ျမန္မာႏွင့္ ၾသစေၾတးလ်ျပည္ေထာင္စုရဲတပ္ဖြဲ႔တို႔ မူးယစ္ေဆးဝါး ပူးေပါင္းထိန္းခ်ဳပ္ေရး ရန္ကုန္တြင္ ေဆြးေႏြး

ျမန္မာႏွင့္ ၾသစေၾတးလ်ျပည္ေထာင္စုရဲတပ္ဖြဲ႔တို႔ မူးယစ္ေဆးဝါး ပူးေပါင္းထိန္းခ်ဳပ္ေရး ရန္ကုန္တြင္ ေဆြးေႏြး
ဇူလိုင် 11, 2018
By Tachileik News Agency

မူးယစ္ေဆးဝါးသယ္ေဆာင္ ေရာင္းဝယ္မႈမ်ား၊ ႏိုင္ငံျဖတ္ေက်ာ္ဂိုဏ္းဖြဲ႕က်ဴးလြန္ရာတြင္ ပါဝင္ေသာ တရားခံေျပးမ်ား၊ ေစာင့္ၾကည့္ပစ္မွတ္မ်ားႏွင့္ ပတ္သက္၍ ႏိုင္ငံတကာပူးေပါင္းေဆာင္႐ြက္ႏိုင္သည့္ နည္းလမ္းမ်ားကို ျမန္မာႏုိင္ငံရဲတပ္ဖြဲ႕ႏွင့္ ၾသစေၾတးလ်ျပည္ေထာင္စုရဲတပ္ဖြဲ႕ (AFP)တို႔ ျမန္မာႏုိင္ငံတြင္ ပထမဆံုးအႀကိမ္ ေဆြးေႏြးေၾကာင္း သိရသည္။

အဆိုပါ ကိစၥမ်ားႏွင့္ပတ္သက္၍ ျမန္မာႏိုင္ငံရဲတပ္ဖြဲ႕က  Operation Dragon အျဖစ္လည္းေကာင္း၊ ဩစေၾတးလ် ျပည္ေထာင္စုရဲတပ္ဖြဲ႕က Operation Kungur အျဖစ္လည္းေကာင္း လုပ္ေဆာင္ေနေၾကာင္း သိရသည္။

ပထမအႀကိမ္ ျမန္မာႏိုင္ငံရဲတပ္ဖြဲ႕ႏွင့္ ဩစေၾတးလ်ျပည္ေထာင္စုရဲတပ္ဖြဲ႕(AFP)တို႔ ပူးေပါင္း၍ မူးယစ္ေဆးဝါး ပူးေပါင္းထိန္းခ်ဳပ္ေရး အစည္းအေဝးကို ၂၀၁၈ ခုႏွစ္၊ ဇူလိုင္လ (၉) ရက္ေန႔က ရန္ကုန္ၿမိဳ႕တြင္ က်င္းပရာ ျမန္မာ၊ ဩစေၾတးလ်၊ တ႐ုတ္၊ ထိုင္း၊ မေလးရွား၊ ကေမာၻဒီးယား၊ အင္ဒိုနီးရွား၊ ေဟာင္ေကာင္ရွိ ဩစေၾတးလ်ျပည္ေထာင္စုရဲတပ္ဖြဲ႕ (AFP)ႏွင့္ မူးယစ္ေဆးဝါး တားဆီးႏွိမ္နင္းေရး အုပ္ခ်ဳပ္မႈအဖြဲ႕႐ုံး (DEA)တို႔မွ(၂၄)ဦး၊ မူးယစ္ေဆးဝါးတားဆီးႏွိမ္နင္းေရး ရဲတပ္ဖြဲ႕မွ(၅)ဦး၊ တ႐ုတ္ႏိုင္ငံမွ(၂)ဦး၊ အင္ဒိုနီးရွားႏိုင္ငံမွ(၂)ဦး၊ မေလးရွားႏိုင္ငံမွ(၂)ဦး၊ ကေမာၻဒီးယား ႏိုင္ငံမွ(၂)ဦး၊ ထိုင္းႏိုင္ငံမွ(၄)ဦး စုစုေပါင္းကိုယ္စားလွယ္(၄၁)ဦးတက္ေရာက္ခဲ့ၾကေၾကာင္း သိရသည္။

