~~~~~~~~⊰❂ unicode ❂⊱~~~~~~~~

အဆိုပါ သင်တန်းအား နိုဝင်ဘာလ (၁၂)ရက်နေ့မှ ဒီဇင်ဘာလ (၁၆) ရက်နေ့အထိ မိုင်းကိုးကျေးရွာအုပ်စု၊ ဟိုရမ်းကျေးရွာရှိ ပြည်သူ့စစ်စခန်းတွင် ဖွင့်လှစ်သွားမည်ဖြစ်ကြောင်း သိရသည်။

"ကျွန်တော်တို့က နေဖို့ စားဖို့ အကုန်စီစဉ်ပေးမယ်။ တစ်ယောက်ကို တစ်ထောင်နှုန်းပေါ့။ အရင်က လူဦးရေ (၅၀)လောက် ခေါ်နိုင်ပေမဲ့ အခုက ဝန်ထမ်းအင်အားအရ (၃၀)ပဲ လက်ခံသွားမှာပါ။ သင်တန်းပြီးရင် လေ့လာရေး တွေပါမယ်။ ဌာနဆိုင်ရာတွေ၊ အသင်းအဖွဲ့တွေက လာပို့ချမယ်။ ဆေးဖြတ်ချင်တဲ့သူတွေ၊ ဆေးဖြတ်ဖို့ ရည်ရွယ်ထားသူတွေ လာစာရင်းပေးလို့ရပါတယ်"ဟု ပြန်လည်ထူထောင်ရေးဦးစီးဌာနမှ ဒုဦးစီးမှူး ဦးနိုင်စိုးမြင့်က တာချီလိတ်သတင်းအေဂျင်စီသို့ ပြောသည်။

အဆိုပါ မူးယစ်ဆေးဖြတ်သင်တန်းမှာ ပြည်လည်ထူထောင်ရေးဦးစီးဌာန၊ တာချီလိတ်ပြန်လည် ထူထောင်ရေး စခန်းက ဖွင့်လှစ်ခြင်းဖြစ်ပြီး သင်တန်းကာလအတွင်း မူးယစ်ဆေးဖြတ်သူများကို ကုသရေး ဦးစီးဌာနက ဆေးဖြတ်ကုသပေးမှုများနှင့်အတူ ပြန်လည်ထူထောင်နိုင်ရေးအတွက် သက်မွေးပညာများ သင်ကြားပေးခြင်း၊ ပြန်လည်ထူထောင်ရေးအတွက် လှုပ်ရှားဆောင်ရွက်မှုများကို ဆောင်ရွက် သွားမည်ဖြစ်ကြောင်း သိရသည်။

ရပ်ရွာအခြပြေုသင်တန်းများ ပြုလုပ်ရခြင်း ရည်ရွယ်ချက်များတွင် ရပ်ရွာဒေသတွင်း မူးယစ်ဆေးစွဲသူများကို ဖော်ထုတ်၍ ဆေးဖြတ်ကုသခံယူနိုင်ရေး အတွက် ကူညီဆောင်ရွက်ပေးရန်လည်း ပါဝင်ကြောင်း သိရသည်။

"ကျွန်တော်တို့ ကူညီပါဝင်ဖို့ လိုတယ်။ အဓိက က သင်တန်းသားတွေအတွက် စားရေးသောက်ရေးမှာ အခုအစိုးရက ချထားပေးတဲ့ နှုန်းထားနဲ့ မလောက်ဘူး။ အလှူရှင်တွေ လိုအပ်ပါတယ်။ ကျွန်တော်ဆို ရေသန့်တွေ လှူမယ်။ တာချီလိတ်မြို့က လူထုတွေကလည်း ပူးပေါင်း ပါဝင်ပေးကြပါ။ အလှူရှင်တွေ လိုအပ်နေပါတယ်"ဟု အဆိုပါ သင်တန်းဖွင့်လှစ်ရေးအတွက် ကူညီပေးနေသည့် မဇ္ဈိမလူမှုကူညီရေးအသင်း ဥက္ကဌ ဦးတင့်ဆွေက ပြောသည်။

မူးယစ်ဆေးဖြတ်လိုသူများ အနဖြေင့် ပြန်လည်ထူထောင်ရေး ဦးစီးဌာန၊ တာချီလိတ် ပြန်လည်ထူထောင်ရေးစခန်းတွင် ဆက်သွယ် စာရင်းပေးသွင်းနိုင်မည်ဖြစ်ပြီး ပြန်လည်ထူထောင်ရေး ဦးစီးဌာနမှ ဒုဦးစီးမှူး ဦးနိုင်စိုးမြင့် ဖုန်း ဝ၉ ၄၀၃၇၃၈၀၇၂ နှင့် မဇ္ဇျိမလူမှုကူညီရေးအသင်းဥက္ကဌ ဦးတင့်ဆွေ ဖုန်း ဝ၉၅၂၄၁၃၄၂ တို့သို့ ဆက်သွယ်စာရင်းပေးသွင်းနိုင်ကြောင်း သိရသည်။

သတင်း - ဆန်းဖြိုးထွန်း