~~~~~~~~⊰❂ unicode ❂⊱~~~~~~~~

ကျောက်မဲမြို့အတွင်း ပရဟိတအသင်းတစ်သင်းမှ လူနာတင်ယာဉ် ဝယ်ယူနိုင်ရန် အတွက် ဇွန်လ(၁)ရက်နေ့က စတင်ကာ ကင်းကောင်ရုပ်၊ လိပ်ရုပ်များဖြင့် သရုပ်ဖော်ပြီး အသံချဲ့စက်ဖွင့်၍ လှည့်လည် အလှူခံနေသည့် ကိစ္စနှင့် ပတ်သက်၍ မြို့ခံတို့မှေဝဖန်မှုများ ရှိနေသော်လည်း သက်ဆိုင်ရာမှ (၁)လတိတိ ခွင့်ပြုချက်ပေးထား၍ အလှူခံနခြေင်း ဖြစ်ကြောင်း သိရသည်။

ယင်းသို့ အလှူခံရန်အတွက် သက်ဆိုင်ရာသို့ တင်ပြထားရာမှ ၂၀၁၈ခုနှစ် ဇွန်လ(၁)ရက်နေ့မှ ဇွန်လ(၃၀)ရက်နေ့အထိ (၁)လတိတိ မြို့တွင်း လှည့်လှည်အလှူခံခွင့် ရရှိထားခြင်း ဖြစ်ကြောင်း သိရသည်။

“ကျွန်မတို့က မှတ်ပုံတင်လည်း တရားဝင် ကျထားပြီးပြီ၊ ကျွန်မတို့အသင်းမှာ လူနာတင်ယာဉ် မရှိလို့ ယာဉ် ဝယ်နိုင်ဖို့ အတွက် မြို့ထဲမှာ အလှူခံထွက်တာဖြစ်ပါတယ်၊ မြစ်ငယ်က အဖွဲ့တွေကို အခကြေးငွေနဲ့ ငှါးပြီးတော့ အရုပ်ကပြီး အလှူခံတာဖြစ်ပါတယ်၊ သက်ဆိုင်ရာမှာ အလှူခံခွင့်တင်ပြီးတော့မှ တရားဝင် အလှူခံတာပါ”ဟု ကျောက်မဲမြို့ရွှေရောင်လက်များလူငယ်ပရဟိတ လူမှုကူညီရေးအသင်း ဥက္ကဌ ဒေါ်ခင်မာကြည်က ဇွန်လ(၃)ရက်နေ့ နေ့လည်ပိုင်းက တာချီလိတ်သတင်းအေဂျင်စီသို့ ပြောသည်။

အသံချဲ့စက်များ ပါဝင်သည့် မော်တော်ယာဉ် တစ်စီး၊ ကင်းကောင်ရုပ်(၁)ရုပ်၊ လိပ်ရုပ်(၁)ရုပ်တို့ဖြင့် ကျောက်မဲမြို့ပေါ်ရှိ ရပ်ကွက်များအတွင်း လှည့်လည်အလှူခံရန်အတွက် အဆိုပါ အရုပ်များကို မန္တလေးတိုင်း ဒေသကြီး၊ မြစ်ငယ်မြို့မှ တဆင့် ငှါးရမ်းထားခြင်းဖြစ်ကြောင်းနှင့် တစ်ရက်လျှင် ကျပ်(၁)သိန်းခွဲအား ကရသည့် ရက်အတွက်သာ ပေးရကြောင်း သိရသည်။

လက်ရှိ ကျောက်မဲမြို့ပေါ် လူနေရပ်ကွက်ကြီးများတွင် အသံချဲ့စက်၊ အရုပ်အကများဖြင့် လှည့်လည် အလှူခံမှု ပြုလုပ်နေသည့် ရွှေရောင်လက်များလူငယ်ပရဟိတ လူမှုကူညီရေးအသင်း(ကျောက်မဲ)သည် အသင်းစတင် တည်ထောင်ချိန်မှစ၍ ယခုအချိန်အထိ ကျောက်မဲမှ လွှဲပြောင်းရသည့် လူနာအရေအတွက် ဦးရေ (၂၀)ခန့်ကို ပို့ဆောင်ပေးခြင်း နှင့် ခိုကိုးရာမဲ့ အဖိုး/အဖွား (၂)ဦးကို မန္တလေးရှိ YGW သို့ ပို့ဆောင် ပေးခြင်းများ ဆောင်ရွက်ခဲ့ကြောင်း ကျောက်မဲမြို့ရွှေရောင်လက်များလူငယ်ပရဟိတ လူမှုကူညီရေးအသင်း ဥက္ကဌ ဒေါ်ခင်မာကြည်ထံက သိရသည်။

