~~~~~~~~⊰❂ unicode ❂⊱~~~~~~~~

ရှမ်းအရှေ့ဒေသတွင် “ဝ”တိုင်းရင်းသားများအား ခရီးသွားခွင့်ပိတ်ပင်ထားခြင်းနှင့်ပတ်သက်၍ နိုင်ငံရေးပါတီနှင့် လူမှုရေးအဖွဲ့များ သဘောထားကြေညာချက်ထုတ်မည်
~~~~~~
ရှမ်းပြည်နယ် အရှေ့ပိုင်းဒေသတွင် နိုင်ငံတော်မှတရားဝင်ထုတ်ပေးထားသည့် မှတ်ပုံတင်ကိုင်ဆောင်ထားသော “ဝ”တိုင်းရင်းသားများ ခရီးသွားလာခွင့်ပိတ်ပင်နေသည့်ကိစ္စနှင့် ပတ်သက်၍ နိုင်ငံရေးပါတီများ၊ လူမှုရေးအသင်းအဖွဲ့များနှင့် “ဝ”ကိုယ်ပိုင်အုပ်ချုပ်ခွင့်ရတိုင်း ဦးစီးဥက္ကဌတို့  ဖေဖေါ်ဝါရီလ (၂၀)ရက်နေ့တွင် လားရှိုမြို့၌ ဆွေးနွေးကြကြောင်း သိရသည်။

“ကျွန်တော်တို့ “ဝ”တိုင်းရင်းသားပါတီက နှစ်ခုရှိတယ်။ နောက် ယဉ်ကျေးမှုအဖွဲ့တွေရယ် “ဝ”ကိုယ်ပိုင်အုပ်ချုပ်ခွင့်ရတိုင်း ဦးစီးဥက္ကဌတို့ ဒီကိစ္စနဲ့ပတ်သက်လို့ ဆွေးနွေးကြတာမှာ သဘောထားကြေညာချက် ထုတ်ပြန်မယ်လို့ သဘောတူဆုံးဖြတ်လိုက်ကြပါတယ်။ ဒီကိစ္စက ဘာကြောင့် ပိတ်ထားမှန်းမသိတော့ ဒီကိစ္စကို ကူညီဖြေရှင်းပေးဖို့  ထုတ်ပြန်ခြင်းပါ။ လိုအပ်ရင်တော့ တစ်ဆင့်ပြီး တစ်ဆင့် ဆက်လုပ်သွားမှာပါ”ဟု မက်မန်းမဲဆန္ဒနယ်မှ ရှမ်းပြည်နယ်လွှတ်တော်ကိုယ်စားလှယ် ဦးညီနပ်က တာချီလိတ်သတင်းအေဂျင်စီသို့ ပြောသည်။

ဝ ကိုယ်ပိုင်အုပ်ချုပ်ခွင့်ရဒေသနှင့် ရှမ်းပြည်နယ်အရှေ့ပိုင်းဒေသ မိုင်းခတ်၊ မိုင်းယန်း၊ တာချီလိတ်မြို့များသို့ သွားလာခွင့်အား ဖေဖေါ်ဝါရီလဆန်းမှစ၍ တားမြစ်ထားသဖြင့် ဒေသခံများမှာ အခက်အခဲဖြစ်နေကြောင်း သိရသည်။

အဆိုပါကိစ္စနှင့်ပတ်သက်၍ ရှမ်းပြည်နယ်အရှေ့ပိုင်း ကျိုင်းတုံ၊ တာချီလိတ်ဒေသများမှ ယဉ်ကျေးမှုအဖွဲ့တာဝန်ရှိသူများ၊ လားရှိုးမြို့ရှိ “ဝ” ဒီမိုကရက်တစ်ပါတီ၊ “ဝ” အမျိုသားစည်းလုံးညီညွတ်ရေးပါတီများမှ တာဝန်ရှိသူများ၊ “ဝ”ကိုယ်ပိုင်အုပ်ချုပ်ခွင့်ရတိုင်း ဦးစီးဥက္ကဌတို့ တွေ့ဆုံဆွေးနွေးခြင်းဖြစ်ကြောင်း သိရသည်။

သတင်း #ချယ်ရီထိုက်
ဓါတ်ပုံ #NN