ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ တာလေမြို့တွင် တာလေ/ကျိုင်းလပ် ရှမ်းစာပေနှင့်ယဉ်ကျေးမှုအသင်းက Tai Youth Organization ( TYO)နှင့် ပထမဆုံးအကြိမ် ပူးပေါင်းကျင်းပသည့် ပထမအကြိမ် အခြေခံ ကွန်ပျူတာ သင်တန်းသို့ တက်ရောက်ခဲ့သည့် တိုင်းရင်းသားပေါင်းစုံ သင်တန်းသား၊ သင်တန်းသူ (၂၂)ဦး ကို ၂၀၁၉ ခုနှစ်၊ သြဂုတ်လ (၇)ရက်နေ့က သင်တန်းဆင်း လက်မှတ်များ ပေးအပ်ချီးမြှင့်လိုက်ကြောင်း သိရသည်။

“ဒီသင်တန်းက ပထမဆုံးအကြိမ်ဖြစ်တော့ ကွန်ပျူတာရှိသလောက်လက်ခံရတော့ ကွန်ပျူတာ (၂၂)လုံးပဲရှိတော့ သင်တန်းသား (၂၂)ယောက် လက်ခံလိုက်တာပါ။ အသင်းက လုပ်တယ်ဆိုပေမဲ့ ဘယ်တိုင်းရင်းသားဆိုတာ ကန့်သတ် မထားပါဘူး။ ဒီသင်တန်းမှာ ဒေသတွင်းက တိုင်းရင်းသားအားလုံး ပါပါတယ်။ သင်တန်းတက်ချင်သူတိုင်း တက်ခွင့်ရှိပါတယ်။ နှစ်တိုင်းလည်း ဒီလိုသင်တန်းတွေ လုပ်ပေးသွားဖို့ ကြိုးစားသွားမှာပါ။ ကွန်ပျူတာတွေလည်း ထပ်တိုးနိုင်အောင် ကြိုးစားသွားမှာပါ”ဟု တာလေ/ကျိုင်းလပ် ရှမ်းစာပေနှင့်ယဉ်ကျေးမှုအသင်း ဥက္ကဌ ဦးစိုင်းသန့်ဇင်လတ်(ခ)ကိုအိုက်ပီးက တာချီလိတ်သတင်း အေဂျင်စီသို့ ပြောသည်။

အဆိုပါ သင်တန်းတွင် တာလေ၊ မိုင်းပျဉ်းနှင့် ကျိုင်းလပ်မှ သင်တန်းသား၊ သင်တန်းသူ (၂၂)ဦး တက်ရောက်ကြခြင်းဖြစ်ပြီး သင်တန်းသားများအားလုံးကို သင်တန်းဆင်းလက်မှတ်များအား တာဝန်ရှိသူများက အသီးသီး  ပေးအပ်ချီးမြှင့်ခဲ့ကြောင်းသိရှိရသည်။

Tachileik News Agency
ဓါတ်ပုံ - STZL

~~~~~~~~⊰❂ Unicode Version ❂⊱~~~~~~~~