ျမန္မာႏိုင္ငံ၏ ဒုတိယေျမာက္ ကမာၻ႕အေမြအႏွစ္စာရင္း၀င္အျဖစ္ ပုဂံယဥ္ေက်းမႈအေမြအႏွစ္ေဒသ သတ္မွတ္ခံရ

ျမန္မာႏိုင္ငံ၏ ဒုတိယေျမာက္ ကမာၻ႕အေမြအႏွစ္စာရင္း၀င္အျဖစ္ ပုဂံယဥ္ေက်းမႈအေမြအႏွစ္ေဒသ သတ္မွတ္ခံရ
ဇူလိုင် 6, 2019
By Tachileik News Agency

ျမန္မာႏိုင္ငံ၏ ဒုတိယေျမာက္ ကမာၻ႕အေမြအႏွစ္စာရင္း၀င္အျဖစ္ ပုဂံယဥ္ေက်းမႈအေမြအႏွစ္ေဒသအား ယူနက္စကိုကမာၻ႕ယဥ္ေက်းမႈအေမြအႏွစ္ေကာ္မတီက အသိအမွတ္ျပဳကာ ေရြးခ်ယ္လိုက္ေၾကာင္းကို အဇာဘိုင္ဂ်န္နိုင္ငံ၊ ဘာကူၿမိဳ႕တြင္ က်င္းပျပဳလုပ္သည့္ ကမၻာ့ကုလသမဂၢ ပညာေရး၊ သိပၸံႏွင့္ ယဥ္ေက်းမႈဆိုင္ရာအဖြဲ႕ (UNESCO)၏ (၄၃)ႀကိမ္ေျမာက္ ကမၻာ့အေမြအႏွစ္ ေကာ္မတီညီလာခံအစည္းအေဝး၌ ထုတ္ျပန္ေၾကညာလိုက္ေၾကာင္း သိရသည္။

အဇာဘိုင္ဂ်န္နိုင္ငံ၊ ဘာကူၿမိဳ႕တြင္ ၂၀၁၉ခုႏွစ္ ဇြန္လ(၃၀)ရက္ေန႔မွ ဇူလိုင္လ(၁၀)ရက္ေန႔အထိ က်င္းပျပဳလုပ္ေနလ်က္ရွိသည့္ ကမၻာ့ကုလသမဂၢ ပညာေရး၊ သိပၸံႏွင့္ ယဥ္ေက်းမႈဆိုင္ရာအဖြဲ႕ (UNESCO)၏ (၄၃)ႀကိမ္ေျမာက္ ကမၻာ့အေမြအႏွစ္ ေကာ္မတီညီလာခံအစည္းအေဝး၏ (၇)ရက္ေျမာက္ေန႔ျဖစ္သည့္ ဇူလိုင္လ(၆)ရက္ေန႔တြင္ ထုတ္ျပန္ေၾကညာလိုက္ျခင္းျဖစ္သည္။

အဆိုပါ အစည္းအေ၀းသို႔ ယူနက္စကိုဆိုင္ရာ ျမန္မာသံအမတ္ႀကီးဦးေက်ာ္ေဇယ် ဦးေဆာင္ကာ သာသနာေရးႏွင့္ယဥ္ေက်းမႈဝန္ႀကီးဌာန၊ ပညာေရးဝန္ႀကီးဌာန၊ သယံဇာတႏွင့္ပတ္ဝန္းက်င္ထိန္းသိမ္းေရးဝန္ႀကီးဌာန၊ နိုင္ငံျခားေရးဝန္ႀကီးဌာနတို႔မွ တာဝန္ရွိသူမ်ား အပါအ၀င္ ပုဂံကိုခ်စ္ျမတ္နိုးေသာအဖြဲ႕မ်ား၊ ပုဂၢိဳလ္မ်ား၊ ႏွလုံးသားထဲကပုဂံ အဖြဲ႔သားမ်ားႏွင့္ အႏုပညာရွင္အခ်ဳိ႕လည္း ၎တို႔စရိတ္ျဖင ့္သြားေရာက္၍ ျမန္မာကိုယ္စားလွယ္အဖြဲ႕ႏွင့္ ပူးေပါင္းကာ တက္ေရာက္အားေပးခဲ့ေၾကာင္း သာသနာေရးႏွင့္ယဥ္ေက်းမႈ၀န္ႀကီးဌာနက ထုတ္ျပန္ထားရွိသည္။

ျမန္မာနိုင္ငံ၏ ပထမဆုံး ကမၻာ့အေမြအႏွစ္အျဖစ္ ၂၀၁၄ခုႏွစ္ ဇူလြန္(၂၂)ရက္ေန႔က ပ်ဴၿမိဳ႕ေဟာင္း(၃)ၿမိဳ႕ျဖစ္သည့္ ဟန္လင္း၊ ဗိႆႏိုး ႏွင့္ သေရေခတၱရာၿမိဳ႕ေဟာင္းမ်ားကို သတ္မွတ္ခံရၿပီး ယခုအခါ ျမန္မာႏုိင္ငံ၏ ဒုတိယေျမာက္ ယူနက္စကို၏ ကမၻာ့အေမြအႏွစ္စာရင္းဝင္အျဖစ္  ပုဂံေရွးေဟာင္းယဥ္ေက်းမႈနယ္ေျမအား သတ္မွတ္ေပးလိုက္ျခင္း ျဖစ္ေၾကာင္း သိရွိရသည္။

