**********
နှစ်သစ်ကူးညဖြစ်သည့် ၂၀၁၈ ခုနှစ်၊ ဒီဇင်ဘာလ (၃၁)ရက်နေ့တွင် ရန်ကုန်မြို့တွင်း (၅) နေရာ၌ အရေးပေါ် ကူညီမှုများလုပ်ဆောင်နိုင်ရန် အရေးပေါ်လူနာတင်ယာဉ်များ အသင့်ရှိနေမည်ဖြစ်ပြီး မတော်တဆ ဖြစ်ပွားမှုများကို တွေ့ရှိပါက အချိန်မရွေး ဆက်သွယ် အကူညီတောင်းခံနိုင်ကြောင်း သိရသည်။
ယာဉ်မတော်တဆမှုများ၊ အခြားသောမတော်တဆမှုများအား တွေ့ရှိသူများအနေဖြင့် နာ/ကူ(ရန်ကုန်)၊ အရေးပေါ်ဌာန #K-Ambulance ဖုန်း- 09 421119566, 09 31333273, 09 777980265 နှင့် 01-706421 တို့သို့ အချိန်မရွေးဆက်သွယ်နိုင်မည်ဖြစ်ကြောင်း သိရသည်။
နာ/ကူ(ရန်ကုန်)/ အရေးပေါ်ဌာနမှ အရေးပေါ်လူနာတင်ယာဉ်များနှင့် ဆေးဘက်ဆိုင်ရာကူညီမှုများ အဆင်သင့်ဖြင့် ကျောက်တံတားမြို့နယ်၊ တိုင်းဒေသကြီး မီးသတ်ဦးစီးမှူးရုံးရှေ့၊ ကမ္ဘာအေးဘုရားလမ်းမပေါ် မြကျွန်းသာပန်းခြံရှေ့၊ ပြည်လမ်းမပေါ် အင်းယားကန်ရှေ့၊ သုဓမ္မာလမ်းမပေါ် (ဃ) အမှတ်(၃)လမ်းဆုံ (ဇေကမ္ဘာဝင်းရှေ့)၊ မိုင်ဒါကွင်း(မြို့မကွင်း)တို့တွင် လူနာတင်ယာဉ်တစ်စီးစီ ရှိနေမည်ဖြစ်ပြီး နာ/ကူ(ရန်ကုန်)ရုံးချုပ်တွင်လည်း အရေးပေါ်လူနာတင်ယာဉ် (၇)စီးတို့က ဆေးဘက်ဆိုင်ရာကိစ္စရပ်များတွင် အခမဲ့ ကူညီဖေးမပေးနိုင်ရန်အတွက် အသင့်ပြင်ဆင်ထားကြောင်း သိရသည်။
ဓါတ်ပုံ - Ye Thwin Htut
