Update News

ဧရာ၀တီတံတားေပၚ စစ္ကိုင္းဘက္အျခမ္းမွ ခုန္ခ်ကာ ေသေၾကာင္းႀကံစည္သည့္ သီလရွင္အား အေရးေပၚကယ္ဆယ္ဆယ္ေရးအဖြဲ႔က အခ်ိန္မီကယ္ဆယ္ႏုိင္ခဲ့

ဧရာ၀တီိတံတား ရတနာပံု စစ္ကိုင္းဘက္ျခမ္းတြင္ တံတားေပၚမွ ခုန္ခ်ကာ ေသေၾကာင္းႀကံစည္သည့္ သီလရွင္တစ္ပါးအား  အေရးေပၚကယ္ဆယ္ေရးအဖြဲ႔(စစ္ကိုင္း)က အသက္ရွင္လ်က္ျဖင့္ အခ်ိန္မီကယ္ဆယ္လိုက္ႏိုင္ေၾကာင္း  သိရသည္။

ဧရာ၀တီတံတားေပၚ စစ္ကိုင္းဘက္အျခမ္းတြင္ ၂၀၁၉ခုႏွစ္ စက္တင္ဘာလ(၃၀)ရက္ေန႔ နံနက္(၁၁)နာရီခြဲ၀န္းက်င္အခ်ိန္က  သီလရွင္တစ္ပါးသည္ တံတားေပၚမွ ခုန္ခ်ရာ အေရးေပၚကယ္ဆယ္ေရးအဖြဲ႔(စစ္ကိုင္း)၏ ေရျပင္ကယ္ဆယ္ေရးအဖြဲ႔မွ ေတြ႔ရွိၿပီး အခ်ိန္မီ အသက္ရွင္လ်က္ျဖင့္ ကယ္ဆယ္လိုက္ႏုိင္ျခင္း ျဖစ္ေၾကာင္း သိရသည္။

"ဘာျဖစ္လို႔လဲ ဆိုတာေတာ့ အတိအက် မသိေသးဘူးဗ်၊ ေလာေလာဆယ္ေတာ့ ေဆးရံုကို ပို႔ေပးထားခဲ့ပါတယ္၊  ဒဏ္ရာရတာေတာ့မရွိဘူး၊ ေလာေလာဆယ္ ေရမြန္းၿပီး ေမာေနတာပဲ ရွိပါတယ္၊ ေက်ာင္းကို မျပန္ဘူးဆိုၿပီး ေျပာေနတာပါ၊  IBEC မွာ ကိုးတန္းတက္ေနတဲ့ ဆရာေလးလို႔ သိရပါတယ္"ဟု အေရးေပၚကယ္ဆယ္ေရးအဖြဲ႔(စစ္ကိုင္း)မွ အတြင္းေရးမွဴး ဦးစိုးမင္းဦး က တာခ်ီလိတ္သတင္းေအဂ်င္စီသို႔ ေျပာသည္။

ဧရာ၀တီတံတားေပၚ စစ္ကိုင္းဘက္အျခမ္းတြင္ တံတားေပၚမွ ခုန္ခ်ကာ ေသေၾကာင္းႀကံစည္မႈ မၾကာခဏျဖစ္ပြားရာတြင္ အေလာင္းမ်ားမွ အနည္းဆံုး တစ္ရက္ၾကာမွ ရွာေဖြဆယ္ယူရရွိမႈမ်ားရွိခဲ့ေသာ္လည္း ယခု ကယ္ဆယ္မႈမွာ အသက္ရွင္လ်က္ျဖင့္ ကယ္ဆယ္လိုက္ႏုိင္ျခင္း ျဖစ္ၿပီး ၂၀၁၉ခုႏွစ္ ဇန္န၀ါရီလမွ စက္တင္ဘာလ(၃၀)ရက္ေန႔အထိ အဆိုပါ တံတားေပၚက ခုန္ခ်ကာေသေၾကာင္းႀကံစည္မႈမွာ (၇)ႀကိမ္ရွိၿပီျဖစ္ေၾကာင္း သိရွိရသည္။