“ပရဟိတအသင်း ဆိုပြီးတော့ မြို့ထဲမှာ ကထိန်လို အလှူခံထွက်တာကတော့ မဖြစ်သင့်ဘူးလို့ ထင်တယ်၊ အခုခေတ်မှာ လူမှုကွန်ယက်ကနေ အလှူခံရင်ပဲ စေတနာရှိတဲ့သူတွေ၊ လှူနိုင်သူတွေက လာပြီး လှူကြတာမျိုး ရှိနေတာပဲ၊ အခုလို မြို့ထဲမှာ အသံချဲ့စက်နဲ့ လှည့်ပတ်အလှူခံတာမျိုးကို ခွင့်မပြုသင့်ဘူးလို့ ထင်တယ်”ဟု ကျောက်မဲမြို့ခံတစ်ဦးဖြစ်သည့် ဦးဝင်းမောင်က ပြောသည်။

ကျောက်မဲမြို့တွင်း လူမှုကူညီရေးအသင်းအနဖြေင့် မြို့တွင်း အသံချဲ့စက်ဖြင့် လှည့်လည်အလှူခံသည်မှာ ပထမဆုံးအကြိမ်ဖြစ်ကြောင်း သိရသည်။

“ကျောက်မဲမြို့မှာ နိုင်ငံတော်ကို တရားဝင်အခွန်ဆောင်ပြီးမှ အသင်းအဖွဲ့မှတ်ပုံတင်ထားတာဆိုလို့ တစ်သင်းပဲရှိသေးတယ်၊ ရှင်းရှင်း ပြောရရင် အသင်းအဖွဲ့မှတ်ပုံတင် မရှိထားတဲ့အဖွဲ့တွေက ဘာမှကို လုပ်ပိုင်ခွင့် မရှိဘူး၊ လူမှုကူညီရေး အသင်းဆိုပြီး မြို့ထဲမှာအသံချဲ့စက်နဲ့အလှူခံတာတော့ အခုမှ ပထမဆုံးမြင်ဖူးတာပဲ”ဟု ကျောက်မဲမြို့ရှိ ဇီဝိတလူမှုကူညီရေး အသင်းမှ ကိုစောမင်းကြူက တာချီလိတ်သတင်းအေဂျင်စီသို့ ပြောသည်။

နိဗ္ဗာန်ယာဉ်များနှင့် ပတ်သက်၍ အသင်းအဖွဲ့များတွင် အသုံးပြုနေသည့် HSE/---- နံပါတ် တပ်ဆင်ထားသည့် ယာဉ်များသည် နာရေး ( သေဆုံးမှု) ကူညီယုံမှလွဲ၍ အခြားမည်သည့် ခရီးသည်၊ တစ်ဦးတစ်ယောက်၊ လူနာ အစရှိသည် တို့ကို တင်ဆောင်ခြင်း/ ပို့ဆောင်ခြင်းမပြုရ ဆိုသည့် စည်းမျဉ်း စည်းကမ်းနှင့် နာရေးကူညီယာဉ်သည် မည်သည့် အကြောင်းဖြင့် သွားရောက်သည်ဖြစ်စေ အလောင်းသယ် ကုတင်နှင့် မှန်အခေါင်းပါဝင်ထားရမည် ဟု စည်းကမ်းများရှိ ထားသော်လည်း လက်ရှိတွင် လူမှုကူညီရေး အသင်းများက လိုက်နာမှုမရှိကြောင်း၎င်းက ပြောသည်။

သတင်း - နဖြေိုးမြင့်
ဓာတ်ပုံ - ဝင်းမြင့်အောင်