~~~~~~~~⊰❂ unicode ❂⊱~~~~~~~~

မြန်မာ - ထိုင်းနယ်စပ်ဒေသ၊ ရှမ်းပြည်နယ်(အရှေ့ပိုင်း) တာချီလိတ်မြို့ရှိ BHS English School က ကျောင်းသား ကျောင်းသူများအတွက် မြန်မာ့ရိုးရာမုန့်ပွဲတော်နှင့် ပျော်ပွဲရွှင်ပွဲကို ၂၀၁၈ ခုနှစ်၊ စက်တင်ဘာလ (၂)ရက်နေ့ နေ့လည်ပိုင်းက အဆိုပါ ကျောင်းဝင်းတွင် ကျင်းပရာ BHS မှ ကျောင်းသား ကျောင်းသူများနှင့် မိဘများ ပါဝင်ဆင်နွှဲကြသည်။

အဆိုပါ ပွဲတော်တွင် ကျောင်းသား၊ကျောင်းသူများက တိုင်းရင်းသားရိုးရာ ဝတ်စုံများဝတ်ဆင် ဆင်နွှဲကြပြီး ကလေးငယ်များ အနဖြေင့် မြန်မာ့ရိုးရာမုန့်များကို သိရှိစေရန်နှင့် ပျော်စရာအမှတ်တရများရှိစေရန် ကျင်းပပေးခြင်းဖြစ်ကြောင်း သိရသည်။

ယင်းပွဲတော်တွင် ကလေးငယ်များသည် ရေထဲမှ ငါး၊ပုစွန်၊ လိပ်ရုပ်ကလေးများအား ငါးမြှားတံဖြင့် မြှား၍ လက်ဆောင် ရယူခြင်း၊ ဘောလုံးဖြင့် နို့ဆီဗူး ပစ်ကစားခြင်း၊ ရောင်စုံရေဘောလုံးပစ်ကစားခြင်း၊ သဲကစားခြင်း၊ ရောင်စုံဘောလုံးများကို မြှားပစ်၍ လက်ဆောင်ရယူခြင်း၊ ကာတွန်းရုပ်ပုံ၊ ရုပ်ထုများကို ဆေးရောင်ခြယ်ခြင်း၊ မဲနှိုက်၍ မျက်နှာဖုံးလက်ဆောင်ရယူခြင်း၊ မျက်နှာအရုပ်ဆွဲဆေးခြယ်ခြင်း၊ ကြက်ဥမဲနှိုက်၍ အရုပ်ရယူခြင်း၊ ရောင်စုံဘောလုံးများကို အပေါက်ထဲပစ်ထည့်၍ လက်ဆောင် ရယူခြင်းစသည့် ဂိမ်းအမျိုးအစားအလိုက် မြန်မာ့ရိုးရာမုန့်ဝယ်ယူပြီး ဝင်ရောက် ဆော့ကစားကြခြင်း ဖြစ်သည်။

BHS English School တွင် Pre – School အပြင် Young Learner English Speaking Class များကိုလည်း ဖွင့်လှစ်ထားခြင်းဖြစ်သည်။

Tachileik News Agency