ေတာင္ႀကီးၿမိဳ႕နယ္အတြင္း အမ်ားျပည္သူႏွင့္ သက္ဆုိင္သည့္ေနရာမ်ားတြင္ အရက္ေသာက္ျခင္းအား ေဒသႏၱရအမိန္႔ျဖင့့္ တားဆီး

ေတာင္ႀကီးၿမိဳ႕နယ္အတြင္း အမ်ားျပည္သူႏွင့္ သက္ဆုိင္သည့္ေနရာမ်ားတြင္ အရက္ေသာက္ျခင္းအား ေဒသႏၱရအမိန္႔ျဖင့့္ တားဆီး
ဇန်နဝါရီ 20, 2018
By 🌸
ရွမ္းျပည္နယ္ (ေတာင္ပိုင္း) ေတာင္ႀကီးၿမိဳ႕နယ္အတြင္း အမ်ားျပည္သူႏွင့္ သက္ဆိုင္သည့္ေနရာမ်ားတြင္ အရက္ေသာက္ျခင္း၊ မူးယစ္ရမ္းကားျခင္း၊ အမ်ားျပည္သူ စိတ္ၿငိဳျငင္ေစရန္ ျပဳမူေျပာဆိုျခင္းမ်ားအား၂၀၁၈ ခုႏွစ္ ဇန္နဝါရီလ တတိယပတ္မွစတင္၍ ျပစ္မႈဆိုင္ရာ ဥပေဒျဖင့္ ဖမ္းဆီးအေရးယူေနၿပီျဖစ္ေၾကာင္း သိရသည္။

“အမ်ားနဲ႔သက္ဆိုင္တဲ့ပန္းၿခံေတြ လမ္းဆံုလမ္းခြေတြမွာ အရက္ေသစာေသာက္စားတာေတြ ရွိတယ္။ ရန္ကုန္နဲ႕ မႏၱေလးေတြမွာလည္း ဒီလိုေတြလုပ္ရင္ ဖမ္းဆီးအေရးယူတာေတြလုပ္ေနၿပီ။ ကၽြန္ေတာ္တို႔ ေတာင္ႀကီးမွာလည္း တားျမစ္ခ်က္ထုတ္ဖို႔အတြက္ကို အစိုးရအဖြဲ႕ကို တရားဝင္တင္ျပၿပီး ခြင့္ျပဳခ်က္က်လာၿပီဆိုမွ ကၽြန္ေတာ္တို႕ လုပ္တာျဖစ္တယ္။ ထုတ္ျပန္တဲ့ေနရာမွာလည္း အမ်ားနဲ႔သက္ဆိုင္တဲ့ေနရာေတြကို အဓိကထားၿပီး ထုတ္ျပန္ထားတယ္။ အဲဒီလိုေနရာေတြမွာ မူးယစ္ရမ္းကားတာေတြျပဳလုပ္ရင္ တည္ဆဲဥပေဒနဲ႔ အေရးယူျခင္း ခံရမွာျဖစ္ပါတယ္။ ရဲအေနနဲ႔ သူ႕ရဲ႕ ဥပေဒပုဒ္မနဲ႕ဆြဲလို႕မရဘူးဆိုရင္ တားျမစ္ခ်က္ထုတ္ျပန္လိုက္တာျဖစ္တဲ႕ အတြက္ တားျမစ္ခ်က္မလိုက္နာမႈေၾကာင့္ ျပစ္မႈဆိုင္ရာ ဥပေဒပုဒ္မ ၁၈၈ နဲ႕ အေရးယူလို႔ရပါတယ္။ တျခားဥပ ေဒ ပုဒ္မနဲ႕ အေရးယူလို႔မရမွာျဖစ္မွာစိုးလို႕ တားျမစ္ခ်က္ထုတ္ျပန္လိုက္တာ ျဖစ္ပါတယ္” ဟု ေတာင္ႀကီးၿမိဳ႕နယ္ အုပ္ခ်ဳပ္ေရးမႈး ဦးမင္းစိုးက တာခ်ီလိတ္သတင္းေအဂ်င္စီသို႔ ေျပာသည္။

အဆိုပါ ေဒသႏၱရအမိန္႔ကို ၿမိဳ႕နယ္အေထြေထြအုပ္ခ်ဳပ္ေရးမႈးဦးစီးဌာနက ဇန္နဝါရီလ (၁၇) ရက္ေန႔ ေန႔စြဲျဖင့္ ထုတ္ျပန္ထားျခင္းျဖစ္သည္။

