~~~~~~~~⊰❂ unicode ❂⊱~~~~~~~~

လွိုင်ကော်တွင် ကျင်းပနေသည့် ကယားပြည်နယ်နေ့ပွဲတော် တိုင်းရင်းသားရိုးရာ ယဉ်ကျေးမှုအကပြိုင်ပွဲတွင် ပြိုင်ပွဲဝင် ၅၇ ဖွဲ့ ဝင်ရောက်ယှဉ်ပြိုင်နေ
***************
ကယားပြည်နယ်၊ လွိုင်ကော်မြို့တွင် ကျင်းပနေသည့် ကယားပြည်နယ်နေ့ပွဲတော်တွင် တိုင်းရင်းသားရိုးရာ ယဉ်ကျေးမှု အကပြိုင်ပွဲအား ဇန်နဝါရီလ (၁၀)ရက်နေ့မှ (၁၃)ရက်နေ့အထိ ယှဉ်ပြိုင်နေရာ ပြိုင်ပွဲဝင် အဖွဲ့ပေါင်း (၅၇)ဖွဲ့ ၀င်ရောက် ယှဉ်ပြိုင်နေကြောင်း သိရသည်။

 (၆၆) နှစ်မြောက် ကယားပြည်နယ်နေ့ပွဲတော်တွင် တိုင်းရင်းသားရိုးရာ ယဉ်ကျေးမှုအကပြိုင်ပွဲများ ၊ ကန္ဒရဝတီအလှမယ်ပြိုင်ပွဲ၊ စက်ဘီးစီးပြိုင်ပွဲ ၊ မီနီမာရသွန်ပြိုင်ပွဲ နှင့် အခြားရိုုးရာ အားကစား နည်းမျိုးစုံပြိုင်ပွဲများအပြင်  ထိုင်းကုန်စည် အရောင်းပြခန်းများ အပါအဝင် ဌာနဆိုင်ရာနှင့် လူမှုရေးအသင်းအဖွဲ့များ၏ ပြခန်းများ၊ အခမဲ့ ဖျော်ဖြေရေးပွဲများဖြင့် ဇန်နဝါရီလ (၁၀)ရက်နေ့မှ (၁၉)ရက်နေ့အထိ ကျင်းပနေကြောင်း သိရသည်။

 ပွဲတော်ကာလအတွင်း ဇန်နဝါရီလ (၁၂)ရက်နေ့၌ ရွှေမဟာဇာတ်သဘင် ဖျော်ဖြေမည်ဖြစ်ကာ (၁၃)ရက်နေ့မှ (၁၅)ရက်နေ့အထိ ရွှေထိပ်တင်ဇာတ်သဘင်နှင့် ကျန်ရက်များတွင် New Five Star အဖွဲ့၊ မေတ္တာ၊ ပွမ်ပွမ် စသည့် ဟာသလူရွှင်တော်များဖြင့် အခမဲ့ ဖျော်ဖြေပေးသွားမည်ဖြစ်ပြီး ဇန်နဝါရီလ (၁၄)ရက်နေ့တွင် အင်ပါယာ တေးဂီတအဖွဲ့၊ ဇန်နဝါရီလ (၁၅) ရက်နေ့တွင် TheThree Brand တေးဂီတအဖွဲ့ ၊ ဇန်နဝါရီလ(၁၆) ရက်နေ့တွင် Iron Corssတေးဂီတအဖွဲ့တို့၏ Free Show ဖျော်ဖြေမှု များ၊ စတိတ်ရှိုးပွဲများနှင့် ဇန်နဝါရီလ(၁၉) ရက်နေ့တွင် Dagon Charity Music Tour 2018 ရှိုးပွဲများ ပြုလုပ်သွားမည်ဖြစ်ကြောင်း သိရသည်။

သတင်း #ဆန်းဖြိုးထွန်း
ဓါတ်ပုံ #ပြည်နယ်အစိုးရအဖွဲ့