~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပို်င်း) တာချီလိတ်မြို့တွင် မူးယစ်ဆေးဖြတ်ခြင်းနှင့် ပြန်လည်ထူထောင်ရေးအတွက် လူထုအခြပြေုလုပ်ငန်းများ ဆောင်ရွက်ရန် သက်ဆိုင်ရာဌာနအဖွဲ့အစည်းများနှင့် ခရိုင်ဆေးရုံအုပ်ရုံးခန်း၌ ဇူလိုင်လ (၂၀)ရက်နေ့က တွေ့ဆုံဆွေးနွေး သဘောထားရယူကြောင်း သိရသည်။

အဆိုပါ ဆွေးနွေးပွဲတွင် National Drug Abuse Control Program Manager ဖြစ်သူ ဒေါက်တာ နန္ဒမျိုးအောင်ဝမ်းနှင့်အဖွဲ့၊ တာချီလိတ်ခရိုင်ပြည်သူ့ကျန်းမာရေးဦးစီးဌာန၊ ခရိုင်ဆေးရုံအုပ်ကြီး ဒေါက်တာ ဇင်ကိုကိုအောင်နှင့် မူးယစ်ဆေးဖြတ်လုပ်ငန်းများတွင် ပူးပေါင်းကူညီနေသည့် ဒေသတွင်းမှအဖွဲ့အစည်းများ တက်ရောက်ကြကြောင်း သိရသည်။

“သူတို့က ဆေးဖြတ်စခန်းတွေ၊ ပြန်လည်ထူထောင်ရေး စခန်းတွေကို အမေရိကန်ဒေါ်လာ သုံးသန်း အကုန်ကျခံပြီး ဆောင်ရွက်မယ်ဆိုတဲ့ အကြောင်း ဒီလုပ်ငန်းစဉ်ကို အသိပေးတာနဲ့ သဘောထား ဆန္ဒရယူတာပါ။ ရှမ်းပြည်နယ်အတွင်း (၄)နေရာမှာ လုပ်မယ်လို့ သိရတယ်။ ရှမ်း/အရှေ့မှာ ကျိုင်းတုံနဲ့ တာချီလိတ်နဲ့ ရပါတယ်။ တရုတ်နိုင်ငံ ယူနန်ပြည်နယ်က အကူအညီပေးတယ်လို့ သိရပါတယ်”ဟု အဆိုပါ အစည်းအဝေးအား တက်ရောက်ခဲ့သူတစ်ဦးဖြစ်သည့် မဇ္ဇျိမလူမှုကူညီရေးအသင်း ဥက္ကဌ ဦးတင့်ဆွေက တာချီလိတ်သတင်းအေဂျင်စီသို့ ပြောသည်။

အဆိုပါ အစီအစဉ်တွင် ကျိုင်းတုံနှင့် တာချီလိတ်မြို့များ၌ မူးယစ်ဆေးဖြတ်နှင့် ပြန်လည်ထူထောင်ရေး စခန်းများ ဖွင့်လှစ်နိုင်ရေးလည်း ပါဝင်ပြီး ဒေသတွင်း အဖွဲ့အစည်းများအား အသိပေးခြင်းနှင့် သဘောထား ဆန္ဒ ရယူခြင်းဖြစ်ကြောင်း သိရသည်။

“တာချီလိတ်ဆေးရုံအုပ်ကြီးနဲ့ ဒီဘက်က ပူးပေါင်းလုပ်မယ့် သူတွေရဲ့ သဘောထားဆန္ဒ၊ သဘောထား မှတ်ချက်ကို လာတောင်းတာ။ ဒီလုပ်ငန်းကို လုပ်ဆောင်ဖို့ ဒီဘက်အဖွဲ့အစည်းတွေက သဘောတူတယ်။ ဖြစ်မြောက်အောင် ပူးပေါင်းလုပ်ဆောင်ကြမယ်ဆိုတာ သဘောတူညီချက် လာယူတာ။ ဒါက ဝိုင်းဝန်း လုပ်ဆောင်မှ ရမယ်ပေါ့”ဟု မဇ္ဇျိမလူမှုကူညီရေးအသင်း ဥက္ကဌ ဦးတင့်ဆွေက ပြောသည်။

လက်ရှိတွင် တာချီလိတ်မြို့၊ မိုင်းကိုးကျေးရွာအုပ်စု၊ ရန်ကုန်ရွာတွင် ပြည်သူ့စစ်ခေါင်းဆောင် ဦးကျလော ဖွင့်လှစ်ထားသည့် မူးယစ်ဆေးဖြတ်နှင့်ပြန်လည်ထူထောင်ရေးစခန်းတွင် မူးယစ်ဆေးဖြတ်နှင့် ပြန်လည်ထူထောင်ရေးသင်တန်းများကို လူမှုဝန်ထမ်းဦးစီးဌာန၏ ထောက်ပံ့မှုဖြင့် ဖွင့်လှစ် နခြေင်းဖြစ်ကြောင်း သိရသည်။

သတင်း - ချယ်ရီထိုက်
ဓာတ်ပုံ - Dr ZKKA