~~~~~~~~⊰❂ Unicode Version ❂⊱~~~~~~~~

ရှမ်းပြည်နယ် မြို့နယ် (၄)ခုတွင် မတ်လအတွင်း ယာဉ်နှင့် ယာဉ်မောင်းလိုင်စင်များ နယ်လှည့်သက်တမ်းတိုးပေးမည်
********
ရှမ်းပြည်နယ် မိုးနဲ၊ ကွတ်ခိုင်၊ နမ့်ဆန်၊ မိုင်းတုံနှင့် မိုင်းဆတ်မြို့နယ်တို့တွင် မော်တော်ယာဉ်၊ မော်တော်ဆိုင်ကယ်နှင့် ယာဉ်မောင်းလိုင်စင်များ သက်တမ်းတိုးခြင်းလုပ်ငန်းများကို ၂၀၁၉ ခုနှစ်၊ မတ်လအတွင်း မြို့နယ်အလိုက် နယ်လှည့်ဆောင်ရွက်ပေးသွားမည်ဖြစ်ကြောင်း သိရသည်။

မတ်လအတွင်း တိုင်းဒေသကြီးနှင့် ပြည်နယ် (၁၄)ခုရှိ မြို့နယ်ပေါင်း (၃၉)ခုတွင် ဆောင်ရွက်ပေးသွားမည်ဖြစ်ရာ နေပြည်တော် တပ်ကုန်းမြို့နယ်၊ ကချင်ပြည်နယ် ရွှေကူမြို့နယ်၊ ကရင်ပြည်နယ် လှိုင်းဘွဲ့မြို့နယ်နှင့် ဝင်းကကျေး၊ စစ်ကိုင်းတိုင်းဒေသကြီး ကနီ၊ ဒီပဲယင်း၊ ကလေးဝ၊ မော်လိုက်နှင့် မင်းကင်းမြို့နယ်များ၊ တနင်္သာရီတိုင်းဒေသကြီး ရေဖြူနှင့် ပုလောမြို့နယ်များ၊ ပဲခူးတိုင်းဒေသကြီး ဝေါ၊ ပေါင်းတည်နှင့် လက်ပံတန်းမြို့နယ်များ၊ မကွေးတိုင်းဒေသကြီး ချောက်၊ ဂန့်ဂေါ၊ စလင်း၊ အောင်လံနှင့် မင်းလှမြို့နယ်များတွင်လည်းကောင်း၊ ချင်းပြည်နယ် မင်းတပ်နှင့် မတူပီမြို့နယ်များ၊ မန္တလေးတိုင်းဒေသကြီး မတ္တရာ၊ ညောင်ဦး၊ မြစ်သားနှင့် ပျော်ဘွယ်မြို့နယ်များ၊ မွန်ပြည်နယ် ရေးမြို့နယ်၊ ရခိုင်ပြည်နယ် ကျောက်ဖြူနှင့် ရမ်းဗြဲမြို့နယ်များ၊ ရန်ကုန်တိုင်းဒေသကြီး လှည်းကူးနှင့် ဒလမြို့နယ်များ၊ ဧရာဝတီတိုင်းဒေသကြီး ငပုတော၊ ညောင်တုန်း၊ ဇလွန်နှင့် ဘိုကလေးမြို့နယ်များတွင် ဆောင်ရွက်ပေးသွားမည်ဖြစ်ကြောင်း သိရသည်။

ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှုဦးစီးဌာနက မြို့နယ်အလိုက် နယ်လှည့်ဆောင်ရွက်ပေးခြင်းကို လစဉ် တိုင်းဒေသကြီးနှင့် ပြည်နယ်များအတွင်း မြို့နယ်များအလိုက် အလှည့်ကျဆောင်ရွက်ပေးနေခြင်းဖြစ်သည်။

ယင်းကဲ့သို့ နယ်လှည့်ဆောင်ရွက်ပေးခြင်းကို ဖေဖေါ်ဝါရီလအတွင်းက တိုင်းဒေသကြီးနှင့် ပြည်နယ် (၁၁)ခုရှိ မြို့နယ် (၃၁)ခုတွင် ဆောင်ရွက်ပေးရာ၌ ရှမ်းပြည်နယ်အတွင်းမှ ဟိုပုံး၊ ရွာငံ၊ ခိုလမ်နှင့် နမ့်ခမ်းတို့တွင် ဆောင်ရွက်ပေးခဲ့ခြင်းဖြစ်သည်။

Tachileik News Agency