တာချီလိတ်ရှိ BHS ကျောင်းက မြန်မာ့ရိုးရာထမနဲပွဲတော် ကျင်းပ
တပို့တွဲလ မြန်မာ့ရိုးရာထမနဲပွဲတော်အကြောင်းအား ကလေးငယ်များ သိရှိစေရန်အတွက် တာချီလိတ်မြို့ရှိ B.H.S English School က မြန်မာ့ရိုးရာထမနဲပွဲတော်အား ၂၀၂၀ခုနှစ် ဖေဖော်ဝါရီလ(၆)ရက်က ကျင်းပပြုလုပ်သည်။
နှစ်စဉ် တပို့တွဲလများတွင် မြန်မာ့ရိုးရာ ထမနဲပွဲတော်များ ကျင်းပလေ့ရှိပြီး ထမနဲထိုးပုံ အဆင့်ဆင့် အပါအဝင် တပို့တွဲလတွင် ပွင့်လေ့ရှိသော ပန်းများအကြောင်းကိုလည်း ကျောင်းသား ကျောင်းသူ ကလေးငယ်များအား B.H.S English School များက ရှင်းလင်းခဲ့ကြောင်း သိရသည်။
တာချီလိတ်မြို့ရှိ B.H.S English School က (၁၂)လရာသီ မြန်မာ့ရိုးရာပွဲတော်များကို ကလေးငယ်များ သိရှိရန်အတွက် ယခုလို ကျင်းပ ပေးလေ့ရှိကြောင်း သိရသည်။
Tachileik News Agency