ျမန္မာႏိုင္ငံတြင္ မူးယစ္ေဆးဝါးတားဆီးႏွိမ္နင္းေရး ရဲတပ္ဖြဲ႕အျပင္ ႏိုင္ငံေတာ္သမၼတရံုးက တုိက္ရိုက္ ကြပ္ကဲမည့္ မူးယစ္ေဆးဝါး အထူးသတင္းတုိင္ၾကားေရးဌာနကို ၂၀၁၈ ခုႏွစ္ ဇြန္လ (၂၂)ရက္ေန႔ ရက္စြဲပါ ႏိုင္ငံေတာ္သမၼတရံုး၏ ရံုးအမိန္႔အမွတ္ (၁၈၇/၂၀၁၈)ျဖင့္ ဖြဲ႕စည္းလုိက္ကာ သတင္းေပး တိုင္ၾကား သူမ်ားအား ႏုိင္ငံေတာ္က ထိုက္ထိုက္တန္တန္ ဆုေၾကးခီ်းျမႇင့္မည့္ အစီအစဥ္ကိုလည္း ေဆာင္ရြက္ေနေၾကာင္း သိရသည္။


~~~~~~~~⊰❂ unicode ~~~~~~~~

မူးယစ်ဆေးဝါးသယ်ဆောင် ရောင်းဝယ်မှုများ၊ နိုင်ငံဖြတ်ကျော်ဂိုဏ်းဖွဲ့ကျူးလွန်ရာတွင် ပါဝင်သော တရားခံပြေးများ၊ စောင့်ကြည့်ပစ်မှတ်များနှင့် ပတ်သက်၍ နိုင်ငံတကာပူးပေါင်းဆောင်ရွက်နိုင်သည့် နည်းလမ်းများကို မြန်မာနိုင်ငံရဲတပ်ဖွဲ့နှင့် သြစတြေးလျပြည်ထောင်စုရဲတပ်ဖွဲ့ (AFP)တို့ မြန်မာနိုင်ငံတွင် ပထမဆုံးအကြိမ် ဆွေးနွေးကြောင်း သိရသည်။

အဆိုပါ ကိစ္စများနှင့်ပတ်သက်၍ မြန်မာနိုင်ငံရဲတပ်ဖွဲ့က Operation Dragon အဖြစ်လည်းကောင်း၊ ဩစတြေးလျ ပြည်ထောင်စုရဲတပ်ဖွဲ့က Operation Kungur အဖြစ်လည်းကောင်း လုပ်ဆောင်နေကြောင်း သိရသည်။

ပထမအကြိမ် မြန်မာနိုင်ငံရဲတပ်ဖွဲ့နှင့် ဩစတြေးလျပြည်ထောင်စုရဲတပ်ဖွဲ့(AFP)တို့ ပူးပေါင်း၍ မူးယစ်ဆေးဝါး ပူးပေါင်းထိန်းချုပ်ရေး အစည်းအဝေးကို ၂၀၁၈ ခုနှစ်၊ ဇူလိုင်လ (၉) ရက်နေ့က ရန်ကုန်မြို့တွင် ကျင်းပရာ မြန်မာ၊ ဩစတြေးလျ၊ တရုတ်၊ ထိုင်း၊ မလေးရှား၊ ကမော္ဘဒီးယား၊ အင်ဒိုနီးရှား၊ ဟောင်ကောင်ရှိ ဩစတြေးလျပြည်ထောင်စုရဲတပ်ဖွဲ့ (AFP)နှင့် မူးယစ်ဆေးဝါး တားဆီးနှိမ်နင်းရေး အုပ်ချုပ်မှုအဖွဲ့ရုံး (DEA)တို့မှ(၂၄)ဦး၊ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ(၅)ဦး၊ တရုတ်နိုင်ငံမှ(၂)ဦး၊ အင်ဒိုနီးရှားနိုင်ငံမှ(၂)ဦး၊ မလေးရှားနိုင်ငံမှ(၂)ဦး၊ ကမော္ဘဒီးယား နိုင်ငံမှ(၂)ဦး၊ ထိုင်းနိုင်ငံမှ(၄)ဦး စုစုပေါင်းကိုယ်စားလှယ်(၄၁)ဦးတက်ရောက်ခဲ့ကြကြောင်း သိရသည်။

မြန်မာနိုင်ငံတွင် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့အပြင် နိုင်ငံတော်သမ္မတရုံးက တိုက်ရိုက် ကွပ်ကဲမည့် မူးယစ်ဆေးဝါး အထူးသတင်းတိုင်ကြားရေးဌာနကို ၂၀၁၈ ခုနှစ် ဇွန်လ (၂၂)ရက်နေ့ ရက်စွဲပါ နိုင်ငံတော်သမ္မတရုံး၏ ရုံးအမိန့်အမှတ် (၁၈၇/၂၀၁၈)ဖြင့် ဖွဲ့စည်းလိုက်ကာ သတင်းပေး တိုင်ကြား သူများအား နိုင်ငံတော်က ထိုက်ထိုက်တန်တန် ဆုကြေးချီးမြှင့်မည့် အစီအစဉ်ကိုလည်း ဆောင်ရွက်နေကြောင်း သိရသည်။

 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~~~~~~~~~~~~~ ေၾကာ္ျငာ ~~~~~~~~~~~~~~~~~~~~

~~~~~~~~~~~~~~~~~~ ေၾကာ္ျငာ ~~~~~~~~~~~~~~~~~~~~