Tachileik News Agency
ဓါတ္ပံု - MORAC


~~~~~~~~⊰❂ Unicode Version ~~~~~~~~

မြန်မာနိုင်ငံ၏ ဒုတိယမြောက် ကမာ္ဘ့အမွေအနှစ်စာရင်းဝင်အဖြစ် ပုဂံယဉ်ကျေးမှုအမွေအနှစ်ဒေသအား ယူနက်စကိုကမာ္ဘ့ယဉ်ကျေးမှုအမွေအနှစ်ကော်မတီက အသိအမှတ်ပြုကာ ရွေးချယ်လိုက်ကြောင်းကို အဇာဘိုင်ဂျန်နိုင်ငံ၊ ဘာကူမြို့တွင် ကျင်းပပြုလုပ်သည့် ကမ္ဘာ့ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုဆိုင်ရာအဖွဲ့ (UNESCO)၏ (၄၃)ကြိမ်မြောက် ကမ္ဘာ့အမွေအနှစ် ကော်မတီညီလာခံအစည်းအဝေး၌ ထုတ်ပြန်ကြေညာလိုက်ကြောင်း သိရသည်။

အဇာဘိုင်ဂျန်နိုင်ငံ၊ ဘာကူမြို့တွင် ၂၀၁၉ခုနှစ် ဇွန်လ(၃၀)ရက်နေ့မှ ဇူလိုင်လ(၁၀)ရက်နေ့အထိ ကျင်းပပြုလုပ်နေလျက်ရှိသည့် ကမ္ဘာ့ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုဆိုင်ရာအဖွဲ့ (UNESCO)၏ (၄၃)ကြိမ်မြောက် ကမ္ဘာ့အမွေအနှစ် ကော်မတီညီလာခံအစည်းအဝေး၏ (၇)ရက်မြောက်နေ့ဖြစ်သည့် ဇူလိုင်လ(၆)ရက်နေ့တွင် ထုတ်ပြန်ကြေညာလိုက်ခြင်းဖြစ်သည်။

အဆိုပါ အစည်းအေဝးသို့ ယူနက်စကိုဆိုင်ရာ မြန်မာသံအမတ်ကြီးဦးကျော်ဇေယျ ဦးဆောင်ကာ သာသနာရေးနှင့်ယဉ်ကျေးမှုဝန်ကြီးဌာန၊ ပညာရေးဝန်ကြီးဌာန၊ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးဌာန၊ နိုင်ငံခြားရေးဝန်ကြီးဌာနတို့မှ တာဝန်ရှိသူများ အပါအဝင် ပုဂံကိုချစ်မြတ်နိုးသောအဖွဲ့များ၊ ပုဂ္ဂိုလ်များ၊ နှလုံးသားထဲကပုဂံ အဖွဲ့သားများနှင့် အနုပညာရှင်အချို့လည်း၎င်းတို့စရိတ်ဖြင့်သွားရောက်၍ မြန်မာကိုယ်စားလှယ်အဖွဲ့နှင့် ပူးပေါင်းကာ တက်ရောက်အားပေးခဲ့ကြောင်း သာသနာရေးနှင့်ယဉ်ကျေးမှုဝန်ကြီးဌာနက ထုတ်ပြန်ထားရှိသည်။

မြန်မာနိုင်ငံ၏ ပထမဆုံး ကမ္ဘာ့အမွေအနှစ်အဖြစ် ၂၀၁၄ခုနှစ် ဇူလွန်(၂၂)ရက်နေ့က ပျူမြို့ဟောင်း(၃)မြို့ဖြစ်သည့် ဟန်လင်း၊ ဗိဿနိုး နှင့် သရေခေတ္တရာမြို့ဟောင်းများကို သတ်မှတ်ခံရပြီး ယခုအခါ မြန်မာနိုင်ငံ၏ ဒုတိယမြောက် ယူနက်စကို၏ ကမ္ဘာ့အမွေအနှစ်စာရင်းဝင်အဖြစ် ပုဂံရှေးဟောင်းယဉ်ကျေးမှုနယ်မြေအား သတ်မှတ်ပေးလိုက်ခြင်း ဖြစ်ကြောင်း သိရှိရသည်။

Tachileik News Agency
ဓာတ်ပုံ - MORAC

 #TachileikNewsAgency #TNA #TachileikOnlineNews  #တာခ်ီလိတ္သတင္းေအဂ်င္စီ www.tachileik.net