အင်းစိန် နှင့် မရမ်းကုန်းတို့မှ အတည်ပြုလူနာ (၂)ဦးတိုး၍ မြန်မာနိုင်ငံအတွင်း covid-19 ကူးစက်ခံရသူ (၁၈၀)ဦး ရှိနေ
ရန်ကုန်တိုင်းဒေသကြီး အင်းစိန်နှင့် မရမ်းကုန်းမြို့နယ်တို့မှ အသွားအလာကန့်သတ်ထားသူ အမျိုးသား (၁)ဦးနှင့် အမျိုးသမီး (၁)ဦးတို့ကို ၂၀၂၀ ခုနှစ်၊ မေလ (၁၀) ရက်နေ့၌ အတည်ပြုလူနာများအဖြစ် ဓါတ်ခွဲတွေ့ရသဖြင့် အတည်ပြုလူနာ စုစုပေါင်း (၁၈၀) ဦး ရှိပြီဖြစ်ကြောင်း သိရသည်။
ဓါတ်ခွဲအတည်ပြုလူနာများအနက် ကုသမှုခံယူနေဆဲတွင် ပြန်လည်ဓါတ်ခွဲစစ်ဆေးရာမှ (၂)ကြိမ်ဆက်တိုက် ပိုးမတွေ့သူ (၄)ဦးထပ်တိုးလာသဖြင့် ရောဂါပိုးကင်းစင်သူ စုစုပေါင်း (၇၂)ဦးရှိလာပြီး ယင်းတို့အနက် (၅၅)ဦးမှာ ဆေးရုံဆင်းပြီဖြစ်ကြောင်း သိရသည်။
ဓါတ်ခွဲအတည်ပြုလူနာများအနက် (၆)ဦးမှာ သေဆုံးခဲ့ရခြင်းဖြစ်သည်။
Tachileik News Agency
