တာလေ နမ့်လင်းချောင်းတွင် ရေနစ်သေဆုံးနေသည့် အမျိုးသားအလောင်းတွေ့ရှိ
*************
ရှမ်းပြည်နယ်အရှေ့ပိုင်း တာချီလိတ်မြို့နယ် တာလေမြို့၊ နားယောင်းကျေးရွာအုပ်စု၊ ပါခါးနွဲ့ကျေးရွာအနီး ဝေဠုဝန်ဘုန်းတော်ကြီးကျောင်း၏ အနောက်ဘက်ကမ်းတွင် ဇွန်လ (၅)ရက်နေ့က အမျိုးသားအလောင်းတစ်လောင်း တွေ့ရှိရသဖြင့် စစ်ဆေးနေကြောင်း သိရသည်။
ဝေဠုဝန်ဘုန်းတော်ကြီးကျောင်းမှ ဆရာတော်က ဇွန်လ (၅)ရက်နေ့ ည (၈)နာရီခန့်တွင် တာလေနယ်မြေရဲစခန်းသို့ ဖုန်းဆက်အကြောင်းကြားသဖြင့် ရဲတပ်ဖွဲ့နှင့်ကျေးရွာအုပ်ချုပ်ရေးတို့ပါဝင်သည့်အဖွဲ့က သွားရောက်စစ်ဆေးရာ အသက် (၄၀)အရွယ်ခန့် အမျိုးသားတစ်ဦးအား ပြင်ပဒဏ်ရာများမရှိဘဲ ရေနစ်သေဆုံးပုပ်ပွနေသည်ကို နမ့်လင်းချောင်းအတွင်း တွေ့ရခြင်းဖြစ်ကြောင်း သိရသည်။
အလောင်းအား တာလေပြည်သူ့ဆေးရုံသို့ ပို့ဆောင်ထားပြီး စစ်ဆေးနေကာ အဆိုပါဖြစ်စဉ်အား တာလေနယ်မြေရဲစခန်းတွင် သေမှုသေခင်းအမှတ်စဉ် (၄/၂၀၁၇)ဖြင့် စစ်ဆေးဆောင်ရွက်နေကြောင်း သိရသည်။