ချင်းပြည်နယ်မှ အတည်ပြုလူနာ (Case 182)နှင့် လေယာဉ်အတူစီးလာကြသည့် မကွေးတိုင်းမှ မလေးရှားပြန် (၂၄)ဦး Facility Quarantine ဝင်နေသည့် မကွေးပညာရေးကောလိပ်တွင် ပိုးသတ်ဆေးဖြန်းခြင်းလုပ်ငန်း ဆောင်ရွက်ထားပြီး ဓါတ်ခွဲနမူနာများကို မေလ (၁၇)ရက်နေ့၌ ရန်ကုန်သို့ ပို့ဆောင်မည်ဖြစ်ကြောင်း သိရသည်။

အဲဒီ မလေးရှားပြန် (၂၄)ဦးကို ပြီးခဲ့တဲ့တစ်ပတ်လောက်က ရန်ကုန်လေဆိပ်မှာ သွားရောက်ခေါ်ယူခဲ့ပြီး မကွေး ပညာရေးကောလိပ်မှာ F Q စထားခဲ့တာပါ။ သူတို့နဲ့အတူ လေယာဉ်စီးလာသူက အတည်ပြုလူနာ ဖြစ်သွားလို့ မနက်ဖြန်မှာပဲ သူတို့ရဲ့ နှာခေါင်းနဲ့အာခေါင်တို့ပတ်ရယူပြီး ဓာတ်ခွဲပေးပို့သွားမှာပါ
ဟု မကွေးမြို့ နယ်အုပ်ချုပ်ရေးမှူး ဦးသက်လွင်က တာချီလိတ်သတင်းအေဂျင်စီသို့ မေလ (၁၆)ရက်နေ့တွင် ပြောသည်။

အဆိုပါ(၂၄)ဦးမှာ တီးတိန်မြို့မှ အတည်ပြုလူနာ (Case 182)နှင့်အတူ လူဦးရေ (၁၂၀) ခန့်ပါရှိသည့် လေယာဉ်ဖြင့် တစ်စီးတည်း အတူစီးကာ ရန်ကုန်အပြည်ပြည်ဆိုင်ရာလေဆိပ်သို့ မေလ (၁၁)ရက်နေ့ကရောက်ရှိလာသူများဖြစ်ပြီး မကွေးတိုင်းဒေသကြီးအစိုးရအဖွဲ့၏ အစီအစဉ်ဖြင့် ရန်ကုန်လေဆိပ်သို့ သွားရောက်ခေါ်ဆောင်ကာ Facility Quarantine ထားရှိသူများဖြစ်သည်။

၎င်းတို့အား ထားရှိသည့် ပညာရေးကောလိပ်မှ Quarantine အဆောင်များ၊ ၎င်းတို့ ဝင်ရောက်လာသည့် နတ်မောက်လမ်း ၊ တောင်တွင်းလမ်း ၊ မြို့ပတ်လမ်း နေရာများအား စည်ဖြိုးသူ ပရဟိတအဖွဲ့၊ မကွေး KS ပရဟိတအဖွဲ့တို့က မေလ (၁၆)ရက်နေ့ ညနေပိုင်းတွင် ပိုးသတ်ဆေးဖြန်းခြင်းများ လုပ်ဆောင်သွားမည်ဖြစ်ကြောင်း သိရသည်။

Tachileik News Agency
သတင်း - ဖီးနစ်


~~~~~~~   ကြော်ငြာ   ~~~~~~
~~~~~~~   ကြော်ငြာ   ~~~~~~
~~~~~~~   ကြော်ငြာ   ~~~~~~
~~~~~~~   ကြော်ငြာ   ~~~~~~
~~~~~~~   ကြော်ငြာ   ~~~~~~
~~~~~~~   ကြော်ငြာ   ~~~~~~
~~~~~~~   ကြော်ငြာ   ~~~~~~
~~~~~~~   ကြော်ငြာ   ~~~~~~


Header Ad

//