ေတာင္ႀကီးၿမိဳ႕ ေက်ာင္းႀကီးစုရပ္ကြက္ရိွ အေဝရာမီးပံုးပ်ံကြင္း၊ ကန္ေရွ႕ရပ္ကြက္ ကုန္သည္လမ္းႏွင့္ ျမကန္သာလမ္းၾကားရိွ ဗိုလ္ခ်ဳပ္လမ္းမႀကီး၏ အေရွ႕ဘက္ဆိုင္ကယ္ရပ္နားရာေနရာ၊  ေရေအးကြင္းရပ္ကြက္ KSK စတိုးေရွ႕ေျမကြက္လပ္ႏွင့္ ျမစိမ္းေတာင္ဘုရားအတက္လမ္း၊ လမ္းမေတာ္ရပ္ကြက္ ဘုရင့္ေနာင္လမ္းသြယ္ (ေအာက္ေမ့ဖြယ္ဓမၼာရံုလမ္းသြယ္)၊ မဂၤလာဦးရပ္ကြက္ ဗိုလ္ခ်ဳပ္ေအာင္ဆန္းလမ္းရိွ ျမင္းရုပ္ပရဝဏ္အတြင္း၊ သစ္ေတာရပ္ကြက္ အိမ္ေတာ္ထင္းရႈးကြင္းႏွင့္ အိမ္ေတာ္ဝိုင္း လမ္းဆံု ႀတိဂံေနရာ၊ စူဠာမုနိေလာကခ်မ္းသာေစတီေတာ္ႏွင့္ ေတာင္ႀကီးေဂါက္ကလပ္ဘက္လမ္းဆံုေနရာ၊ စဝ္စံထြန္းရပ္ကြက္ ရႈခင္းသာပန္းျခံႏွင့္ ႀကိဳးတံတားအနီး၊ ေစ်းပိုင္းရပ္ကြက္ ၿမိဳ႕မေစ်းအနီးဝန္းက်င္၊ ခ်မ္းျမသာစည္ရပ္ကြက္ စတုဘံုမိကာဘုန္းေတာ္ႀကီးေက်ာင္း ပတ္ဝန္းက်င္ေနရာႏွင့္ ကံႀကီးရပ္ကြက္ ဖူဆယ္ေဘာလံုးကြင္းအနီးဝန္းက်င္မ်ားတြင္ အရက္ေသာက္ျခင္း၊ မူးယစ္ရမ္းကားျခင္း၊ အမ်ားျပည္သူ စိတ္ၿငိဳျငင္ေစရန္ ျပဳမူေျပာဆိုျခင္းမ်ား မျပဳလုပ္ရန္ တားျမစ္လိုက္ၿပီး ေဖာက္ဖ်က္သူမ်ားအား ျပစ္မႈဆုိင္ရာ ဥပေဒမ်ားျဖင့္ အေရးယူမည္ျဖစ္ေၾကာင္း အမိန္႔ထုတ္ထားျခင္းအား အမ်ားျပည္သူထံအသိေပးေရးအတြက္ ရပ္ကြက္အုပ္ခ်ဳပ္ေရးမွဴးမ်ား အားလံုးထံ ေပးပို႔ထားၿပီးျဖစ္ေၾကာင္း သိရသည္။

