မိုင်းဆတ်၌ ကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ် သစ်ပင်စိုက်ပျိုးပွဲ ကျင်းပ
*************
ရှမ်းပြည်နယ်အရှေ့ပိုင်း၊ မိုင်းဆတ်ခရိုင်၊ မြို့နယ်သစ်တောဦးစီးဌာနမှ ကြီးမှူး၍ ကမ္ဘာ့ပတ်ဝန်းကျင်ထိန်း သိမ်းရေးနေ့ အထိမ်းအမှတ်အဖြစ် ဇွန် ၅ ရက်နေ့က မိုင်းဆတ်-မိုင်းခုတ်သွားကားလမ်းဘေး၊ အကျဉ်းဦးစီးရှေ့၌ သစ်ပင် (၅၀၀)စိုက်ပျိုးကြကြောင်း သိရသည်။

သစ်ပင်စိုက်ပျိုးရာသို့ ပြည်သူ့လွှတ်တော်ကိုယ်စားလှယ်ဦးစိုင်းခတ္ထိယ၊ ဒုတိယခရိုင်အုပ်ချုပ်ရေးမှူး ဦးထွန်းထွန်းဝင်း၊ ခရ်ိုင်ရဲတပ်ဖွဲ့မှူး ၀ဏ္ဏဇော်၊ မြို့နယ်ဥပဒေဆိုင်ရာ အထောက်အကူပေးရေးအဖွဲ့ ဥက္ကဌ ဦးအေးမင်း၊ ဒုတိယမြို့နယ် အုပ်ချုပ်ရေးမှူး ဦးဟန်စိုးဦးနှင့် မြို့နယ်သစ်တောဦးစီးမှူး ဦးသန်းနိုင်၊ မြို့နယ် အမျိုးသမီးရေးရာအဖွဲ့ဥက္ကဌ ဒေါ်စုစုလွင်၊ မြို့နယ်မိခင်နှင့်ကလေးစောင့်ရှောက်ရေးအသင်းအဖွဲ့ဝင် ဒေါ်မြကြေးမှုံ၊  ရှမ်းစာပေနှင့်ယဉ်ကျေးမှုအဖွဲ့ဝင်များ၊ ဌာနဆိုင်ရာဝန်ထမ်းများ၊ NGO အဖွဲ့ဝင်များ၊ ဆရာ/ဆရာ မများ၊ ကျောင်းသား၊ ကျောင်းသူများ၊ ရပ်ကွက်/ကျေးရွာအုပ်ချုပ်ရေးမှူးများနှင့် ဒေသခံပြည်သူများက ကျွန်းပျိုးပင် (၅၀၀)ကို စုပေါင်း စိုက်ပျိုးကြသည်။

သတင်း၊ဓါတ်ပုံ #ယဉ်ဝင်း(iprd)