~~~~~~~~⊰❂ unicode ❂⊱~~~~~~~~

တောင်ကြီးမြို့မဈေးကြီး၏ တောင်ဘက်ရှိ တပင်ရွှေထီးလမ်းအား ကွန်ကရစ်လမ်း နှင့်အတူ ရေမြောင်း၊ ပလက်ဖောင်း ပြုလုပ်နေစဉ်၎င်းလမ်းရှိ အိမ်ရှင်များက အငြင်းပွားကာ ကန့်ကွက်မှုများ ရှိလာသည့်အတွက် စည်ပင်သာယာရေးဌာန အနဖြေင့် လုပ်ငန်းများ ရပ်ဆိုင်းထားရကြောင်း သိရသည်။

"မြို့မဈေးကြီးနားက တပင်ရွှေထီးလမ်း တောင်ဘက်ခြမ်းကို ကွန်ကရစ်လမ်း၊ ရေမြောင်း၊ ပလက်ဖောင်း လုပ်ဖို့ စည်ပင်က ဆောင်ရွက်နေတာကနေ အဲဒီဘက်က အိမ်ရှင်တွေက အငြင်းပွား ကန့်ကွက် နေတာကြောင့် လုပ်ငန်းခေတ္တ ရပ်နားထားရပါတယ်။ စည်ပင်အနေနဲ့ ရရှိတဲ့ ဂရန်မြေပုံများအပေါ် မူတည် ဆောင်ရွက်တာဖြစ်ပေမယ့် အိမ်ရှင်များ သူတို့ဘက်မှာ မြေကျန်များ မရှိတော့တာရယ် ဂရန်အပေါ် အငြင်းပွား တာရယ်ကြောင့် အခုအတိုင်းဆို လမ်းကကျဉ်းကျဉ်း ဘဲရတော့မယ့်ပုံ ပေါက်နေပါပြီ။ အဲဒီလမ်းက အိမ်တွေကို ဂရန်ထုတ်ပေးရတဲ့ ခရိုင်အုပ်ချုပ်ရေးမှူးက ကွင်းဆင်းညှိနှိုင်းပေးချက် အပေါ် အစိုးရအဖွဲ့ထံ တင်ပြလမ်းညွှန်ချက်နဲ့ရယူဆောင်ရွက် သွားမှာပါ။ အစိုးရအဖွဲ့ရဲ့ညွှန်ကြားချက်နဲ့ စည်ပင်ကနေ လိုက်နာဆောင်ရွက်ပေးသွားမှာပါ။"ဟု တောင်ကြီးမြို့နယ်စည်ပင်သာယာရေးဌာနမှ အမှုဆောင်အရာရှိ ဦးအေးကို က တာချီလိတ်သတင်းအေဂျင်စီ သို့ပြောသည်။

၂၀၁၈ခုနှစ် ဇန်နဝါရီလ(၂၂)ရက်နေ့တွင် အဆိုပါ လမ်းအား ကွန်ကရစ်လမ်းခင်းခြင်း၊ ရေမြောင်း နှင့် ပလက်ဖောင်း ဖော်ဆောင်ပြုလုပ်ခြင်း လုပ်ငန်းများ ဆောင်ရွက်နေစဉ် နေအိမ် အိမ်ရှင်များက အငြင်းပွား ကန့်ကွက်လာသည့်အတွက် ဇန်နဝါရီလ(၂၃)ရက်နေ့တွင် လုပ်ငန်များ ရပ်ဆိုင်းထားရသည့်အတွက် စည်ပင်သာယာရေးဌာနမှ အစိုးရအဖွဲ့၏ ညွှန်ကြားချက်အတိုင်း လိုက်နာ ဆောင်ရွက်ပေးသွားမည် ဖြစ်ကြောင်း သိရသည်။

"လမ်းခင်းပေးတာက အရမ်းကို ကောင်းပါတယ်။ မဟုတ်ရင် ရေမြောင်းရေဆိုးအနံ့တွေကလည်း နံတယ်။ ရေစီးအားလည်း မကောင်းဘူး။ ကွန်ကရစ်တွေနဲ့ သပ်သပ်ရပ်ရပ် ခင်းပေးရင်တော့ အရမ်းကောင်းပါတယ်။ ဒါပေမဲ့ လမ်းပလက်ဖောင်းရေမြောင်းလုပ်မဲ့နေရာက ဆိုင်ရှင်တွေက ရေမြောင်းလုပ်ရင် သူတို့ရဲ့ မြေဂရန်ပါ ပါသွားမယ်လို့ပြောနကြေပါတယ်။"ဟု ညဈေးရောင်းချနေသူတစ်ဦးဖြစ်သူ မခင် က ပြောသည်။

အဆိုပါ လမ်းအား ရေစီးရေလာ ကောင်းမွန်ပြီး သန့်ရှင်းသပ်ရပ်စေရန်နှင့် ညဈေးတန်းနေရာများတွင်လည်း ကွန်ကရစ်လမ်းခင်းကျင်းပြီး ဈေးရောင်းချမှုပုံစံအသစ်ကိုပါ ပြောင်းလဲသတ်မှတ် သွားမည်ဖြစ်ကြောင်း သိရသည်။

သတင်း - နိုနို
ဓာတ်ပုံ - တောင်ကြီး စည်ပင်