~~~~~~~~⊰❂ unicode ❂⊱~~~~~~~~

မင်းလှမြို့နယ်ရှိ တောင်ပေါ်ကျေးရွာများတွင် ဘိန်းခင်းဖျက်ဆီးရေး၊ ဘင်္ဂါလီများခိုးဝင်မှုမရှိစေရေး ပညာပေးလုပ်ဆောင်
*********
မကွေးတိုင်းဒေသကြီး မင်းလှမြို့နယ်အတွင်းရှိ တောင်ပေါ်ကျေးရွာများတွင် ဘင်္ဂါလီများ ခိုးဝင်လာသည်ကို တွေ့ပါက သတင်းပို့ရန်နှင့် တောင်ပေါ်ဒေသများတွင် ဘိန်းခင်းစိုက်ပျိုးမှုမရှိစေရေးအတွက် ရဲတပ်ဖွဲ့နှင့် တပ်မတော် ပူးပေါင်းစစ်ကြောင်းဖြင့် ဇန်နဝါရီလ (၂၅)ရက်နေ့မှစ၍ လုပ်ဆောင်နေကြောင်း သိရသည်။

မင်းလှမြို့နယ်အတွင်းရှိ တောင်ပေါ်ဒေသများဖြစ်သော အထက်တပူကျေးရွာ၊ ဆင်တောင်ကျေးရွာ၊ နတ်တောင်ကျေးရွာဝန်းကျင်တို့တွင် ဘိန်းခင်းများရှာဖွေမှုများ လုပ်ဆောင်ခဲ့ပြီး နယ်မြေထိစပ်ရခိုင်ပြည်နယ်ဘက်မှ ဘင်္ဂါလီလူမျိုးများ ခိုးဝင်လာမှုသတင်းရရှိပါက သက်ဆိုင်ရာများသို့ အချိန်နှင့်တစ်ပြေးညီ သတင်းပေးပို့နိုင်ရေးတို့အတွက် ပညာပေးဟောပြောခဲ့ကြကြောင်း သိရသည်။

မင်းလှမြို့နယ် ရဲတပ်ဖွဲ့မှူး ရဲမှူးထင်အောင်လင်းဦးစီးသည့် စစ်ကြောင်းနှင့်အတူလိုက်ပါလာသည့် ကျန်းမာရေးဌာနမှ ကြီးကြပ်(၂)ဦးရဲသွေးကလည်း ဒေသခံများအား ကျန်းမာရေးစစ်ဆေးစမ်းသပ်မှုများ ပြုလုပ်၍ လိုအပ်သည့်ဆေးဝါးများကို အခမဲ့ပေးဝေခဲ့ကြောင်း သိရသည်။

မကွေးမြို့နယ်အတွင်း စစ်ကြောင်းများဖြင့် ဘိန်းခင်းဖျက်ဆီးခြင်းနှင့် ပညာပေးဟောပြောမှုများ ပြုလုပ်နိုင်ခြင်းကြောင့် ဒေသတွင်း ဘိန်းစိုက်ပျိုးမှုလျော့နည်းသည်ဟု  ရဲမှူးထင်အောင်လင်းက ပြောသည်။
မကွေးတိုင်းဒေသကြီးနှင့် နယ်နမိတ်ထိစပ်နေသည့် ရခိုင်ပြည်နယ်ဘက်မှတစ်ဆင့် ဘင်္ဂါလီများ ခိုးဝင်မှုအား မကွေးတိုင်းအတွင်း ဖမ်းဆီးရမိလေ့ရှိသဖြင့် ယင်းကဲ့သို့ ပညာပေးမှုများ လုပ်ဆောင်နေခြင်းဖြစ်ကြောင်း သိရသည်။

သတင်း #ဖီးနစ်