Tachileik News Agency
ဓါတ္ပံု - SERT





~~~~~~~~⊰❂ Unicode Version ~~~~~~~~

ဧရာဝတိီတံတား ရတနာပုံ စစ်ကိုင်းဘက်ခြမ်းတွင် တံတားပေါ်မှ ခုန်ချကာ သေကြောင်းကြံစည်သည့် သီလရှင်တစ်ပါးအား အရေးပေါ်ကယ်ဆယ်ရေးအဖွဲ့(စစ်ကိုင်း)က အသက်ရှင်လျက်ဖြင့် အချိန်မီကယ်ဆယ်လိုက်နိုင်ကြောင်း သိရသည်။

ဧရာဝတီတံတားပေါ် စစ်ကိုင်းဘက်အခြမ်းတွင် ၂၀၁၉ခုနှစ် စက်တင်ဘာလ(၃၀)ရက်နေ့ နံနက်(၁၁)နာရီခွဲဝန်းကျင်အချိန်က သီလရှင်တစ်ပါးသည် တံတားပေါ်မှ ခုန်ချရာ အရေးပေါ်ကယ်ဆယ်ရေးအဖွဲ့(စစ်ကိုင်း)၏ ရပြေင်ကယ်ဆယ်ရေးအဖွဲ့မှ တွေ့ရှိပြီး အချိန်မီ အသက်ရှင်လျက်ဖြင့် ကယ်ဆယ်လိုက်နိုင်ခြင်း ဖြစ်ကြောင်း သိရသည်။

"ဘာဖြစ်လို့လဲ ဆိုတာတော့ အတိအကျ မသိသေးဘူးဗျ၊ လောလောဆယ်တော့ ဆေးရုံကို ပို့ပေးထားခဲ့ပါတယ်၊ ဒဏ်ရာရတာတော့မရှိဘူး၊ လောလောဆယ် ရေမွန်းပြီး မောနေတာပဲ ရှိပါတယ်၊ ကျောင်းကို မပြန်ဘူးဆိုပြီး ပြောနေတာပါ၊ IBEC မှာ ကိုးတန်းတက်နေတဲ့ ဆရာလေးလို့ သိရပါတယ်"ဟု အရေးပေါ်ကယ်ဆယ်ရေးအဖွဲ့(စစ်ကိုင်း)မှ အတွင်းရေးမှူး ဦးစိုးမင်းဦး က တာချီလိတ်သတင်းအေဂျင်စီသို့ ပြောသည်။

ဧရာဝတီတံတားပေါ် စစ်ကိုင်းဘက်အခြမ်းတွင် တံတားပေါ်မှ ခုန်ချကာ သေကြောင်းကြံစည်မှု မကြာခဏဖြစ်ပွားရာတွင် အလောင်းများမှ အနည်းဆုံး တစ်ရက်ကြာမှ ရှာဖွေဆယ်ယူရရှိမှုများရှိခဲ့သော်လည်း ယခု ကယ်ဆယ်မှုမှာ အသက်ရှင်လျက်ဖြင့် ကယ်ဆယ်လိုက်နိုင်ခြင်း ဖြစ်ပြီး ၂၀၁၉ခုနှစ် ဇန်နဝါရီလမှ စက်တင်ဘာလ(၃၀)ရက်နေ့အထိ အဆိုပါ တံတားပေါ်က ခုန်ချကာသေကြောင်းကြံစည်မှုမှာ (၇)ကြိမ်ရှိပြီဖြစ်ကြောင်း သိရှိရသည်။

Tachileik News Agency
ဓာတ်ပုံ - SERT

 #TachileikNewsAgency #TNA #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  

« PREV
NEXT »

No comments

Post a Comment

Note: Only a member of this blog may post a comment.