သတင္း #ႏိုႏို

~~~~~~~~⊰❂ unicode ~~~~~~~~
တောင်ကြီးမြို့နယ်အတွင်း အများပြည်သူနှင့် သက်ဆိုင်သည့်နေရာများတွင် အရက်သောက်ခြင်းအား ဒေသန္တရအမိန့်ဖြင့့် တားဆီး
*************
ရှမ်းပြည်နယ် (တောင်ပိုင်း) တောင်ကြီးမြို့နယ်အတွင်း အများပြည်သူနှင့် သက်ဆိုင်သည့်နေရာများတွင် အရက်သောက်ခြင်း၊ မူးယစ်ရမ်းကားခြင်း၊ အများပြည်သူ စိတ်ငြိုငြင်စေရန် ပြုမူပြောဆိုခြင်းများအား၂၀၁၈ ခုနှစ် ဇန်နဝါရီလ တတိယပတ်မှစတင်၍ ပြစ်မှုဆိုင်ရာ ဥပဒေဖြင့် ဖမ်းဆီးအရေးယူနေပြီဖြစ်ကြောင်း သိရသည်။

“အများနဲ့သက်ဆိုင်တဲ့ပန်းခြံတွေ လမ်းဆုံလမ်းခွတွေမှာ အရက်သေစာသောက်စားတာတွေ ရှိတယ်။ ရန်ကုန်နဲ့ မန္တလေးတွေမှာလည်း ဒီလိုတွေလုပ်ရင် ဖမ်းဆီးအရေးယူတာတွေလုပ်နေပြီ။ ကျွန်တော်တို့ တောင်ကြီးမှာလည်း တားမြစ်ချက်ထုတ်ဖို့အတွက်ကို အစိုးရအဖွဲ့ကို တရားဝင်တင်ပြပြီး ခွင့်ပြုချက်ကျလာပြီဆိုမှ ကျွန်တော်တို့ လုပ်တာဖြစ်တယ်။ ထုတ်ပြန်တဲ့နေရာမှာလည်း အများနဲ့သက်ဆိုင်တဲ့နေရာတွေကို အဓိကထားပြီး ထုတ်ပြန်ထားတယ်။ အဲဒီလိုနေရာတွေမှာ မူးယစ်ရမ်းကားတာတွေပြုလုပ်ရင် တည်ဆဲဥပဒေနဲ့ အရေးယူခြင်း ခံရမှာဖြစ်ပါတယ်။ ရဲအနေနဲ့ သူ့ရဲ့ ဥပဒေပုဒ်မနဲ့ဆွဲလို့မရဘူးဆိုရင် တားမြစ်ချက်ထုတ်ပြန်လိုက်တာဖြစ်တဲ့ အတွက် တားမြစ်ချက်မလိုက်နာမှုကြောင့် ပြစ်မှုဆိုင်ရာ ဥပဒေပုဒ်မ ၁၈၈ နဲ့ အရေးယူလို့ရပါတယ်။ တခြားဥပ ဒေ ပုဒ်မနဲ့ အရေးယူလို့မရမှာဖြစ်မှာစိုးလို့ တားမြစ်ချက်ထုတ်ပြန်လိုက်တာ ဖြစ်ပါတယ်” ဟု တောင်ကြီးမြို့နယ် အုပ်ချုပ်ရေးမှုး ဦးမင်းစိုးက တာချီလိတ်သတင်းအေဂျင်စီသို့ ပြောသည်။

အဆိုပါ ဒေသန္တရအမိန့်ကို မြို့နယ်အထွေထွေအုပ်ချုပ်ရေးမှုးဦးစီးဌာနက ဇန်နဝါရီလ (၁၇) ရက်နေ့ နေ့စွဲဖြင့် ထုတ်ပြန်ထားခြင်းဖြစ်သည်။

တောင်ကြီးမြို့ ကျောင်းကြီးစုရပ်ကွက်ရှိ အဝေရာမီးပုံးပျံကွင်း၊ ကန်ရှေ့ရပ်ကွက် ကုန်သည်လမ်းနှင့် မြကန်သာလမ်းကြားရှိ ဗိုလ်ချုပ်လမ်းမကြီး၏ အရှေ့ဘက်ဆိုင်ကယ်ရပ်နားရာနေရာ၊  ရေအေးကွင်းရပ်ကွက် KSK စတိုးရှေ့မြေကွက်လပ်နှင့် မြစိမ်းတောင်ဘုရားအတက်လမ်း၊ လမ်းမတော်ရပ်ကွက် ဘုရင့်နောင်လမ်းသွယ် (အောက်မေ့ဖွယ်ဓမ္မာရုံလမ်းသွယ်)၊ မင်္ဂလာဦးရပ်ကွက် ဗိုလ်ချုပ်အောင်ဆန်းလမ်းရှိ မြင်းရုပ်ပရဝဏ်အတွင်း၊ သစ်တောရပ်ကွက် အိမ်တော်ထင်းရှုးကွင်းနှင့် အိမ်တော်ဝိုင်း လမ်းဆုံ တြိဂံနေရာ၊ စူဠာမုနိလောကချမ်းသာစေတီတော်နှင့် တောင်ကြီးဂေါက်ကလပ်ဘက်လမ်းဆုံနေရာ၊ စဝ်စံထွန်းရပ်ကွက် ရှုခင်းသာပန်းခြံနှင့် ကြိုးတံတားအနီး၊ စျေးပိုင်းရပ်ကွက် မြို့မစျေးအနီးဝန်းကျင်၊ ချမ်းမြသာစည်ရပ်ကွက် စတုဘုံမိကာဘုန်းတော်ကြီးကျောင်း ပတ်ဝန်းကျင်နေရာနှင့် ကံကြီးရပ်ကွက် ဖူဆယ်ဘောလုံးကွင်းအနီးဝန်းကျင်များတွင် အရက်သောက်ခြင်း၊ မူးယစ်ရမ်းကားခြင်း၊ အများပြည်သူ စိတ်ငြိုငြင်စေရန် ပြုမူပြောဆိုခြင်းများ မပြုလုပ်ရန် တားမြစ်လိုက်ပြီး ဖောက်ဖျက်သူများအား ပြစ်မှုဆိုင်ရာ ဥပဒေများဖြင့် အရေးယူမည်ဖြစ်ကြောင်း အမိန့်ထုတ်ထားခြင်းအား အများပြည်သူထံအသိပေးရေးအတွက် ရပ်ကွက်အုပ်ချုပ်ရေးမှူးများ အားလုံးထံ ပေးပို့ထားပြီးဖြစ်ကြောင်း သိရသည်။

သတင်း #နိုနို

 #TachileikNewsAgency #TachileikOnlineNews  #တာခ်ီလိတ္သတင္းေအဂ်င္စီ www.tachileik.net  
~~~~~~ ေၾကာ္ျငာ ~~~~~~