~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်၊ မိုင်းဖုန်း(က)ကျေးရွာအုပ်စုရှိ အခြေခံပညာ အလယ်တန်းကျောင်း (ဝမ်ပုံ)အား အခြေခံပညာအထက်တန်းကျောင်း(ခွဲ)အဖြစ် အဆင့်တိုးမြှင့်ခြင်းနှင့် ဆိုင်းဘုတ်တင် ဖွင့်လှစ်ခြင်း အခမ်းအနားကို ဇွန်လ(၉)ရက်နေ့ နံနက်ပိုင်းက ကျင်းပပြုလုပ်ကြောင်း သိရသည်။

ယင်းဖွင့်ပွဲတွင် တပ်မတော်ကာကွယ်ရေးဦးစီးချုပ်မှ ပေးအပ်လှူဒါန်းလာသော ကွန်ပျူတာတစ်စုံအား ခရိုင်လဝကမှူး ဦးကျော်မော်ထွန်းမှ တစ်ဆင့် ကျောင်းအုပ်ဆရာမကြီး ဒေါ်တင်အေး ထံသို့ ပေးအပ် လှူဒါန်းကြောင်း သိရသည်။

အဆိုပါ အခမ်းအနားသို့ ခရိုင်စီမံခန့်ခွဲမှုကော်မတီ၊ အတွင်းရေးမှူး ခရိုင်လဝကမှူး ဦးကျော်မော်ထွန်း၊ ဝမ်ပုံရေကြောင်းရဲတပ်ဖွဲ့မှ ဒုတိယရဲမှူးကြီး လှမိုး၊ တာချီလိတ်မြို့နယ်ရဲတပ်ဖွဲ့မှူး ရဲမှူးသန်းနု နှင့် တာချီလိတ်မြို့နယ် ပညာရေးမှူး ဒေါ်မာမာဦး၊ မိုင်းဖုန်း(က)ကျေးရွာအုပ်စုအုပ်ချုပ်ရေးမှူး ဦးစိုင်းဆွမ်လစ် အပါအဝင် သက်ဆိုင်ရာ တာဝန်ရှိသူများ တက်ရောက်ခဲ့ကြောင်း သိရသည်။

တာချီလိတ်မြို့တွင် အခြေခံပညာအထက်တန်းကျောင်းများအနဖြေင့် အထက(တာချီလိတ်)၊ အထက(ဆန်ဆိုင်း)၊ အထက(ဟောင်လိတ်)၊ အထက(မိုင်းကိုး)နှင့် အခြေခံပညာအထက်တန်းကျောင်း(ခွဲ)များ အနဖြေင့် အထက-ခွဲ(ပုန်းထွန်) နှင့် အထက(ခွဲ)ဝမ်ပုံတို့ ရှိကြောင်း သိရသည်။

ဓာတ်ပုံ - ပညာရေး၊ မြို့နယ်ထွေ/အုပ်