~~~~~~~~⊰❂ Zawgyi Version ❂⊱~~~~~~~~

အဆိုတော် ဖြိုးပြည့်စုံ၊ တေးရေး ငြိမ်းချမ်းကိုနှင့် ရော်နီစန်းလွင်တို့ (၃)ဦးတို့ကို ကတ်တမင်း မူးယစ်ဆေးနှင့် အတူ ဖမ်းမိသည်ဟု မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က ၂၀၁၉ ခုနှစ်၊ အောက်တိုဘာလ (၈)ရက်နေ့တွင် သတင်းထုတ်ပြန်လိုက်ပြီး အဆိုတော်အပါအဝင် (၃)ဦးကို ဗဟန်းမြို့မရဲစခန်းတွင် ထိန်းသိမ်းထားသည်ဟု သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က ထုတ်ပြန်ထားသည့်သတင်းဖေါ်ပြပါ ဓါတ်ပုံတွင် ထိုင်းနိုင်ငံ၌ ရောင်းချလေ့ရှိသည့် Play More Candy ငုံဆေးပုလင်းနှင့် ငုံဆေးပြားများနှင့် တူသည့် ဆေးပြား (၁၁)ပြားကို တွေ့ရပြီး သတင်းဖေါ်ပြချက်တွင် ကတ်တမင်းဆေးပြား (၁၀)ပြား ဖမ်းမိသည်ဟု ဖေါ်ပြထားသည်ကို တွေ့ရသည်။

၎င်းတို့ထံမှ သိမ်းဆည်းရမိထားသည့် ဆေးပြားများကို ဓါတ်ခွဲစစ်ဆေးနေဆဲဖြစ်ကြောင်း ရဲတပ်ဖွဲ့တာဝန်ရှိသူထံမှ သိရသည်။

အဆိုတော် ဖြိုးပြည့်စုံ၊ တေးရေး ငြိမ်းချမ်းကိုနှင့် ရော်နီစန်းလွင်တို့ (၃)ဦးမှာ ၂၀၁၉ ခုနှစ်၊ အောက်တိုဘာလ (၇) ရက်နေ့ ညနေ (၅)နာရီခွဲအချိန်တွင် ဗဟန်းမြို့နယ်၊ ဆရာစံရပ်ကွက် မြန်မာပလာဇာရှိ  ကော်ဖီဆိုင်၌ ထိုင်နေစဉ် မူးယစ်တပ်ဖွဲ့က သတင်းအရ စောင့်ဆိုင်းဖမ်းဆီးခဲ့ခြင်းဖြစ်သည်ဟု သိရသည်။

ဖြိုးပြည့်စုံ၏ မော်တော်ယာဉ်ပေါ်ရှိ ကျောပိုးအိတ်အတွင်းမှ Play စာတမ်းပါ ပလပ်စတစ်ဗူးဖြင့် ထည့်ထားသည့် ကတ်တမင်းဆေးပြား (၁၀) ပြားဖမ်းမိသည်ဟုဆိုကာ ဖြိုးပြည့်စုံ၊ ရော်နီစန်းလွင်နှင့် ငြိမ်းချမ်းကိုတို့အား ဗဟန်းမြို့မရဲစခန်းတွင် မယ(ပ)၄၄/၂၀၁၉၊ မူး/စိတ်ပုဒ်မ ၁၉(က)/၂၁ ဖြင့် အမှုဖွင့်ထားခြင်းဖြစ်သည်။

Tachileik News Agency
ဓါတ်ပုံ - ပြည်ထဲရေး၊ မူးယစ်