~~~~~~~~⊰❂ unicode ❂⊱~~~~~~~~

လွိုင်ကော်တွင် မူးယစ်သတင်းရနေအိမ်အားရှာဖွေရာ လက်နက်ခဲယမ်းများ ဖမ်းဆီးရမိ
***********
ကယားပြည်နယ် ၊  လွိုင်ကော်မြို့ နယ် ကုန်းသာကျေးရွာတွင် သြဂုတ်လ (၁၆) ရက်နေ့ ညနေပိုင်းက မူးယစ်သတင်းအရ ဝင်ရှာသည့်နေအိမ်မှ လက်နက်ခဲယမ်းအချို့ဖမ်းဆီးရမိပြီး အိမ်ရှင်ကို ဖမ်းဆီးရမိခြင်းမရှိသေးကြောင်းသိရသည်။

လွိုင်ကော်မြို့ နယ်၊ ဆောင်ကန်းကျေးရွာအနီးတွင် ၂၀၁၈ ခုနှစ်၊ သြဂုတ်လ (၁၅)ရက်နေ့ ည(၉)နာရီ (၄၅)မိနစ်ဝန်းကျင်က စိတ်ကြွရူးသွပ်ဆေးပြားအချို့၊ သေနတစ်လက်ဖြင့် ဖမ်းဆီးရမိသည့်ကွင်းဆက်အဖြစ် ကုန်းသာကျေးရွာရှိ ပီတာ၏နေအိမ်အား ဝင်ရောက်ရှာဖွေဖမ်းဆီးခြင်းဖြစ်ကြောင်း သိရသည်။

သြဂုတ်လ ၁၆ ရက်နေ့ ညနေ(၃)နာရီအချိန်တွင် ပြည်နယ်မူးယစ်အထူးအဖွဲ့၊ မူးယစ်တပ်ဖွဲ့စု(၂၀)၊ မြို့မရဲတပ်ဖွဲ့နှင့် သက်သေများပါဝင်သည့်အဖွဲ့တို့က ဝင်ရောက်ရှာဖွေရာ ပီတာအားနေအိမ်တွင် မတွေ့ရဘဲ နေအိမ်အောက်ထပ် အခန်းထောင့်မှ  (၃၈)လက်မခန့်ရှိ လုပ်သေနတ်တစ်လက် ၊  (၅၁) လက်မခန့်ရှိ  လေသေနတ် တစ်လက် ၊ နေအိမ်အောက်ထပ် သေတ္တာ အတွင်းမှ (၇.၆၂) ကျည်တစ်တောင့်၊ 380 AUTO စာတန်း ပါ ကျည်လေးတောင့်၊ စတီးရောင်ဒစ်တိုနေတာ(၁၄) ခု ၊ ဒစ်တိုနေတာတစ်ခုနှင့်တွဲလျှက် အရှည် (၁၀) ပေခန့်ရှိ အဝါရောင် ယမ်းကြိုးတစ်ချောင်းတို့ကို ရှာဖွေတွေ့ရှိရကြောင်း သိရသည်။

တရားမဝင် လက်နက်ခဲယမ်းများနှင့် ဆက်စပ်ပစ္စည်းများအား လက်ဝယ်ထားရှိသူ ပီတာအား လက်နက်ဥပဒေပုဒ်မ ၁၉(စ) ဖြင့် လွိုင်ကော်မြို့မရဲစခန်းတွင် အမှုဖွင့်ထားပြီး တရာခံအားဖမ်းဆီးရမိရေးဆက်လက် လုပ်ဆောင်နေကြောင်းသိရသည်။

သတင်း #ဆန်းဖြိုးထွန်း
ဓါတ်ပုံ -ရဲတပ်ဖွဲ့